ويــنــك ؟؟ يـآزمـــآن .. أول َََ

[قلب شاهين]

السلام عليكم ورحمة الله وبركاتة ،،

ياهلا والله بأعضائنا الكرام ،،

قبل كم شهر وأنا جالس مع شيبانا الله يحفظهم ويسولفون لي على أول كيف الصيد سهل ومتعته لاتوصف ،،

يقولون أن الحين الصيد صار صعب ولازم فلوس وخسااره وتعب كله على شان تصيد لك حبارى ولا ثنتين وهذي نعمه لكن شوف كيف أول حنا نطلع للصيد ، نطلع بدون اي تكاليف أو شي نتمشى حول ديرتنا يقولي أبد نطلع من بيتنا 20 او 30 كيلو ونلقى الحباري مثل الحمام يقول نحصل جول على 8 او 9 حباري سوا !! ونصيد منهم ونشبع ومانصيدهم كلهم نصيد ثنتين او ثلاث والباقي للغير ، شوف الكرم الي فيهم والمحبه الي بينهم ، والطيور الي تجينا أول طيور ماتشوفها الحين وماكنا نسمع بالتفاريخ والكلام هذا ، طيورنا أبد معتمدين عليهم وماكنا نبخس السلعه ، وأسعار طيورهم الصايده تتراوح مابين الـ1000 الى الـ2000 ريال وحولها أما الحين 1000 ريال ماتجيب لك وكرية منتفه !! وكانت الطيور الي عندهم فيها السنجاريات وفيها الفارسيات وعندهم طيور بيض وشقر وحوش يعني طيور عليه الكلام ، اما الحين ماتحصل طير ابيض الا وهو جير والطيور الشقر موجوده بس نادره ،،

يعني بأختصاار كبير ان أول كانت الأمور مبسطه ومسهله ومعليهم خلاف ،،

والحين !!!!!! كله مشااكل والصيد بينقرض ولا احد فكر همه نفسه وبس ،،

الله المستعان ،،

والسموحه على الأطاله والقصور ،،

تحياتي / قلب شاهين ،،

[طير طاير]

المثل يقول ( لكل زمان دوله ورجال )


والحين لو تبي تقنص لندن بخمس ساعات جبتها


واول ناس تحب الخير للناس وناس كرم

واليوم زين أن ما شبك طيرك قدامك وإلا حسدك بصيدك

وهذولي قله ولله الحمد


وتقبل مروري،،،

[وَسَام!]

علموا اللي يصيدون على 1000 و15000 والمشكله في محلات تفريخها
يعني الجذور راحت فيها!!!

[F J]

الصيد صار صعب ولازم فلوس وخسااره وتعب


صدقت


والصيد ماهو الا هواية


والمتعة موجودة لكن مو مثل قبل


وشاكرين لك موضوعك

[falkon]

سبحان اللي يغير ولا يتغير

لكن حلاة الصيده بتعبها

[KAYD]

حياك الله أخوي قلب شاهين
انا الصراحه لو القى خمس حباري ابصيدها كلها لانها يمكن تكون صيدي الوحيد في الموسم
من اول بالاسبوع تصيد حبارى والا ثنتين لكنك خابر اانك بتلقى بعد اسبوع من كثرتهن
الله يعطيك العافية
تحياتي

[القرناس المهاجر]

أخي .. قلب شاهين

الله يسعد مساك :)

كلام الشيبان ماعليه ملام ..كانت الحبارى أجوال وكذلك القطى والقماري .. حتى الطيور تجي في هجرتها للجزيرة العربية وهي اجوال .. واللي يطرحونها ينتقون منها الزين مثل الأبيض والأشعل والأشقر والاحمر الصافي والزنجباري وغيره مايطرحون :no2:

ولعلمك فروخ الشياهين الوافيات ماكان لها خانه في ذلك الوقت .. ومايطرحون إلا النادر منها إللي يندهشون من كبرها وجسارتها .. والوكارى مايطرحونها إلا من كان يبي طراد .. ويفكه عقب المقناص :rolleyes: والمثاليث البحريه والجبليات إللي يحاولها يضحكون عليه :D

