خبرتكم بالطيور يارجال ..

[فهد بن مشبب العاصمي]

السلام عليكم

:) حياكم الله وبياكم

اخواني لو كل واحد يذكر لنا كم له خبره في الطيور .. وش انواع الطيور اللي مرت عليه ..
ونصايحه والمعلومات اللي استفادها طوال الفترة الماضيه الى يومنا هذا ..

جزاكم الله خير وعشان نستفيد من بعض ..

تحياتي

[قلب ذيب]

الله يحييك .
ربما أكون من اوائل من نقل الطير في هذا المنتدى بحكم اني من أكبر المكشاتيين سنا .
عرفت الطير وانا صغير , لكن اول طير نقلته كنت بالثانويه العامه وكان وكري صاد الارنب عندي فقط وضاع .
ورافقتني نقلة الطير عندما أنتقلت للدراسه ببجامعة القاهره , وكنت اسّير على عرب الطحاويه بالشرقيه ,واشتريت حر احمر شقران , وكان من اطيب مانقلت من الطيور .
بعد التخرج والعمل , اشتريت الحرار والشياهين بكافة انواعها , خاصه بعد مابدينا نقنص العراق , وكنا في السابق نقنص شمال السعوديه وسوريا ومصر .
في السنوات الاخيره عرجت على الجير والان معي جيرين وحر ----------وسلامتك .

[قلب شاهين]

والله انا مالي 4 او 5 سنين أنقل طيور ولاتحسبون اني شايب ترا توني شباب :)

وكانت بدايتي بشيهانه جبلية وبعده كم شيهانه ووكري وبعدين حرار والجيره مانقلت الا واحد ،،

ويعني الخلاصه والمهم الصبر والأخلاق ،،

تحياتي / قلب شاهين ،،

[أبو طلال-نقوه]

السلام عليكم,
والله أخوي بالنسبه لي خبرتي تقريبا 4سنوات فقط بس كنت فيها حريص شديد الحرص على أن أكون في المقدمه دائما في العلم والعمل. و جدي و خالي و 3من عمامي قوانيص وصقاره وكنت أخذ العلم والخبره من تجاربهم فأقل واحد فيهم خبره 10 سنوات و أنا سائر في خطاهم أتعلم منهم و أستفيد, وبالنسبه لي أول طير كان شاهين جبلي بس كان فيها أمراض و طبع أقشر و الحمد لله عالجتها ودربتها و تعبت عليها, كان سعرها 80 دينار سيمت مني بعد التدريب والعلاج ب 180دينار لأن زاجلها و الدحل ما يروح و بعدها شريت 3 شياهين و طيرين..... والله يزيدنا علم و صحبت أخوان شرواكم. :good:

http://www.mekshat.com/pix/upload02/images72/mk82954_14

[فهد بن مشبب العاصمي]

الله يحييك .
ربما أكون من اوائل من نقل الطير في هذا المنتدى بحكم اني من أكبر المكشاتيين سنا .
عرفت الطير وانا صغير , لكن اول طير نقلته كنت بالثانويه العامه وكان وكري صاد الارنب عندي فقط وضاع .
ورافقتني نقلة الطير عندما أنتقلت للدراسه ببجامعة القاهره , وكنت اسّير على عرب الطحاويه بالشرقيه ,واشتريت حر احمر شقران , وكان من اطيب مانقلت من الطيور .
بعد التخرج والعمل , اشتريت الحرار والشياهين بكافة انواعها , خاصه بعد مابدينا نقنص العراق , وكنا في السابق نقنص شمال السعوديه وسوريا ومصر .
في السنوات الاخيره عرجت على الجير والان معي جيرين وحر ----------وسلامتك .


بيض الله وجهك ياقلب ذيب .. وماشاء الل عليك لك باع طويل وماقصرت على كل ماذكرته .. وماشاء الله عليك نوعت بالطيور ومن رأيي هذا الافضل لمعرفه الفروق بين الطيور وزيادة المعلومات والتغيير زين :) .. وتسلم على هالتواضع وطيب التعامل ..

