اهـــــــــــــــداء الى كل عشـــاق الجمس G M C 79

[وقيان]

G M C 79


http://www.mekshat.com/pix/upload02/images72/mk23753_image(202).jpg



اهـــــــــــــــداء الى كل عشـــاق الجمس 79...


قصيــــدة + القصيدة منشـــدة (( رائعـــة ))...





تسعه وسبعين من يذكر حراجه
والجميح مورده برى الحــــدودي


والله ونعمين ياصنع الخواجـــــة
المركي صانعه يرقى سنـــــودي


حافظينه من وكيله لا كراجـــــه
ما بعد شفنا على حلياه بـــــودي


ما تغير شكله من اول انتاجــــه
تندته بيضاء ولون البدي عـــودي


له فخامه والجميحيات تاجــــه
والوقار اللي على طبعه يســودي


ضامنين محركة عند احتياجـــه
صادق التمرين يصدق بالوعـودي


دق سلفه واشتغل طرب ٍ مزاجـه
حس شكمانه مثل دن الرعــودي


ما دبله دعسته والحقه صاجــه
ولا ثنى تشغيلته عقب الخمـودي


احتفوا به مثل شيخ ٍ في زواجـه
يذكرون الله عليه من الحسـودي


ان وقف كنه عميد ٍ فالمواجــه
كل ما يامر تنفذه الجنـــودي


وان تحرك كن ضاربته هياجـه
لا لقمله نمرت ٍ شره يــزودي


وان ضرب له خطة ٍ فيها عواجه
الله أكبر يالتوازن والركــودي


يا ثقل حجمه ويا خف اندراجـه
فالحزوم والهضاب وفالنفــودي


الكفر بالون والممشى عناجــه
ما تعثر له بطانيج الحيــودي


ان تنحرته عكس شوفك زجاجه
الصدر متربع وفج العضـودي


لو تدقق شفت في عينه غناجـه
وسم صناعه من كبار الليهودي


وان تقفيته غشا جوك عجاجـه
الكفر يحتاس لافتر العمــودي


سايقه مطنوخ في جيبه علاجه
ما بعد ساقوه شلات الهنـودي




الشــــاعر : عبدالله بن عبدالعزيز الحميداني....



القصيدة منشـــــدة..اضغط على الرابط بالأسفــل...


http://www.alqsed.com/file-5461.ram (http://www.alqsed.com/file-5461.ram)

.
.
.
.

[الدبل الثقيل]

جزاك الله خير ....... ياخوي وش اخر موديل من هذا الشكل ؟ وكم سعر النظيف اذا كان دفرنسين ؟

[ALOTAIBI]

وقيان صبحك الله بالخير
الله يبض وجهك على القصيدة الطيبه من رجال طيب
هذا اللي اقدر اقوله
والله يجمل حالك ويعطيك العافية
.................................................. .

دق سلفه واشتغل طرب ٍ مزاجـه
حس شكمانه مثل دن الرعــودي



ما دبله دعسته والحقه صاجــه
ولا ثنى تشغيلته عقب الخمـودي
****
ما تغير شكله من اول انتاجــــه
تندته بيضاء ولون البدي عـــودي
.......
صح لسان الشاعر وصح لسان راويها


تقبل مرور بناخيك ALOTAIBI

[وقيان]

جزاك الله خير ....... ياخوي وش اخر موديل من هذا الشكل ؟ وكم سعر النظيف اذا كان دفرنسين ؟



على حسب علمي آخر موديل نزل 81....لكن اذا تبي المعلومات الأكيدة...اخونا شقران فاتح موضوع خاص بالجموس...تفضل و اطرررح سؤالك وان شاء الله الربع ماهم مقصرين

http://www.mekshat.com/vb/showthread.php?t=140482

[وقيان]

وقيان صبحك الله بالخير
الله يبض وجهك على القصيدة الطيبه من رجال طيب
هذا اللي اقدر اقوله
والله يجمل حالك ويعطيك العافية
.................................................. .

