طريقة مجربة لكي تحافظ على البيض بالبر

[وشــــام]

بسم الله الرحمن الرحيم

السلام عليكم ورحمة الله وبركاته

هذي طريقة مجربة لكي تحافظ على طبق البيض ما يتكسر اذا كنت بالبر ........

الطريقة سهلة وهي انك تجيب كيس وتحط فيه شوي رمل وتضع بعض البيض بداخل الرمل ثم تضع عليه رمل وفوق الرمل بيض ........ الخ

حتى تغلق الكيس لكن لا ترصون البيض على بعض

يعني حطو بينهن مسافات ويكون الرمل هو العازل ...................



























لا تزعلون علي اذا فقدتوا بيضه او بيضتين او ثلاث او تدري ثلث يكفن




;)

[ابو ســــاره]

فكرة حلوه يا حشم الهامل بس لو نجيب الطبق زي ماهو ونغطيه بطبق ثاني ولفهن بشطرطون تراي على كيفك

[فـ(الجـوف)ـتى]

اخوى الغالي



مشكوووووووور على المعلومه تسلم 0

[ابو شكاع]

مشكوووووووووووووور وانا اخوك


وفكرة ابو سارة بعد منتازة بالحيل

تسلمون

[أبوحمد]

والله بس اخاف يفقس البيض
ولكن ابجربها اذا طلعت
مشكور ما قصرت

[خشم الحصان]

الاخ العزيز
خشم الهامل
السلام عليكم
الفكره حلوه بس الرمل ثقيل شوي
الاخ العزيز ابو ساره الله يحفظك اسمه خشم وليس حسم اركد
الاخ ابو حمد بيض دجاج مهوب بيض سلحف الله يحفظك يفقس
اضن والله اعلم ان الطبق مالك عنه غناة يالخشم الهامل
اخوكم الفقير الي ربه
خشم الحصان:D :D

[علوم رجال]

فكرة حلووووووة .

واذا كانك من اللي يحبون البيض ، ولازم يكون معهم في رحلاتهم ، فصل درج مربع وخل اسفله قطن ملصق بغراء والغطاء حقه مثل الاول قطن مصمغ بغراء ، وحطهن على بعض ، ولا يمكن البيض ينكسر وخصوصا اذا كانك حاط البيض في مكان امن مثل البرادة ، او وسط فروه ،،،،

لكن هاه لاتنس اذا جيت تنزل الاغراض انك حاط البيض بالفروة ، وما تدري الا متكسر عليك .

وعلى فكرة ترا الصندوق اللي تفصله ما يكلف شى ابد ، من عشرين الى ثلاثين ريال ، ويبتل معك

وتقبل تحيات اخوك عاشق البيض

[قناص القرائن]

تباع حافضات على كبر البيض ورخيصه الكبير منها بـ12

[راعي الرغبه]

تسلم يا خشم الهامل على هذه الفكرة

[وشــــام]

بسم الله الرحمن الرحيم

السلام عليكم ورحمة الله وبركاته .....

الاخوة الاعضاء في منتدى مكشات اشكركم على المرور على موضوعي سواءً بالرد او القرائة......

وكما هو المعلوم ان المراد من هذا الموضوع ايصال معلومة ونقاش سلبياتها و ايجابياتها و الإتيان بأفكار جديدة ....


واعتذر عن التأخر بالرد .....

اخوكم ..

ابو عبد الله القصيمي

[googl11]

معليش علميا مع المطبات راح تتحرك ذرات الرمل وهذا يودي الى تقارب الاجسام الكبيره داخل الذرات والظاهر ان الطبق بطبق افضل على قولتهم

[عجمي]

فكرة جيدة وتسلم ياخشم الهامل

والأفضل انك تكسر البيض كلهن وتحطهن بقارورة موية صحة وبالثلاجة على طول وريح راسك من الكسر .....

اخوك عجمي

[سرهيد]

ذكرتني بشغل الأولين في حمل البيض اثناء السفر او في البر

كانوا يضعون قوطي نيدوا ويضعون البيض ومعه طحين وبهذا تضمن عدم تكسيره

شكرا لك

[كهلان]

فكرة اخوى سرهيد مجربه وممتازه
وتستفيد من البيض والطحين
بارك الله فيكم جميعا

[قرقاص]

هذا وش يشيله

يبيلك تأجر عامل عشان يشيل لك البيض

[الوانيت1]

فية فكرة أحسن من اللى أذكروها الاخوان وهى أن تسلق البيض كلة فى قدر او ماعون كبير وبعد ما ينضج تردة فى كرتونة اللى كان فية اول ماشريتة يعنى فوقة كرتونة وتحتة كرتونة وتربطه وتصلب الربطة يعنى على شكل صليب وعندك لمدة ثلاثة ايام أو أكثر حسب الجو صالح للأكل وسلامتكم////.

[راعي ساموده]

يااااااااااااااااااااااااه ياقدم الموضوع ؟؟

[ابن الحاره]

فكرة جيده ياخشم الهامل

اما انا فافضل وضعه في وسط طبقين اوفي علب بلاستيك وتضع عليه اما قطن او فوطة وتغلقه وباذن الله لن ينكسر.

وهذه هدية مني لك وللجميع.


http://ibnalharah.jeeran.com/photos/392538_l.jpg

[الشبكة2]

ياااااااااااااااخي انت طالع للبر موب لازم بيييييييييييييييييض
وثاني شي قلت تبي تحفض البيض عشان مايتكسر والطريقة اللي سويتها انت حقت تفقييييييييييييييس
وين طلعااااات زمان يوم التيس معلق بالخيمة وذلحين كيس رمل مليان بيض بالخيمه
لاااااااااااااااتزععععععععععععععل هههههههههههههههه

[قناص متقاعد]

شكرا ياخوي على الموضوع

ولكن الافضل من ذلك

هو

موجود على ها الرابط

http://www.mekshat.com/vb/showthread.php?p=921208#post921208 (http://www.mekshat.com/vb/showthread.php?p=921208#post921208)

[الشاهين2004]

فكرة البيض مع الطحين اشوفها لانك تستفيد من الاثنين

[عاشق سفاري]

يااخون فيه طريقه افضل ولامهونة لخوي خشم الهامل وهي ان البيض يجي في فلين اومايشابه اخذ الفليين مثله وحطه فوقه 100\00