اخوكم غشيم في الاجهزه ويبي منكم الراي

[سطام vip]

بسم الله الرحمن الرحيم

السلام عليكم ورحمة الله وبركاته

اخواني انا اشوف منتدى الاجهزه وادخل واطلع ولا ادري وش السالفه

عالي اعرفه انها اجهزه لا سلكيه وشفته مع واحد من الشباب وجالس يسولف فيه

المهم انا عندي كم سؤال

ابي اشتري جهاز يكون حلو وقوي وسعره مقبول وش تنصحوني والي عنده شي نظيف يعلمني

ثاني سؤال واهو الاهم هل هو ممنوع؟؟ يعني مو كل شوي موقفتني شرطه والا امن طرق؟

ترا مالي في الاجهزه واخوكم غشيم فيها

في انتظار ردودكم والله يوفق الجميع

:D اخوكم الي ما يدري وش السالفه :D

سطام

[السفير2006]

اخوي انصحك انك تاخذ(( ايكوم 2100 )) ممتاز انتبه لازم تاخذ الاصلي
وشكراا

[الزنون]

السلام عليكم ورحمة الله وبركاته
مرحبا اخوي سطام مثل ماقال اخونا السفير ايكوم 2100 هو حلو واستخدامه سهل لكن سعره غالي شوي مابين 1200 الى 1300 ريال طبعاً الجديد وهو زي مايقولون حمار كده
وفيه ايكوم 2200 تراه حلو سعره معقول 800 الى 900 ريال
وفيه ناس تفضل 8000 وسعره مقارب لـ2200
وتحياتي لك

[سطام vip]

بيض الله وجيهكم اخوي السفير واخوي الزنون

ما قصرتوا والله يعطيكم العافيه بس ما جاوبتوا على السؤال الثاني وبكذا طلعتوا من المسابقه هههههه

السؤال الثاني : هل هالاجهزه ممنوعه؟؟ يعني لو مريت من عند تفتيش ما يسحبونه منك؟

لاني سمعت انها ممنوعه واشوفكم هنا عادي ما احد جاب طاري انها ممنوعه

[الزنون]

السلام عليكم ورحمة الله وبركاته
حبيبي اول كان ممنوع والحين محداً يقول شي انا الحين مركبه في السيارة له اكثر من خمس سنوات ومقد احد قالي شي لكن عند تركيبه بالسيارة لايكون الاريل طويل خذلك اريل مثل الانتنكس او فرخ الجني وفيه عدة انواع ويجي طوله طول الذراع وهي حلوة
وابشرك توني اخذ تصريح في شهر 2 اللي فات لاني من الناس المدمنين بالمراسلة وعندي اجهزة بالبيت واخاف يطقون الباب ويخذونها لاني سمعت اذا كان ارسالك قوي يشوش على اجهزة الدوائر الحكومية عشان كذا صرحته0
وتحياتي لك واتمنا يكون عندك جهاز وتستخدمه بالخير والصلاح