دق سلفه واشتغل طرب ٍ مزاجـه
حس شكمانه مثل دن الرعــودي



ما دبله دعسته والحقه صاجــه
ولا ثنى تشغيلته عقب الخمـودي
****
ما تغير شكله من اول انتاجــــه
تندته بيضاء ولون البدي عـــودي
.......
صح لسان الشاعر وصح لسان راويها




تقبل مرور بناخيك ALOTAIBI



صبـــاح النور يا الغالي.....صح بدنك...

و يا مرحبا بك والله...نـــــــورت الموضوع بتواجدك و ردك...والله لايهينك...

[efi4500_2002]

اخر مديل نفس الشكل 79 الـ80 نفسه بس الشمعه مربعه

وقيان مشكور

[escape_man]

يالبيه ياوقيان

مشكور على القصيد وعلى الشعور الطيب حيال محبوبنا Gmc وهذي القصيدة هدية مني لك وشاعرها غير معروف لدي

جمسٍ يهوم المدح ويحارب الذم
امهجنٍ يحيي القلوب اشتغاله
أمه ترايستار وأبوه جي إم
وأكثر اطبوعة من طبايع خواله
امصممينه للفضاء قبل يفطم
ويوم افطموه فقالت القاع أنا له
كن حس سلفه لا غرسته ورنم
ضحكت صغيرٍ يدّرج وسط صاله
وونت اسيوره صوت عودٍ تـهشم
يوم اقفو الغازين بأغلى حلاله
واليا أشتغل كن في قزوزه مترجم
يحكي فرنسي عن ظروف البطاله
لاكن شكامينه اليا من ترأزم
ايدين سباحٍ هوا من سقاله
ماكينته كنها أبريقٍ ملغم
فوقيه أحمر والبلاء في الحثاله
لجة الحي الغوج لامنه لجم
في حس كبوته ليا غط جاله
شبكه يشادي رشرشٍ فوق محزم
على كما التفاح من تحت شاله
لاكن امراياته اايا اقفى موشم
اذني ريمٍ ذيرته الثعاله
شنابر اجنوطه احجولٍ بمعصم
سوداً تهيض بالطبل كل داله
ورفارفه كنها اركوح المقطم
وكن القزاز البرق لنشت اخياله
ومساحتينه حجة الي تلثم
خشف على العاشق عسير وصاله
سيته يظم الي على طارته ضم
أمٍ تضم اوليدها من دلاله
كنها احتوت في حضنها هند رستم
أو بنت صدقي قمت الفن هاله
وكنه مع القاع هرش تهندم
هرش مع الغفران تومي حباله
مقدمه لا ماأقفى يخم الشمع خم
لا بالذي صممه ماوسع خياله
يشدي لسكران يلاغي ويحشم
وإلا لعودٍ مزعلينه عياله

[بدوي جنوبي]

الاخ وقيان
السلام عليكم

ينُقل الي القسم المخصص
خيمة القصائد المكشاتية (http://www.mekshat.com/vb/forumdisplay.php?f=80)

بالتوفيق

[وقيان]

اخر مديل نفس الشكل 79 الـ80 نفسه بس الشمعه مربعه

وقيان مشكور


العفو يا الغـــالي....أسعدني مرورك..