لااهنت

[فهد بن مشبب العاصمي]

والله انا مالي 4 او 5 سنين أنقل طيور ولاتحسبون اني شايب ترا توني شباب :)

وكانت بدايتي بشيهانه جبلية وبعده كم شيهانه ووكري وبعدين حرار والجيره مانقلت الا واحد ،،

ويعني الخلاصه والمهم الصبر والأخلاق ،،

تحياتي / قلب شاهين ،،

ماشاء الله عليك :) احسبك شايب :D بس خل عنك روحك شبابيه :good: ماشاء الله عليك . .

نورت الموضوع وتشرفنا بهالمعلومات . لاعدمناك ياقلب شاهين وفعلا .. الصبر والاخلاق اهم شيء في حياة الانسان ككل . .

تحياتي

[غليص]

الله يحييك ويحي كل الموجودين
قضيت عمر مع الطيور وانا من عمري 15سنه وانا في الثانوية من 29 سنه
بدايتي مع بكه بمساعدة الله يرحمة واحد من الشيبان ومن ثم طير هدو من الشيخ
ووسنه ورا سنه صرت صقار لطيور الشيخ الخاصة مرت علي طيور أشكال منها شواهين وحرار منها الطيب ومنها على قولة بعض الصقاقير طير حبارى ومقانيص مع المعزب السعودية وسوريا والعراق وحدود الاردن مرات قنصتين في السنه ومرات قنصة بين شهرين أو شهر ونص ومن بعد ذلك بعد ما توفى الله يرحمه الشيخ ويتغمد روحه الجنه قمت أقنص بنفسي ومقناصي كله في إيران خلاوي ساعه على الساحل وساعه الاهواز وساعه بندر عباس شريت وبعت في الطيور وانا في ايران وجلبت طيور للدوحه كم سنه يعني اخوك مدمن مقناص وصقاره لين وقتنا هذا.

[فهد بن مشبب العاصمي]

السلام عليكم,
والله أخوي بالنسبه لي خبرتي تقريبا 4سنوات فقط بس كنت فيها حريص شديد الحرص على أن أكون في المقدمه دائما في العلم والعمل. و جدي و خالي و 3من عمامي قوانيص وصقاره وكنت أخذ العلم والخبره من تجاربهم فأقل واحد فيهم خبره 10 سنوات و أنا سائر في خطاهم أتعلم منهم و أستفيد, وبالنسبه لي أول طير كان شاهين جبلي بس كان فيها أمراض و طبع أقشر و الحمد لله عالجتها ودربتها و تعبت عليها, كان سعرها 80 دينار سيمت مني بعد التدريب والعلاج ب 180دينار لأن زاجلها و الدحل ما يروح و بعدها شريت 3 شياهين و طيرين..... والله يزيدنا علم و صحبت أخوان شرواكم. :good:

http://www.mekshat.com/pix/upload02/images72/mk82954_14


ارحب يابو طلال .. وماقصرت على هالطله وفعلا مجالسه اهل المجال تفيد الشخض كثير ويتعلم منهم .. وماشاء الله عليك مبارك يابوطلال .. وماشاء الله ارى جميع من رد يحبون التنويع والتنويع طيب في كل شيء :) وشرواك الطيب ..
وعافك الله على هالزياره والمشاركه

بنتظار البقيه :) مرورهم شرف لي ..

