هداية الله ثم شوركم يالربع .... ارغب في تفصيل خيمة في منزل وين اروح تكفون

[راكان 11]

السلام عليكم ورحمة الله وبركاته

يالربع عندي في بيتي مساحة وودي أستغلها ببيت شعر والا خيمه من اللي يفصلونها

المساحه اللي ودي اسوي فيها 4 امتار في 6 امتار

ياليت احد عنده خبر ويفيدني : عن افضل المحلات وافضل الطرق الصحيحه والقيمه المعقوله ... الخ

وجزاكم الله خير الجزاء

[شماريخ]

/
////////////

[الساهر2003]

اخوي ممكن تمر الغرابي في اول الشارع من جهة الجنوب فيه محلات تفصل بيوت شعر فيه ملكي ولكن غالي شوي لكن فخم وممتاز جدا ويصلح لتقليط الظيوف وكذلك في النسيم مخرج 15 واتوقع اسعارهم متقاربة
وافضل الخامات الصوف الماني والبطانة كوري
مع اطيب تحية لك

[شماريخ]

السلام عليكم ورحمة الله وبركاته/
حياك الله اخوي راكان11 انا اقدر افيدك او بمعنى اصح انصحك انك تروح لسوق الخيام بالغرابي لانهم ارخص شي بالرياض واللي عنده نفس اللي عند المحلات الثانية وانتبه لايحوشك المحلات اللي بمخرج 15 تراهم السعر دبل عندهم وحسب افادة صاحب احد المحلات ان المحلات اللي بمخرج 15 يشترون خيام واقمشة من الغرابي وعسى ان اكون افدتك وبالتوفيق والله يهنيك ويسعد ايامك والله الله بهجة الباب للضيوف

[ابولولو]

اخوي ركان فيه محل بالغرابي اسمه البهدل تراهم ثقه ان كانو علي خبري اهم شي ترفع الارضيه حق الخيمه والقماش الماني محلهم داخل السوق يفتح شمال

[ahm12345]

أما رأيي هذا أنسب وقت لتفصيل الخيام سواء من ناحية السعر أو الإنجاز وموفق ولكن لاتستعجل (سعر) كم محل وقارن بين ماتحتاجه والسعر ثم توكل على الله وابدأ

[راكان 11]

أخواني : بيض الله وجيهكم


انا من سكان الرياض من 35 سنة
ومحلات الخيام أعرفها كلها اللي بالغرابي واللي بشارع المية مخرج 15 وغيرها كثير


ولآكن ماعمري فصلت لي خيمة ولا بيت شعر بالبيت ( يعني ما اعرف )
ولآ ابي اروح الا ومعي علم على الاقل ( مانيب مدودل راسي )


ابي معلومات من شخص سبق له وان فصل له خيمه
عشان يعطيني العلوم وافيه ( مثل أخطاء يتم تجاوزها وأختيارات أفضل .... الخ )


وشكرا

[المنيع]

تبي نصيحتي لا تفصل خيمة ... خليها خيمة من الخرسانه
علشان القماش مشاكله واجد ريحة وتسرب الماء وصيانة كل سنة وممكن تلبس كل سنة وغيره

انا انصحك اعملها من الخرسانة

[راكان 11]

تبي نصيحتي لا تفصل خيمة ... خليها خيمة من الخرسانه
علشان القماش مشاكله واجد ريحة وتسرب الماء وصيانة كل سنة وممكن تلبس كل سنة وغيره

انا انصحك اعملها من الخرسانة



هل تقصد أني أبني بناء ومن ثم ألبس لباس داخلي
ياليت تعلمني الطريقة

[راكان 11]

للرفع
رفع الله قدركم

[ZKM99]

يا اخي عندي بيت شعر مركبه قبل سنتين

السنه الاولى ياسلام مع المطر مافيه اي تسرب
ثاني سنه لاوالله الا جهه من بيت الشعر ينزل الماء معه بكثره
اما هذه السنه ومع قل المطر لكن الرشه اللي جات.... بيت الشعر انعدم وراح فيها

يعني وانا اخوك ابعد عن بيوت الشعر
حتى المحلات لو قالوا لك عزل ضد الماء فهو لسنه وحده بعدين يبي يعدم عليك بيت الشعر والله انهم نصابين

