يالربع يالربع استلموا استلموا الاحداثية بسرررعة

[طرح السعودية]

عندما تكون قانص أنت وايا أخوياك وترادون الصوت بالجهاز وفجأة تطيح لك على جرة حبارى وتنادي أخوياك وتعطيهم الاحداثية ماتدري الا كل شوي طالع عليك من كل جهة سيارة ناس ماتعرفها ولا تدري من وين طلعت وتحصل واحد مبلج عن طيره والثاني يحووم على الجرة والثالث تكلمه ياولد عندي جرة يقول لك عليها وسم
وهؤلاء بالحقيقة هم ممن يسترقون السمع على الجهاز مطفين النور ومصبطين ولقطوا الاحداثية ونصوك على طول وبعضهم محترف هالشغلة تحصل معه جهازين ولا له شغل الا يتقنص احداثيات ويحوسون المسلمين اللي يترزقون الله ويعكرون مقناصهم

المطلوب في هالموضوع كل شخص يضع لنا طريقة تقطع الطريق على هؤلاء المرتزقة وتفك المسلمين منهم

[maftoon]

لا تراسل على العامه واتفق مع ربعك على قناة بعيده مره عن العامه وترتاح ان شاء الله

[طرح السعودية]

سوف ابدأ بطريقة ماشين عليها حنا وأخويانا وهي طريقة مجدية جداً وهي الاتفاق على كلمة سر وهي تعني العثور على جرة وتكون كلمة السر من الكلام الدارج عادة ذكره على القناة مثلا يسلم عليكم ابو فايز ويعتذر عن الجية
وتكونون متفقين على قناة تكون خاصة للاحداثيات وانت من
يوم تسمع كلمة السر تنقز للقناة وبدون مااحد يقول اطلعوا للقناة وتستلم الاحداثية بكل هدوء والمرتزقة مصبطين ولا يدرون وش السالفة

[وَسَام!]

فعلا هذي نكبه وهذي سوينا لها خطه قبل كم سنه وكنا في الربع الخالي وهناك اللي يسترق السمع الدوريه!!
الخطه كل رقم حط بداله لون يعني:
1 = احمر
2= اسود
3=بني
4=ازرق
الى اخره
طبعا موزعين الشفره بين السيارات في اوراق من شان مايلخبطون اخويانا وطبعا ممنوع توضيح اسماء الاماكن
ونجحت 100% !!خلهم يتسمعون على كيفهم!!!!!!!!!

[قلب شاهين]

لا تراسل على العامه واتفق مع ربعك على قناة بعيده مره عن العامه وترتاح ان شاء الله

وأزيد على كلام أخونا انك تكلمهم بالجوال واذا مافيه شبكه كلمهم على الجهاز والشكوى لله ،،

وبعدين مالهم اي حق يهدون على الحبارى لأنها لكم ،،

والحين كل من هب ودب صار صقار ونا ما أسميه صقار لأنه يشوه سمعة الصقاقير !!

أول زمااان كانت الحبااري كثييره والصقاقير قليل بس صقار واحد منهم يكفى عن عشر صقاقير في وقتنا الحاظر بالخبره والمعرفه والاخلاق ،،

وأنا لا أقصد كل الصقاقير بل بعضهم ،،

أرجو أن كلامي مايزعل أحد ،،

والله المستعان ،،

تحياتي / قلب شاهين ،،

[طير طاير]

والله أن كان هذي علوم بعض الصقاقير

ما قول إلا الله يخلف على الرجاجيل


هذي رياضه شريفة وأخلاق قبل كل شيء وفي كل شيء


وهاذي علوم رجال بس مع الأسف أن الدنياء تغيرت

وأن أظن أن جوال الثريا يفي بالغرض


وتقبلوا مروري،،،

[المان العرب]

فعلا هذي نكبه وهذي سوينا لها خطه قبل كم سنه وكنا في الربع الخالي وهناك اللي يسترق السمع الدوريه!!
الخطه كل رقم حط بداله لون يعني:
1 = احمر
2= اسود
3=بني
4=ازرق
الى اخره
طبعا موزعين الشفره بين السيارات في اوراق من شان مايلخبطون اخويانا وطبعا ممنوع توضيح اسماء الاماكن
ونجحت 100% !!خلهم يتسمعون على كيفهم!!!!!!!!!
خطه ممتازه :good: :good: :good: :good: :good:

