وش تقولون بهالمزيون ...نبي تعليقكم شعرا

[جرير]

هالقعود اللي بالصوره وجدته في اطراف حقل
وفي الطريق الي السفينه المشهوره
وكان مربوط علي جانب البحر
وكل مامرت سفينه يطالعها
المهم انه قعود طيب ويستاهل الدلال
مطلوب تعليقكم شعرا ياشعراء مكشات ......
.
.
http://www.mekshat.com/pix/upload02/images72/mk15396_camel1.jpg

.

http://www.mekshat.com/pix/upload02/images72/mk15396_camel3.jpg

[يوسف الخليفة1]

اقول مزعارن على شط الامواج=نقوه من القعدان باكر يهيجي
مستقبل الطاش الضحى مثل رتاج=يصير لونه مع ترابه مزيجي
وليا ضواه من المسا كنه سراج=في بيت قرمن باينن له لعيجي
سفينة البر برقاريقها داج=والموج ما له مع زباده نهيجي
يبصر بواخر بالبحر تدرج دراج=من وين ما تمشي تساوا الدريجي
ما تضرب بطشات الامواه بطناج=ولا يجيله بالمسالك رجيجي
هذا القعود اللي سرح كل الافجاج=واليا بغى المخلاص يلقى الهجيجي
مير ان ما له عن قوا القيد مخراج=وان ما تقيد فالرسن به يسيجي
عينه على دوج السفن تبلج بلاج=والعين الاخرى بالسهل له بليجي
لا هوب سراحن على ذيك الافجاج=ولا ركب عرض البحر له سجيجي
منولن في سهل الاقفار هجاج=يهجل بسيحات النجود بوهيجي
وليا اعشبت من لينه اليا خلا عاج=في برحة الريضان جوه بهيجي
في عزلتن ما به من الناس دواج=ولا بها حسن ولا به ضجيجي
هذاك مسراح النضا ما به احراج=الذود له في مبتدا الما فحيجي




مع تحيات ( أبو عبد الله )

[جارح العين]

صح لسانك
وبيض الله وجهك

[جرير]

الله الله يابو عبد الله
ماتحتاج تجيب العلم علي طول
لوسمعك راعيه ..
يبصر بواخر بالبحر تـدرج دراج
من وين ما تمشي تساوا الدريجي
ما تضرب بطشات الامواه بطنـاج
ولا يجيلـه بالمسالـك رجيجـي

[ابرق العزاف]

يابوحمد كيف ترمى عليه=مهموم من ضره وتلقطلى الصوره
ويلاه من فزعنك يوم شبة الهيه=فازع بكمره على راس باكوره
حدمان ومقهوروعضودي قويه=سفن البحر بيننا وبينها ثوره

[جرير]

ابرق العزاف صح لسانك

[جرير]

علي البحر مربوط والعين للغرب
=======تقول له في شط سينا رفيقي
لو يستوي له بالبحريتخذ درب
\\\\\\\\\\\\\ما للقعود بوسط جمه طريقي
ماهمته سوالف السلم والحرب
=======والعولمه ماهو عليها شفيقي
غاية مرامه وفرة الاكل والشرب
======ولو ابعد المرباع يلحق لحيقي
طول قياد الذود ومراحها خرب
======وربط السفينه للهقاوي يعيقي
ما يقني الطيب سوي الطيب الذرب
======ضاري علي الصملات حجاجه طليقي