اهل الشرقيه السلام عليكم ابحث عن افضل ماواقع للصيد بالسناره لو سمحتم

[أبوالجوهره]

السلام عليكم

اخوكم من اهل الرياض ومن عشاق الصيد بالسناره وابحث عن افضل مواقع لصيد السمك من على الشاطئ

النصيحه يا اهل الصيد لو تكرمتو

[طحنون]

ابو الجوهره
هلابك الاماكن كثيره وكل ماابعدت كل زادت الفرصه للصيد
كرنيش الدمام اصبح الصيد به ممل لقله الصيد بشكل مخيف جدا وتفضل الخيارات والاقتراحات اللي عندي
1- الكرنيش بالقرب من الفانتايم (الصيد ضعيف للاحجام المتوسطه والكبيره ) ممكن يطلعلك هامور او مزيزي او سبيطي او ابو شنب او وحره
وفي الشتاء الفجريه كنعد (خبابيط)
2-العزيزيه بالقرب من القصور يبلها واسطه من حرس الحدود نوع الصيد شعري من الحجم العائلي
والفرصه مواتيه لصيد السبيطي من الحجم العائلي انت وحظك
3- الزبنه مع منطقه القريه الصيد غريب جدا لا يمكن التنبؤء بما يطلعلك من الرزق ممكن فسكراو سبيتي او صافي او قرقفان
4-العقير الصيد في اماكن متفرقه لكبر مساحه الشاطي
نوع الصيد ضعيف جدا بالسناره والمشكله الكبرى في الملاقيف الحواقيل بشكل غير طبيعي ( توم كروز)
الصيد المتوقع شعوم او سبيطي مضيع على غفله او سبيتي وممكن صافي لاكن بالشباك
5- المناطق اللي بعد العقير خذها بشكل سريع اللي هي المناطق الجنوبيه مثل الزخنونيه وام حويض والقصار
الى ان تصل دوحه حماه الى ان تصل الى سلوى وام العقارب حتى منطقه رأس ابو قميص وهي تعتبر رقم واحد كل المناطق المذكوره الصيد بها باتصريح من حرس الحدود والصيد بها متعه لاكن يبغالها جهد واستعداد
6- منطقه الجبيل الهئيه الملكيه وكرنيش الجبيل الى ان تصل الى رأس ابو على والصيد فيه بتصريح من حرس الحدود
7- السفانيه (تصريح)
8- منيفه (تصريح)
9- تناجيب (تصريح )
10- رأس الزور( تصريح )
11-الى شواطي الخفجي
طبعا الصيد في المناطق المذكور يعتبر طيبا جدا بعد توفيق الله عزوجل
الومناطق المذكوره معروفه بالشعوم والسبيطي اللي هو غايه المطلوب
.................................................. .........................................
هاذي برمه سريعه مختصره لمناطق الصيد بالشرقيه على الشاطي وفيه مناطق لاكن محظوره ودخولها يسببلك مشاكل وواسطات ودوخه

[أبوالجوهره]

الله يجزاك خير
انا بطلع مع عيالي لصيد وبشتري سناره بحدود400ريال تقريباّ
بس ابي مكان عائلي اجلس فيه لو تطلعلي سمكه وحده بس ودي اصيد
قدام ام العيال احم احم
وش تنصح فيه طعم السناره ربيان او عجين او فيه طعم خاص
والله يجزاك الجنه ادري اني من جنب القده بس وش نسوي وانا خوك ماعندنا بحر

[Abdullatif]

حياك الله أخوي
أنا مثلك في الرياض و كل فترة أنزل الشرقية مخصوص لأجل الصيد, على الخفيف من الشاطئ (و أسوي فيها عنتر قدام أم العيال)
إذا ودك نتخاوى و نطلع سوى, العجين و الطعم الحي علي, لا تشيل همهم
كلمني على الخاص, و ترانا نتشرف باللحية الغانمة

[مهوس صيد]

اذا انت تبي تصيد مع اهلك انصحك في اول كورنيش الدمام او العزيزيه صيد مو واجد بس موجود ومكان حلو والطعم ياربيان يا خثاق

[300SL]

حبيبي اهم شي تاخذ وياك ربيان جديد
ولا تركب ميدار كبير
حجم سته زين