[falkon]

اللي يتجسسون

وش يلاقون في لذة المقناص

حلاتها بجهد مبذول

وتعب معمول

[KAYD]

مثل ماتفضلتوا
عندك جوال الثريا والا حط كلمة سرية الافضل تحط موجه للسوالف وكلمه سريه اول ماتنقال تنتقل لموجه أخرى بعيده ولا يكثر الكلام فيها وتتغير دائما
الله يعطيك العافية ولا نشوف مثل ذا الاشكال
تحياتي

[سلطان 1]

والله يالربع خطتنا 0 ان الاحداثيه تعطى عن طريق ارقام جوالاتنا يعنى مثلا اول رقم من جوال فلان وثالث رقم من جوال فلان 0 على كذا وخله يفهم اللى يسمع كانه صادق 0

[جارح العين]

مثل مقالو اتفق انت واخوياك على قناة بعيده عن العامه

[لعّاب المنايا]

والله يا اخوي الله يعيننا على هالأشكال من البشر

بالنسبه لي انا وربعي نعطي الإحداثيه بالدرجه العدد يكون بالدرجه مو بالمتر

وكذا اي شخص يسمعك ما يدري وين الله حاطه وبالنسبه للأجهزه اللي معنا جارمن 276 وما أدري عن الأجهزه الثانيه هل فيها الدرجه والا لأ ,, بس على ما اعتقد فيها ,,,

[أبو_خالد]

أي رقم تعطيه نقص منه رقم !

[مفرق النجوم]

الصيد قل وكثرة اهل البواريد

الله المستعان................؟

[معديان]

والله ياربع صقا قير بريده في القصيم مريحين روسهم يحددون موقع خويهم
الي عند الجره او موقع الامراح او اي شي يجتمعون عليه
الا وهي الدرجه في جهاز القارمن او المجلان
وهذي الطريقه سهله بشكل ماتصورن يالربع

[الطبشي]

سوف ابدأ بطريقة ماشين عليها حنا وأخويانا وهي طريقة مجدية جداً وهي الاتفاق على كلمة سر وهي تعني العثور على جرة وتكون كلمة السر من الكلام الدارج عادة ذكره على القناة مثلا يسلم عليكم ابو فايز ويعتذر عن الجية
وتكونون متفقين على قناة تكون خاصة للاحداثيات وانت من
يوم تسمع كلمة السر تنقز للقناة وبدون مااحد يقول اطلعوا للقناة وتستلم الاحداثية بكل هدوء والمرتزقة مصبطين ولا يدرون وش السالفة



هذي الطريقه حلوه واعجبتني .............. الله لايهينك

[افزعواله]

الاحسن عدم الندا الا بعد ماتشوفها وتكون جاهز تهد الطير واللي يعترض طريقك وقد هديت طيرك...........فقافيه عندك وواجب عليك قد فرضه الله

[طرح السعودية]

شكراً للجميع على المرور والمشاركات الفاعلة اللي الهدف منها نشر الفائدة للجميع

[افزعواله]

اخوي الطبشي ماسمحو لي ارسل لك رساله خاصه لكن ابي اقول لك ماني متأكد من وجدهن احيا لكن لو حصلت على شي منهن لك وجهي ان يصلن لى عندك كونك او شخص يرسل لي رساله خاصه (انا مشترك جديد) اللي يقرأ الرساله يبلغ الطبشي..مع فائق احترامي وتقديري

[الخادم]

اخوي
موضوع جيد
حنا نستعمل اخر ثلاث ارقام من الشمال و مثلهن من الجنوب ننقص رقم
مثال الاحداثيات
2536325
04635498
نقراها
2536214
04635387
و بهالطريقة نفتك منهم

[سنافي نجد]

..



هلا بك اخوي


انا أُأيد فكرة الرموز .. وإن حصل الجوال افضل .. وخوفي بعد بكرة يطلعون ناس من الأتصالات يسترقون السمع ويعلمون اخوياهم :)



اشكرك على هالموضوع المهم .. والله يعطيك العافيه



..