واذكرعندما كان عمري تقريباً 12 سنه والله ثم والله يالجبليه مانطرحها :no2:

وحقيقه إن الهجره سابقاً كنا نحس بها عندما تعبر الجزيرة ونتلذذ بها سواءاً بالقمري أو بشبك الطيور.. والحين ياحسافه لاقمري ولاطير .. وان خرجت من المقناص بدون مشكلة فانت الكاسب :j :j

اخوك .. القرناس المهاجر .. المجيرمة

[أبوإبراهيم1]

الله يرحمنا برحمته
تغيرة الاحوال كثير عن اول

[قلب شاهين]

طير طاير / أشكرك على مرورك وأحترم كلامك ،،

وسام / لاهنت على مرورك وبيض الله وجهك ،،

f g / تسلم على المرور ويعطيك العافية ،،

falkon / مشكور على مرورك ،،

kayd / شاكر لك على مرورك وبيض الله وجهك ،،

القرناس المهاجر / لاهنت على المرور الذي أسعدني وأنت الصادق بس على مايقولون الأول تحول ،،

أبو أبراهيم / لاهنت على المرور العطر ،،


تحياتي / قلب شاهين ،،

[جارح العين]

صدقت والله لاكن مابليد حيله.......زمااااان اول تحووول
والله يعطيك العافيه
.
.

لاكن هالكلمتين مايجتمعن مع بعض :D

والسموحه على الأطاله والقصور ،،

[طيرالحمــــاد]

علموا اللي يصيدون على 1000 و15000 والمشكله في محلات تفريخها
يعني الجذور راحت فيها!!!
:good: :good: :good:

[قلب شاهين]

جارح العين / اشكرك على مرورك ومامن قصور ،،

طير الحماد / لاهنت على المرور ،،

تحياتي / قلب شاهين ،،

[المزروعي]

حلف لي الوالد يقول كان عمري أقل من 12 سنه سارح في إبل في الظقره يقول طار جول حبر قدامي الصبح حلف أن عددهن 55 حباره !!! و ين ممكن تحصل جول 55 حباره اللحين !!!
و كانوا يقنصون السيح في اليمن يقول و الله لو تشوف قطعان الظبا تقول غنم مش ظبا !! و ين تلقى اللحين قطعان الظبا إلا في حدايق الحيوانات !!!

لا تعيب الزمن الزمن ما تغير الرجاجييل تغيرت !! أول الواحد يصيد على حاجته و يخلي الباقي لغيره و كان بعد خوف من الله من الإسراف في الصيد .
اللحين الواحد تقول كتيبة إعدام يقنص لين المغرب و يقنص إللي يشوفه إن كانت حبر أو أرانب أي عدد قدامه يصيده . و الله العظيم حصلنا في مقناص الرمله من سنين براد كبير يستخدم لحفظ السمك فيه يمكن سبعين أرنب معفنه بالله عليكم هذا فعل مسلم !! الله يرحمنا برحمته بس !!

[الطبشي]

الله المستعان..... الله يرحمنى برحمته

[قلب شاهين]

حلف لي الوالد يقول كان عمري أقل من 12 سنه سارح في إبل في الظقره يقول طار جول حبر قدامي الصبح حلف أن عددهن 55 حباره !!! و ين ممكن تحصل جول 55 حباره اللحين !!!
و كانوا يقنصون السيح في اليمن يقول و الله لو تشوف قطعان الظبا تقول غنم مش ظبا !! و ين تلقى اللحين قطعان الظبا إلا في حدايق الحيوانات !!!