[وقيان]

يالبيه ياوقيان

مشكور على القصيد وعلى الشعور الطيب حيال محبوبنا Gmc وهذي القصيدة هدية مني لك وشاعرها غير معروف لدي

جمسٍ يهوم المدح ويحارب الذم
امهجنٍ يحيي القلوب اشتغاله
أمه ترايستار وأبوه جي إم
وأكثر اطبوعة من طبايع خواله
امصممينه للفضاء قبل يفطم
ويوم افطموه فقالت القاع أنا له
كن حس سلفه لا غرسته ورنم
ضحكت صغيرٍ يدّرج وسط صاله
وونت اسيوره صوت عودٍ تـهشم
يوم اقفو الغازين بأغلى حلاله
واليا أشتغل كن في قزوزه مترجم
يحكي فرنسي عن ظروف البطاله
لاكن شكامينه اليا من ترأزم
ايدين سباحٍ هوا من سقاله
ماكينته كنها أبريقٍ ملغم
فوقيه أحمر والبلاء في الحثاله
لجة الحي الغوج لامنه لجم
في حس كبوته ليا غط جاله
شبكه يشادي رشرشٍ فوق محزم
على كما التفاح من تحت شاله
لاكن امراياته اايا اقفى موشم
اذني ريمٍ ذيرته الثعاله
شنابر اجنوطه احجولٍ بمعصم
سوداً تهيض بالطبل كل داله
ورفارفه كنها اركوح المقطم
وكن القزاز البرق لنشت اخياله
ومساحتينه حجة الي تلثم
خشف على العاشق عسير وصاله
سيته يظم الي على طارته ضم
أمٍ تضم اوليدها من دلاله
كنها احتوت في حضنها هند رستم
أو بنت صدقي قمت الفن هاله
وكنه مع القاع هرش تهندم
هرش مع الغفران تومي حباله
مقدمه لا ماأقفى يخم الشمع خم
لا بالذي صممه ماوسع خياله
يشدي لسكران يلاغي ويحشم
وإلا لعودٍ مزعلينه عياله



يامرحبا والله...وتسلم على هالهدية الطيبة....وللمعلومية...القصيدة هذي للشاعر الكبير ضيدان بن قضعان... و ان كان بغيتها كاملة و صوتية جبتها لك...ترى لها سالفة طيبة هالقصيدة..بين ضيدان و الأمير عبدالعزيز بن فهد

[وقيان]

الاخ وقيان
السلام عليكم

ينُقل الي القسم المخصص
خيمة القصائد المكشاتية (http://www.mekshat.com/vb/forumdisplay.php?f=80)

بالتوفيق


وعليكم السلام يا الغالي...مع اني كنت أفضل انه يبقى في قسم السيارات...لكن وش نقول...الحكومة أبخص :D

[escape_man]

بيض الله وجهك

ان لقيتها ومابه كلافه عليك فياليت ترفقها مع خالص تقديري

[بـلـيـهـان 1]

كفو يالذيب و صح لسانك و لسان قايلها يا جعل ابوك و امك بالجنة

[العـربي]

بيض الله وجهك

[وقيان]

بيض الله وجهك

ان لقيتها ومابه كلافه عليك فياليت ترفقها مع خالص تقديري

ابشر بها يا الغــــالي...ومابه كلافة...حاضرين للطيبين مثلك وشرواك..


كفو يالذيب و صح لسانك و لسان قايلها يا جعل ابوك و امك بالجنة


بيض الله وجهك

صحت أبدانكم...والله لايهينكم على هالردود الطيبة...

[monsixnet]

_

مشكور و بارك الله فيك

[وقيان]

_

مشكور و بارك الله فيك

العفو يا الغالي...لا هنت..

[حرب]

مشكور اخوي وقيان على هذه الصوره الرائعه بس ياليت تفك علامة الكبوت لانها مخربه شكله

[صقر العثمور]

صح لسانك وتسلم على هذه القصيد ه الرائعه والله يعطيك العافيه

[وقيان]

مشكور اخوي وقيان على هذه الصوره الرائعه بس ياليت تفك علامة الكبوت لانها مخربه شكله


صح لسانك وتسلم على هذه القصيد ه الرائعه والله يعطيك العافيه

صحتك أبدانكم...و شاكر لكم مروركم وتعقيبكم...

[اليامي قطر]

رغم ان الموضوع قديم الا انه عجبني :)

[طالع بر]

ماشاء الله تبارك الله