[القنــ أبو تركي ـــاص]

احب امسي على الجميع ـــــــــــــــــــــــــــــــــــــ اما بالنسبة للموظوع فهو منتشر عندنا بـــــ يــنــبـــع بس تقدر تقول حصل عندي بنشر .... او علقت السيارة ... او تعطلت السيارة ) هذا لو مافية شبكة للجوال وابشر مايجيك إلا خوي( والي يجي فزاع والله يمون على الجرة والحبارة ) هل توافقوني؟

[مغــادر]

السلام عليكم ياشباب والله انها مشكله التصنت, العام ذ المطفلين فرطوا علينا حباري ثنتين والمشكله نعرفهم بس موبقانصين معنا وكنهم يطردون حمامه مو بحبارى حد يدق هرن وحد يعطي ريسات وين بتوقع لحبارى ولا فيه امل والى الطيور الي هديناها طيور مو بهينه بس الشكوى لله وتسلمون,,,

[عتيج الصوف]

انتبهو !!! يمكن يكون الموضوع مفخخ .. ويتعرفون على طرقكم فى تضليلهم ... الله المستعان

[مفخرة الارض 0666]

أظن تكون أحلى فكره عندي
تتفق أنت وخوياك بأن أذا راسلتهم بقول أنا مبنشر واللي معه مفتاح العجل يراسلني ويأخذ الاحداثيه على أنك مبنشر ويسمعونك جميع أخوياك وأنت تقول الاحداثيه

وفي الحقيقه عندك أثر الحبارى واللي يتسمع مصدق أنك مبنشر فلا وده يجيك
وأخوياك تشوف عجهم يتركز طارين جاين لك

[مفخرة الارض 0666]

أظن فكرتي هي الاحلى
تتفق أنت وخوياك بأن أذا راسلتهم بقول أنا مبنشر واللي معه مفتاح العجل يراسلني ويأخذ الاحداثيه منك على أنك مبنشر ويسمعونك جميع أخوياك وأنت تقول الاحداثيه

وفي الحقيقه عندك أثر الحبارى واللي يتسمع مصدق أنك مبنشر فلا وده يجيك
وأخوياك تشوف عجهم يتركز طارين جاين لك

[طرح السعودية]

انتبهو !!! يمكن يكون الموضوع مفخخ .. ويتعرفون على طرقكم فى تضليلهم ... الله المستعان
سامحك الله ياأخي وش اللي تقصده من هالكلام
أنا طرحت هالموضوع من أجل تبادل الخبرة وقطع الطريق على من يسلك هذا المنهج الخالي من الرجولة والمروة فقط هذا هو الهدف
أو ماجاز لك الموضوع ؟!

[راكان 11]

انتبهو !!! يمكن يكون الموضوع مفخخ .. ويتعرفون على طرقكم فى تضليلهم ... الله المستعان



عيب عليك الكلآم هذا :no2:
كلن يرى الناس بعين طبعة

[قرناس حائل]

الطريقة سهلة ونستخدمها بعض الاحيان لصارو المقانيص واجد بالمنطقة


الطريقة هي اننا نغير القمر ونتوحد على قمر واحد
لان الجارمن فية اكثر من قمر


بحيث تبداء الاحداثيات مثلاً 0645445 وتنقلب جميع الاحداثيات اللي بالجهاز حتى المخزنة قبل


واي شخص اخر لم يغير القمر اللي انتم اتفقتو علية لن يستطيع الوصول لكم لو يموووووت:p
واذا احد بيلحقكم ترجعون للقمر المعتاد علية وتعطونة الاحداثية العادية وطريقتها سهلة جداً


ومن ناحية المواقع الاخرى لن تتغير
فقط التغير بالارقام والمسافات
ووداعاً للمتطفلين

[المحرووووم]

شف أخوي مالك ألى هذا الحل .............................
أنك تتقق أنت والربع الي معك على كلمات مشفره <مثال> ............الشخص أسمه فهد
عاد أنت تتكلم تقول يافهد أنا بوقف أرتاح في المكان الفلاني تعال شكلي بنام
وهذا الحل :good: :good:

[ذراع الذيب]

ماقول غير يعين ..ويساعد الرياجيل

[عتيج الصوف]

سامحك الله ياأخي وش اللي تقصده من هالكلام
أنا طرحت هالموضوع من أجل تبادل الخبرة وقطع الطريق على من يسلك هذا المنهج الخالي من الرجولة والمروة فقط هذا هو الهدف
أو ماجاز لك الموضوع ؟!
لا انا مو قصدي الاسائة يالحبيب واذا فهمتني غلط فلك انا اقدم العذر بس للملقف ما في دخان من غير نار .. وتقبل اعتذاري

[وَسَام!]