لا تعيب الزمن الزمن ما تغير الرجاجييل تغيرت !! أول الواحد يصيد على حاجته و يخلي الباقي لغيره و كان بعد خوف من الله من الإسراف في الصيد .
اللحين الواحد تقول كتيبة إعدام يقنص لين المغرب و يقنص إللي يشوفه إن كانت حبر أو أرانب أي عدد قدامه يصيده . و الله العظيم حصلنا في مقناص الرمله من سنين براد كبير يستخدم لحفظ السمك فيه يمكن سبعين أرنب معفنه بالله عليكم هذا فعل مسلم !! الله يرحمنا برحمته بس !!

وأنت الصادق والله ،،

مشكور على مرورك ونور الموضوع ،،

تحياتي / قلب شاهين ،،

[قلب شاهين]

الطبشي / مشكوور جدا على مرورك ،،

تحياتي / قلب شاهين ،،

[نبع الدموع]

حلف لي الوالد يقول كان عمري أقل من 12 سنه سارح في إبل في الظقره يقول طار جول حبر قدامي الصبح حلف أن عددهن 55 حباره !!! و ين ممكن تحصل جول 55 حباره اللحين !!!
و كانوا يقنصون السيح في اليمن يقول و الله لو تشوف قطعان الظبا تقول غنم مش ظبا !! و ين تلقى اللحين قطعان الظبا إلا في حدايق الحيوانات !!!

لا تعيب الزمن الزمن ما تغير الرجاجييل تغيرت !! أول الواحد يصيد على حاجته و يخلي الباقي لغيره و كان بعد خوف من الله من الإسراف في الصيد .
اللحين الواحد تقول كتيبة إعدام يقنص لين المغرب و يقنص إللي يشوفه إن كانت حبر أو أرانب أي عدد قدامه يصيده . و الله العظيم حصلنا في مقناص الرمله من سنين براد كبير يستخدم لحفظ السمك فيه يمكن سبعين أرنب معفنه بالله عليكم هذا فعل مسلم !! الله يرحمنا برحمته بس !!
و انت الصادق كان يذكرلي شايب عن ابوي الله يرحمة لا قنصوا ما يرمي ارنب واحد بالحالة توفيرا للفشق
و لهم رميتين بالليلة ما تزود عنها

و الظبا ترعى في شرم ينبع و الشوراء في طريق املج لا حول اليمن ولا غيرها يعني 14 كيلو عن ينبع
الوكارى و الجبليات و الحرار الخضر يوم كان في الديرة مواكر حرار يطرحونها و يربطون فيها شريط
احمر عشان يعرف لا جاها احد من عقب ان هالطير انطرح ولا ينفع

[سنافي نجد]

..




صدقت والله يخوي .. الناس الحين لو تشوف مية حباى تصيدهم حتى لو ما احتاجوا لها .. وتلفا نصها يرمونها


وابذكرك .. بيجي وقت (الله لا يقوله) ما تلقى حتى الحمام


لكن الشكوى لله



مشكور اخوي وما قصرت



..

[أبو فهد العيد]

حلف لي الوالد يقول كان عمري أقل من 12 سنه سارح في إبل في الظقره يقول طار جول حبر قدامي الصبح حلف أن عددهن 55 حباره !!! و ين ممكن تحصل جول 55 حباره اللحين !!!
و كانوا يقنصون السيح في اليمن يقول و الله لو تشوف قطعان الظبا تقول غنم مش ظبا !! و ين تلقى اللحين قطعان الظبا إلا في حدايق الحيوانات !!!

لا تعيب الزمن الزمن ما تغير الرجاجييل تغيرت !! أول الواحد يصيد على حاجته و يخلي الباقي لغيره و كان بعد خوف من الله من الإسراف في الصيد .
اللحين الواحد تقول كتيبة إعدام يقنص لين المغرب و يقنص إللي يشوفه إن كانت حبر أو أرانب أي عدد قدامه يصيده . و الله العظيم حصلنا في مقناص الرمله من سنين براد كبير يستخدم لحفظ السمك فيه يمكن سبعين أرنب معفنه بالله عليكم هذا فعل مسلم !! الله يرحمنا برحمته بس !
صادق والله يابو محمد,
بيض الله وجهك