[فهد بن مشبب العاصمي]

الله يحييك ويحي كل الموجودين
قضيت عمر مع الطيور وانا من عمري 15سنه وانا في الثانوية من 29 سنه
بدايتي مع بكه بمساعدة الله يرحمة واحد من الشيبان ومن ثم طير هدو من الشيخ
ووسنه ورا سنه صرت صقار لطيور الشيخ الخاصة مرت علي طيور أشكال منها شواهين وحرار منها الطيب ومنها على قولتم طير حبارى ومقانيص مع المعزب السعودية وسوريا والعراق والأردن ومن بعد ذلك بعد ما توفى الله يرحمه الشيخ ويتغمد روحه الجنه قمت أقنص بنفسي ومقناصي كله في إيران خلاوي ساعه على الساحل وساعه الاهواز وساعه بندر عباس يعني اخوك مدمن مقناص وصقاره.

ارحب ياغليص ارحب ..
ماشاء الله عليك . . والله يزيدك بما فيه خير .. رحم الله الشيخ وجميع المسلمين ..
وماشاء الله عليك لك خبره طويله .. والواحد احيانا يفضل القنص بنفسه لما يجد من لذه مع خوت الطير ..
لاشلت يمينك على هالرد والزياره الطيبه ..

والصقاره والقنص بشكل عام :) لاتولعت به خلاص :) ماهنا مفر خخخخ

[نبع الدموع]

ما شاء الله تبارك الله عليكم خبرة لاكن كذا بظهر علوم

سلمك الله انا اقنص من عمري 13 سنة اشبك طيور
اتكلم عن ايام العز يوم الي يقنص على سيكل يطرح
طيور لاكني كنت اطلع من نسايبي و عمامي و اوقات
ارمي علف مشبك في مملحة حول البيت و اروح للمدرسة
ولا رجعت شيكت عليها.
و الحين عمري 31 سنة يعني تقول خبرتي في المقناص
18 سنة قنيت فيها وكارى و شواهين بحريات و جبليات
و حرار و هالسنة بفضل الله ثم مكشات قنيت اول جير لي

نصيحة وحدة خصوصا للجديد على المقناص في قناء
الطيور لا تقنى المثلوث خصوصا الشواهين لو بريال

[طير طاير]

أخوي فهد/ أعتذر ما ني من أهل الصقر إلا حد ا لأن

وشكراً على موضوع إلي أستفدت منه

وتقبل مروري،،،




نصيحة وحدة خصوصا للجديد على المقناص في قناء
الطيور لا تقنى المثلوث خصوصا الشواهين لو بريال


ههههههههههههههههههههههههههههههههه أبشر والله أن كتب الله لي وشريت طير ما شري المثلوث

بس ما علمنا ليه عشان نعرف ونستفيذ ويردون عليك أهل الخبرة يمكنك غلطان.

[سم العقرب]

http://www.tameemi.com/vb/uploaded/2_1209235964.gif

[فهد بن مشبب العاصمي]

ما شاء الله تبارك الله عليكم خبرة لاكن كذا بظهر علوم

سلمك الله انا اقنص من عمري 13 سنة اشبك طيور
اتكلم عن ايام العز يوم الي يقنص على سيكل يطرح
طيور لاكني كنت اطلع من نسايبي و عمامي و اوقات
ارمي علف مشبك في مملحة حول البيت و اروح للمدرسة
ولا رجعت شيكت عليها.
و الحين عمري 31 سنة يعني تقول خبرتي في المقناص
18 سنة قنيت فيها وكارى و شواهين بحريات و جبليات
و حرار و هالسنة بفضل الله ثم مكشات قنيت اول جير لي

نصيحة وحدة خصوصا للجديد على المقناص في قناء
الطيور لا تقنى المثلوث خصوصا الشواهين لو بريال


ماشاء الله تبارك الله :) مكشات يحوي اساتذه ومستشارين بالطيور خبره وفعل ..

اخوي نبع الدموع ماشاء الله عليك مرة اخرى .. وماشاء الله اشوف العالم طايحه في الجير هالايام وش السبب ..