أظن فكرتي هي الاحلى
تتفق أنت وخوياك بأن أذا راسلتهم بقول أنا مبنشر واللي معه مفتاح العجل يراسلني ويأخذ الاحداثيه منك على أنك مبنشر ويسمعونك جميع أخوياك وأنت تقول الاحداثيه

وفي الحقيقه عندك أثر الحبارى واللي يتسمع مصدق أنك مبنشر فلا وده يجيك
وأخوياك تشوف عجهم يتركز طارين جاين لك
طيب ياحبيبي لو كنت في الربع الخالي وجتك الدوريه عجها يتركز (اسف الرمله مافيها عج جعلها السيل)
وش تسوي؟؟؟؟؟
اعد حبك الخطه:D

[abu_saleh]

عندي لك حل ممتاز أتفق مع خوياك على عكس الحقيقة ، إذا لقيت حبارة قل
لهم ما لقيت شيء الظاهر ما حولك أحد ، انا بالموقع الفلاني ، وإذا ما لقيت شيء كل شوي وهق الملاقيف قل لقيت تعالوا لي أنا لقيت حبارة يالله بسرعة
وعطهم الاحداثية بس شف وين الملاقيف ، ههههه ، :good: هذي طريقة

[عـــرادي]

الطريقه موجوده ومضمونه وحقوق الطبع لي

نقلب الارقام اللي فوق تحت فقط لخمس الارقام الأخيره والعكس
مثال / هذه الاحداثيه المطلوبه
900 67 27
700 30 043
تقول لخوياك سجلوا
700 30 27
900 67 043
سهله ويعرفها الكبير والصغير
دمتم بود
عرادي

[همام5]

اخوي طرح السعوديه انا اقترح عليك جوال الثريا احسن حل تقطع على كل مسبط وقاط اثنه على الموجه خط الرجعه
اخوك همام5
:good:

[أبو رداد]

ههههههههههههههه
الله يعين بس

[ريف النشاما]

:)


طيب لو يجيكم واحد معه جهاز كشف الجباري وش تسوون فيه

الجهاز يعمل على دم الحبارى

ههههههههه


























































الجهاز مازال تحت الدراسه :j واحد صفر :p

وأحسن حل (((( الشفره) وقضينا :o

[ماجد الهلالي]

والله انك صادق اخوي اذا قلت يا شباب ابشروبها كانك قايل الي بالجهاز كلكم سجلو الاحداثيه وتعالو مافيه طريقه ما سوينها الا يجون عليها صرنا نعطي الاحداثيه على قناتين وما نفع يعني الشماليات على قناة والشرقيات على قناة ثانيه واصبح هذا الشي صعب وخاصه وانت مرتبك وشفقان للحباره ما تركز زين ومثلك عارف ومجرب وش يكون شعوره هذاك الوقت والموسم الي راح طبعنا ورق ووزعناها على السيارات الي تقنص وسوينا الطريقه هذي


1 = ص
2 = ب
3 = ج
4 = ن


ويالله تسلم وغير كذا اذا تجمعنا حطينا الاجهزه على Low

[northstar46]

خوذوا طريقتي ولا يمكن فك شفرتها ابدا وهي
الاتفاق على رقم معين يضاف لآخر اربع ارقام من الاحداثية مثلا
4.345 يضاف اليها رقم الشفرة المتفق عليه بينكم مثلا 1324 فتصبح 5.669 ويقوم خويك بطرح الرقم من الاحداثية اللي تعطيها له على الجهاز وبذلك مستحيل احد يجيك غير اللي يعرف الرقم

[رفيع]

...