اذا تبي تسوي مقلط سوه من الخرسانه وركب على سطحه قرميد واهم شي تخلي الدرايش كبيره ولبسه من الداخل تلبيسه يسونها محلات بيوت الشعر

اتمنى اني افدتك

[wewe150]

ياللي فوقي

أنا مفصل من 5 سنوات بيت شعر ولا قد هرب أبد

المسألة توفيق ويمكن ملعوب عليك في العوازل

[الخييلي502]

يا اخي عندي بيت شعر مركبه قبل سنتين

السنه الاولى ياسلام مع المطر مافيه اي تسرب
ثاني سنه لاوالله الا جهه من بيت الشعر ينزل الماء معه بكثره
اما هذه السنه ومع قل المطر لكن الرشه اللي جات.... بيت الشعر انعدم وراح فيها

يعني وانا اخوك ابعد عن بيوت الشعر
حتى المحلات لو قالوا لك عزل ضد الماء فهو لسنه وحده بعدين يبي يعدم عليك بيت الشعر والله انهم نصابين

اذا تبي تسوي مقلط سوه من الخرسانه وركب على سطحه قرميد واهم شي تخلي الدرايش كبيره ولبسه من الداخل تلبيسه يسونها محلات بيوت الشعر

اتمنى اني افدتك


رايي من راي اخوي ,,

وبالتوفيق ان شاء الله

[سحابه]

أنا مع اخوي المنيع

[راكان 11]

والله ماعاد أدري وش أسوي
أحترت بين مؤيد ومعارض
طيب وش رايكم بتفصيل الخيام ( اللي يسمونة عادي ) مثل بيت الشعر بحديد وصبة ومشب لآكن من برة شكل خيمة

[ابن بدران]

الله يدلك على الصالح أخوي
لكن من تجربه
مامثل الخرسانة ولو تبيها على شكل خيمة وتلبسها اللي تبي
أو مجلس طين ..
بيت الشعر مهما كان غالي وزين كلها خمس سنين وفيها ويبدا الترقيع والتصليح فيه هذا إذا سلم من شرارة تولع فيه أو طرطعان أيام العيد لكن الخرسانة لك وللزمن

[ابولولو]

اخوي تبي شي ماتحسف عليه بيت الطين لك للزمن مسويه عندي في البيت والله اني اذا شفته اوقعت فيه ياسع صدري واتذكر اهلنا واجدادنا تفضل عندي تقهوا وشفه علي الطبيعه والاخوان الي يقرون الموضوع الدعوه عامه جوالي 0505520333

[ابولولو]

هذا ملحقي المتواضع:

http://www.q1s1.net/up/uploads/thumbs/l1m1-fa7b90ca09.jpg (http://www.q1s1.net/up/uploads/images/l1m1-fa7b90ca09.jpg)


من اراد التكبير فل يضغط على الصوره

هذا رقم معلم لعمل ملاحق اطين يماني
هذا رقم جواله:

0506101897

أبو بلال وهذا الرقم منقول من احد الاعضاء الميزين سرهيد

[سرهيد]

تبي نصيحتي لا تفصل خيمة ... خليها خيمة من الخرسانه
علشان القماش مشاكله واجد ريحة وتسرب الماء وصيانة كل سنة وممكن تلبس كل سنة وغيره

انا انصحك اعملها من الخرسانة

انا مع الرأي هذا طال عمرك

لان عندنا صيف يذوب الحجر

كذلك مع الوقت العازل المائي يحترق وتبدأ تهرب عليك

او انصح بوضع بيت طيب طال عمرك اروق واجمل هذا طبعا في نظري واليك صورة لبيت الطين توه جديد ماله الا سبع شهور تقريبا


http://www.mekshat.com/pix/upload02/images67/mk40450_bet2.jpg




وهذي صورة من الداخل




http://www.mekshat.com/pix/upload02/images67/mk40450_bet.jpg

[راكان 11]

بيض اللة وجيهكم يالربع كلكم
عز اللة ما قصرتوا
يا ابو لولو ... ردك قهواني وعشاني .... أبيض وجة يالنشمي
الله لا يهينكم

[المنيع]

آسف على عدم الرد بسرعة لانشغالي ..

أعتقد الاخوان وفوا وكفوا .. بيض الله وجيه الجميع .