وودنا تفيدنا بالنسبه لقولك لاتاخذ مثولث خصوصا الشاهين ولو بريال وش الحكمه لاهنت

بنتظارك ياحبيبنا الغالي

[فهد بن مشبب العاصمي]

أخوي فهد/ أعتذر ما ني من أهل الصقر إلا حد ا لأن


وشكراً على موضوع إلي أستفدت منه


وتقبل مروري،،،






ههههههههههههههههههههههههههههههههه أبشر والله أن كتب الله لي وشريت طير ما شري المثلوث



بس ما علمنا ليه عشان نعرف ونستفيذ ويردون عليك أهل الخبرة يمكنك غلطان.


ياهلابك ياخوي شرفتنا ونورت الموضوع ورد طيب من وجه طيب .. وفعلا سؤالك رائع بتظار اخونا نبع الدموع ..

ماقصرت على هالزياره وياليت ماتحرمنا منها

[فهد بن مشبب العاصمي]

http://www.tameemi.com/vb/uploaded/2_1209235964.gif


جزاك الله خير ياخوي على النصيحه وشرفتنا بردك ..

[فهد بن مشبب العاصمي]

أخوي نبع الدموع ماجاوبت على السؤال لاهنت .. نبي نستفيد منك

[عـــرادي]

غالي والطلب رخيص ، أنا من طلعة قلبي والطيور عندنا وعند عمامي ومن حملتي لطير لي 20سنه وحملة جميع انواع الطيور بستثناء الجير والشيهان البحريه الوافيه وناوي عليها هالسنه ، وعندي الأن 16 طير شي للمقناص وشي للبيع وشي لتفريخ ، وبذكر لكم هالقصة تبين غلاء الطير على راعيه
الوالد أطال الله في عمره وعمركم أجمعين ، كل عمره مع الطيور ولها عنده غلاء ما يوصف حيث إنه عند النوم ينام مقابل عشة الطيور وقبل كم عام كان عنده طير واحد بس وهو وكري وطيب طيب طيب وضيعه على حبارى قريب من الديره ورجع لنا وقال ضيعت الطير وكان عندنا عمي والتفقنا الصباح بدري نطلع لطير ، ولما جاء الصباح يعلمني عمي وهو يضحك يقول تدري أبوك خوفني البارح يوم جاء نصف الليل إلا أبوك يطق الباب ويصوت وصحيت فيه وجيته وأنا خايف وأقوله عسى ماشر يأبو بدر قال أبد بس ماقدرت أنام وعشة الطيور مافيها طير وجيت أخذ طير على شأن أنام يقول قلت له خذ كل الطيور بس نام وخذا أبوك الطير ، ورحنا الصباح وحصلنا الطير على حباراه ، وأسف على الإطاله
ولكم كل التقدير ،،،،
عرادي

[الطبشي]

السلام عليكم... انا مالي الا فتره بسيطه في الطيور اول ما قنيت الشاهين الجبلي وبعدها الوكري والحر والجير ..... والا ناسبني الا الحر والجير ..ومشكور على الموضوع

[نبع الدموع]

الله يطول في عمرك يالعرادي و عمر ابو بدر ان شاء الله و الصدق ما ينلام انا اوقات
اقعد من النوم لا شعوريا اروح اشوف الطيور و ارجع لمرقدي و لو لاقي مربط
بلاش ما اربط طيوري عند احد.

اثر في علوم هنيا تحرون ردي :)
اتعذر عن التاخير

بالنسبة لسبب اخذي للجير الصدق ما حبيت اخلي طير ما اقناهـ و لقيتلي جير
قيمتة زوينة و شريتة.
بالنسبة للمثاليث انا باقولها بكل بساطة الواحد لا بغى المقناص اول شئ يدور
علية الخوي التكانة الي لا بغيتة فزعلك و المثاليث غدارة و تصايح و تكافخ
ولا هديتة يمكن يصيد و ينومسك لاكن لا كفخ من عندك لا تستغرب ابد. انا
وش يجبرني اخذلي طير ما اثقبة؟