كل الشباب ما قصروا وكل واحد ابدى رايه .. وكلها افكار جدا ممتازة ..

وبعطيكم طريقتنا مع الشباب وذكرت قبل اتوقع . ..

اذا كانت الإحداثية مثلا : 4566 .

تصير بيننا : 4677 .

(:

[عين الداب]

مشكوووووووور وموفق

[الحرالاشقر]

احب امسي على الجميع ـــــــــــــــــــــــــــــــــــــ اما بالنسبة للموظوع فهو منتشر عندنا بـــــ يــنــبـــع بس تقدر تقول حصل عندي بنشر .... او علقت السيارة ... او تعطلت السيارة ) هذا لو مافية شبكة للجوال وابشر مايجيك إلا خوي( والي يجي فزاع والله يمون على الجرة والحبارة ) هل توافقوني؟


احلى طريقه
او تعالو ياشباب نتقهوى
نتقهوى = جره
وبعدين عطهم الاحداثيه

[طرح السعودية]

شكراً للجميع على المشاركة والردود الطيبة

[أبومنصور]

بدل الأرقام حروف وانتهى الأمر
مثال
ف=1
ي=2
ص=3
ل=4
والله لو ينقز ما عرف الأحداثيه :)
شكراً لك اخي

[نوراليقين]

اخوي

موضوع جيد
حنا نستعمل اخر ثلاث ارقام من الشمال و مثلهن من الجنوب ننقص رقم
مثال الاحداثيات
2536325
04635498
نقراها
2536214
04635387

و بهالطريقة نفتك منهم




هذه الطريقة هي أسهل ما رأيت في مشاركات الإخوان ولكن نقص رقم من الرقم الأخيرقد يؤدي إلى قربهم منك

لكن في وجهة نظري وحيث أن الأحداثية في الغالب عبارة عن درجات ودقائق وجزء من الدقيقية هكذا
DD MM.MMM
مثل
45.346 24
فالأفضل في نظري هو إنقاص أو زيادة رقم أو أرقام حسب الاتفاق من رقم الدقائق الثاني وهو ما يمثل رقم 5 في المثال أو الملون باللون الأحمر

[عجمي]

موضوع جميل ويخدم الجميع

أفضل طريقة (وسبقني بها البعض ) هي طريقة الدرجة
يخزن مكان المظحى مثلاً وبعدين اذا بغيت توصف لخوياك تقول البعد (اي مسافة المضحى ) كذا والدرجة موجودة بالججهاز كذا وهذي الطريقة مستحيل يعرفة احد الا اذا كان مخزن نفس المكان فقط

فية طريقة اخرى وهي الجميع يتفق على رقم معين مثل رقم 3 ويبدأ اللي عندة الجرة يوصف لربعة عن طريق هذا الرقم .. مثال احداثية رقمة 30 22 28
يعني اذا اراد يراسلهم يقول الرقم الأول 2 نقص رقم واحد من المتفق علية وهو 3
يصير 3-1 =2
الثاني زود خمسة 3+5 =8
الثالث نقص واحد 3 -1 =2
وهكذا

[عابر القارات 2000]

ياخوك حنا حاطين لنا رموز للارقام المكاتب في الجهاز يعني على حسب الجمله
مثل لقينا جره نقول يالربع انا بصلح قهوه وهم علىطول يروحون للمكتب المتعارف عليه
الله يعين ويجيب الخير كله

[فداع]

النو عيه هذي واجد الحمد لله عندي انا واحد من الشباب جهاز ينزل تحت 136000

[عين الداب]

مشكوووووور وموفق

[بو هاشم]

يعطيك العفيه على الموضوع المميز
انشاء الله بطبقها كله بس الله يجيب الحباره
عشان اطبقها كله وشوف ايش احسن شي فيه
ههههههه

[طرح السعودية]

مشكور يابوهاشم على الرد
واحب اقول ان هالموضوع من الامور اللي تعور القلب
لكن لو الرجال يجيك بوجه رجال ويطلب منك الحبارى
انا اجزم ان كثير من الناس مايرده اما مسألة انه يبي يهد
من وراك فهذا الشي اللي لا يمكن يقبله شخص ذو كرامة