اللي جرّب البريموس الأحمر سؤال ...؟

[طخيمان]

بسم الله الرحمن الرحيم

انا والله اليوم مريت محل رحلات في شرق الرياض ولقيت عنده قز بريموس

لونه أحمر بحوالي 250 الظاهر ان كان اني منيب واهم


وودي أسألكم قبل لا أشتريه هل هو ممتاز وعملي ولا لا

ووالله انه جازلي مرة وحجمه وشكله حلو والله بعيت آخذه بس قلت لازم

نشاور أعظاء مكشات

وما نستغني عن رايكم وخبرتكم

:)

[سرهيد]

السلام عليكم

انا اخذته بس اقتناء ولا اظني باستخدمه

واضح عليه انه قوي وجودته عاليه وصناعته متقنه

طبعا جربت شبة الضوء ولاحظت انها ضعيفة طبعا والسبة المحول اللي على رأس الدبة

وناوي اني اشيل هالمحول علشان تكون الشعلة اقوى

اللي يحكمه شراءك له حاجتك له

انا عني للشاي والقهوة استخدم البرايمس الصغير حتى في الطبخ ايضا لخمسة اشخاص اذا كان قدر ضغط 9 لتر

[طخيمان]

مشكور اخوي سرهيد

وبالنسبة للطبخ انا والله اغلب طبخاتي على كاتم 18 لتر

لأننا نطلع حول 10 اشخاص فهل هو يستحمل ولالا

وبالنسبة للشعلة هل تتوقع انك اذا غيرت المحول راح تقوى الشعلة

لأن تعرف المبلغ غالي شوي وصعبة تجازف وما يطلع حلو

ولله يعطيك العافية

[سرهيد]

مكررررررررررررر

[سرهيد]

اخوي طخيمان

ما شاء الله 18 لتر ، كبير مرررررررررة ويمكن ما يتحمله القز

بخصوص الشعلة والله ما ما اقدر اقول لك بتقوى والا لا لكن اللي اعرفه ان شعلة البرايمس دائم قوية وهذا ما يجعل الاكثرية ياخذونه ،

على العموم انا بجرب عن قريب وبعطيك الخبر وبشوف

و انا اشوف مثل هالقز زين للشاي والقهوة والطبخ في القدور الصغيرة بينفع مئة بالمئة

بالاضافة الى انك تستخدمة في الرحلات طويلة المدة اللي كم يوم يكون المطبخ ثابت بينفع مرررررررررة

انصح بشراءه .

ومثل ما قلت لك اني شريته وانا مالي حاجة فيه مجرد اقتناء





مشكور اخوي سرهيد

وبالنسبة للطبخ انا والله اغلب طبخاتي على كاتم 18 لتر

لأننا نطلع حول 10 اشخاص فهل هو يستحمل ولالا

وبالنسبة للشعلة هل تتوقع انك اذا غيرت المحول راح تقوى الشعلة

لأن تعرف المبلغ غالي شوي وصعبة تجازف وما يطلع حلو

ولله يعطيك العافية

[بواسامه]

اربح العافيه ياطخيمان
يرهمون للبريموس الهندي قاعده وشعله ومايعلي عليها
110 ريال ولا مثله ويتحمل قدر 50 لتر
لان الحمل على القاعده
وخلك من هالمبالغات اللي مالها لزوم
عندي سفرتي السويدي الاصلي شاريه ب20 ريال من الطايف خمس حبات 100
وهو اخو البريموس
اذا بتلقى شي لقطه فلا تتردد
اما وما دام البديل موجود وشوله وانا اخوك وشوله تضيع دراهمك في دافور
اسمحلي
كثر القرق عن بريموس والحسي الزايد فيه كن مهنا دافور الا هو
في شباب وشابو وهم على الايطالي ولا شافو منه شر

الله يدلك على الصواب

[طخيمان]

اخوي بو اسامه انا اقصد القز البريموس

ما اقصد الدافور

ولاهنت يا اخوي

[غيهب]

ليتك مرفق لنا صورة القز الله لايهينك
وش صناعته ؟
وين المحل ؟

[طخيمان]

هذي صورته اخوي غيهب لقيتها في المنتدى وهو موجود في بعض محلات الرحلات http://artaboon.googlepages.com/900.jpg