[((السنياري))]

علموا اللي يصيدون على 1000 و15000 والمشكله في محلات تفريخها

يعني الجذور راحت فيها!!!
8
8
8
الجذور من زمان رايحه فيها
عسى الي رزقهم يرزق كل صقار بس راعين اشوازن ((انشاله مايمرهم عصيفير))

هذول هذول احم احم
وعسى رصيده نفس رصيد كل مسلم

هذا يقنص على لكزس وينك وينه ولا يقص الغماره بعد ماعنده فيه ((اشهد بالله انهم مطانيخ مطربين نفوسهم))

والله الي ماطرت اقص موتري اشهد اني ببتلش فيه محد يبيه لا جيت ابيعه

المنه على التذكره وانا وخوك دق تذكرتك وارخ النوط يامال الهشله وتيسر امورك كلها وتعب على خوت الطيب


انا اقول كثرت القوانيص من كثرهم موسم كامل الحين ماتشوفها بلبر لابغيتها تلقاها بسوق تنباع

تقبل مروري

[قلب شاهين]

أشكركم على مروركم وتعليقاتكم التي أسعدتني ،،

وبيض الله وجيهكم ،،

والله يعين أن شاء الله ،،

تحياتي / قلب شاهين ،،

[ذراع الذيب]

والله ياطويل العمر
صحيح زمان اول تحول
البارحه سمعت قناصه يسولفون
من الخليج يوم انهم قنصو مصر خلال اسبوعين مع احد الشيوخ
صادو حوالي 1000 او900 عدد خيالي وقال وبعد ماقنصو مصر راحو الي ليبيا
وحصلو الحبارى بالاعداد الهائله على بيضها وصادو خلال اسبوع 400حباري
سؤال وارجو الاجابه..
هل هذا مقناص او اباده&
كم سيكون عدد الحباره ال 1000 بعد سنه&
وش رايك ياقلب شاهين (افنوها بالامس ويلوموننا اليوم)

[أبو رداد]

وعليكم السلام ورحمة الله وبركاته

الله يحيك ياقلب الشاهين
اجتمعت ظروف كثيره علينا ...
زبدة الكلام احنا جيل غير محظوظ صيديا
والحمد لله الذي لايحمد على مكرها سواه

[بيضا القاع]

اي والله صدقتوا لان اول يعتمدون على الطيور والسلق للصيد وياخذون الي يشبعهم حتى للو في كثير والحين هد الموتر والشوزه تضرب بعضهم من اللقافه يضرب العنز يحاسبه ضبي وانا شفت على ابو سمره 40 غزال متعفنات كانوا في مقناص بالسعوديه واول ما وصلوا قطر حذفوهم في البر من ريحتهم ومشوا ا عنهم الاهم يبون يتعبثون في مخلوقات الله وترى كل من هب ودب يطلع قنص اذا حسبت تلاقي عدد السكان اكثر من النمل وكل يصيد بعشره وين تلاقي مجال للحبارى تكاثر وتعود علينا السنه الجايه

[عبدالله العلاج]

.................................................. ...http://www.nesrelarab.net/up/uploads/35ac9040a6.png

[ماجد الهلالي]

مشكور اخوي عبالرحمن على الموضوع والله انك صادق ... والله يرحمنا برحمته ... قولو اميييييين ابو تركي

[قلب شاهين]

ذراع الذيب / سلمت على مرورك والي أنت ذكرته هذا تفاخر بينهم وهم والله ماعندهم سالفه بس يقولك الي فلوسه كثيره يملك الدنيا ومافيها !!

ابو رداد / لاهنت على المرور وكلامك عين الصواب ،،

راعي عراوي / مشكور على المرور وكلامك على الراس والحقيقة قهر والله لكن الشكوى لله ،،

عبدالله الحربي / مشكور على المرور وحياك الله ،،
بريق مسروق / مشكور على مرورك ونور الموضوع يابو تركي ،،


تحياتي / قلب شاهين ،،