[طخيمان]

http://www.9o9i.com/download/24424852e436c3e12.jpg

هذي صورة ثانية من موضوع اخوي سرهيد الساحات العربية

[مسامرالليل]

اثرت حذف الصوره والتى قد نزلتها فى الموضوع
حينما تم تنزيل الصور من قبل صاحب الموضوع الاخ طخيمان

[غيهب]

ممكن ولا عليك أمر اخوي طخيمان تدلني على أقرب محل رحلات فيه هالقز؟

[أبوتركي الخالدي]

ممكن ولا عليك أمر اخوي طخيمان تدلني على أقرب محل رحلات فيه هالقز؟

أي والله ولا عليك أمر

لأني خابره منقطع من السوق

[سرهيد]

ممكن ولا عليك أمر اخوي طخيمان تدلني على أقرب محل رحلات فيه هالقز؟

السلام عليكم

اخوي الكريم غيهب

برق الحياء متوفر فيه

كنت عندهم من اسبوع وقلت له لو ابي عشرة موجود قال نعم

ترا عليه طلب يعني الحق حالك يالله تبي مثل هالنوعية

انا اخذته ولن استخدمه بس لمجرد الاقتناء فقط

تقبل احترامي

[طخيمان]

اخوي سرهيد عساك جربته بعد ما غيرت المحول ؟؟؟

ان شاء الله صارت الشعلة قوية ..؟

ووالله ان ودي اشتري مثله بس مشكلتي مثل ما قلت لك القدر ال18 لتر

[سرهيد]

اخوي سرهيد عساك جربته بعد ما غيرت المحول ؟؟؟

ان شاء الله صارت الشعلة قوية ..؟

ووالله ان ودي اشتري مثله بس مشكلتي مثل ما قلت لك القدر ال18 لتر

السلام عليكم

للآسف والله ما جربت بعد لاني مثل ما قلت لك سابقا مقنية وليس لي نية في استخدامه

لعلي اجرب فيما سيأتي واخبرك يالحبيب

طبعا بالنسبة 18 لتر ما اظن يتحمله لانه كبير وبيكون ايضا حجمه عريض

انصح ان تستخدم قز كبير خاص بالطبخ لمثل هالقدور الكبيرة

تقبل احترامي

[مفحط بحصان]

طبعا ما يحتاج البريموس مشهووود له

لاكن عندي سؤال ؟؟خارج عن الموضوع
شركة كوفيا طبعا منزلة قز مشابه لا كن قوة الشعلة ضعيفة هل هناك حل لها؟

تقبلو كل تقديري واحترامي

[ابو عنقا]

مساكم الله بالخير

اخوي طخيمان ولايهونون باقي الاخوان


سألت واحد عنده محل رحلات ولا نصحني فيه يقول ان فيه ناس جربوه وقالو ان نارة ضعيفة

ما ادري وش نية الرجال

مدحلي قز مثل البريموس ولكن صناعته كوري

واحترت في الاثنين

اتمنى اللي جرب البريمس انه يخبرنا هل هو جدير بالشراء أم لا

[سرهيد]

مساكم الله بالخير

اخوي طخيمان ولايهونون باقي الاخوان


سألت واحد عنده محل رحلات ولا نصحني فيه يقول ان فيه ناس جربوه وقالو ان نارة ضعيفة

ما ادري وش نية الرجال

مدحلي قز مثل البريموس ولكن صناعته كوري

واحترت في الاثنين

اتمنى اللي جرب البريمس انه يخبرنا هل هو جدير بالشراء أم لا

السلام عليكم

انا لاحظت ضعف النار

لكن اعتقد ان السبب هو المحول اللي في رأس اللي المشبوك في دبة الغاز

لو يتم شبك دبة الغاز مباشر بتكون الشعلة اقوى اتوقع

تقبل احترامي

[ابو عنقا]

اخوي سرهيد اسعد الله اوقاتك بكل خير

شريته الليلة بـ 270 رياااال

وسويت عليه براد شااهي وكان ممتاز بوقت وجيز تم غلي الماء

سؤالي يا عزيزي

هل اقدر اغير المحول واخليه على طول من الغاز الى القز

ومااهي الاغراااض الازمة لذلك