طيري متأخر بحذف الريش ؟؟؟

[خشف.]

السلام عليكم ورحمة الله وبركاته
يا الربع طيري حر قرناس بيت وباقي معه اربع اربع والذنيبا ما حذف منها شيئ
هل اعطيه نص كورس فارس ولا وش الحل
والسلام خير الختام

[alajmi110]

يا مرحبااا فيك اخوي الخشف
من رئيي الشخصي انا اقول لا تعطيه كورس
ابعد عن الكورسات دام الطير ماشي في حذفه.... وباقي معه اربع اربع اتوقع انه ينقل في شهر عشره والله اعلم
وعاد عندك وقت يمكن الطير يسبق في حذفه

[سلطان 1]

دق مدهنت الطير ووكل الله 0 وابشر بالحذف ورا بعض 0

[جارح العين]

اخوي حاول تنوعله بالاكل وهيئله الجو المناسب
والحبوب ماهن زينات خله يحذف طبيعي احسن

[((السنياري))]

شف

خل الكورس اخر الحلول

انقله ثلاث او اربع ايام وبعدها هده

لاحض طيرك بعدها يحذفهن ورا بعض ولا يتأخر

اذا تاخر فيه بودره حق حذف ريش اطيور ((بس ماعمري جربتها))

اربع مارح يقصرون معك الي عنده شي راح يفيدك فيه

تراك متاخر حيل توك تلاحضه

تقبل مروري

والله اعلم

[محمد العايش]

شوي لاتستعجل الصبر عليه بس زد العلف

[أخو وضحة]

ابعد عن الكورس
الأفضل انه يحذف طبيعي
اذا كان نظامك لعلف الطير وجبه وحده في اليوم غيرها خلها وجبتين غدا وعشا
وإذا كان فيه أحد تعرفه يجب لك جرابيع أفضل ونوع له في العلف واذا فيه زغاليل حمام عطه لين يطفش منها تراها زينه للحذف

[bo jara7]

السلام عليكم
انا اقول والله اعلم اقصر العلف لك جم يوم رد عطه بس على وجبتين
ودوا البودر الخاص بالريش تراه زين انا جربته مع شيهانه السنه الي طافت وصفت ابد مع الطيور

[بوخالد الكعبي]

مرحبا اخوى كيف الحال ان شاءالله بخير ...


اقولك لاتعطيه خلط ولا شي وطيرك حر مب شاهين علشان الخلط


انصحك :
1/ اقصر عليه بالعيشه لمده اسبوع خلف ينزل شووي وبعدين رد وعطه غدا و عشا يمكن يرمي
2/ كثر عليه من الفريس لايكون شي واحد فقط مثل الفري -- جيبله فروخ حمام و جرابيع و طيور بحر اذا كان ياكلها
3/ حطله في ليان ( مكان الشرب ) بودره الدود الاوكسيديا في الماء و شويت شعير مطحون


4/ اذا مانفع معاه ولا شي من هذا حطه نسبه بسيطه من البورد للحذف لمده ثلاث ايام فقط


وبالتوفيق ان شاءالله اخوك : بوخالد الكعبي

[خشف.]

بو خالد الكعبي
يعطيك العافيه على المرور
bo jara7
ما قصرت ونتظر ردود باقي الاعضاء
اخو وضحه
يعطيك العافيه وما قصرت بس الطير صنيع حتى الوجبه الوحده ما يكملها (اذا شبع يلعب بلعلف ينتش)
محمد العايش
نصبر ونشوف وان شاء الله يحذف وما قصرت على كل حال
R7AL_AL3OMR
الطير تقريبا له 40 يوم ما حذف ماسك ريشه بس كل يوم اقول يمكن بكره لين ما نكبني وما قصرت على كل حال
جارح العين
بنوع علفه وان شاء الله يحذف وما قصرت
راعي فاروق
المدهنه فحصتها قبل 5 ايام سليمه ما يحتاج ادقها ويعطيك العافيه على التنبيه
alajmi110
ان شاء الله يسبق في حذفه وما قصرت على كل حال


نتظر ردود باقي الاعضاء

[قرناس حائل]

مثل ما قالوا الأخوان الله يعطيهم العافية

( أقصر على الطير حتى تنزل صنعته وبعدين ارفعه بزغاليل حمام وقبل لا تعلف حط شوي حلب بالقلب )

تقبلوا تحياتي

[مفخرة الارض 0666]

زد العلف ونوع له وعطه فأره وعلى مسئوليتي يحذف وأنتبه من الجرذي ثقيل على الطيـــــــــر طبعاً فأر بري مع الأحتـــــرام والسلام عليكم

[بو هاشم]

اقصر عليه من العيشه
طيرك صنيع وانشاء الله بحذف توخير على الموسم
لا تستعجل واخر ماتفكر فيه الكورسات
تقبل مروري

[الطبشي]

الله يعينك ... وانشاء الله تنقله بدري

[المان العرب]

انشاء الله تنقله بدري

[ماجد الهلالي]

السلام عليكم اخوي انا افسر الكورس مثل المريض بالسرطان عافانا الله واياكم منه يعطونه كيماوي على شان يعالجونه وبعدها يطيح شعر الانسان ولما يطلع يصير شعره ضعيف حنا جربنا الكورس في شاهين قبل كم سنه صحيح قرنست بس ريشها ما ينبغى والا بريال وغير كذا فيه فرق كبير بين طيارها في الموسم الي قبله ولا ترتفع انا انصحك اخوي انك تبعد عن الكورس لا يضيع طيرك واسال المجرب وشيك على مدهنه الطير ونوع بالعلف وتشوف طيرك في تحسن انشاء الله والله يفقك واسف على الاطاله

[KAYD]

هلا بك اخوي خشف
نوع عشاه جرابيع - فري - حمام واركد عليه وان شاء الله بيحذف وتنقله بدري
تحياتي

[عين الداب]

الله يوفق ويظهر طيرك في شهر تسعه

[الشقب1]

خله على اسنعه ولا تعطيه اي شي بيهم عمره بس الله الله بالعده .

[خشف.]

الشقب 1
بريق مسروق
Kayd
عين داب يعطيكم العافيه وما قصرتوا

[خشف.]

المان العرب
الطبشي
بو هاشم
طيري غدا
قرناس حايل
يعطيكم الف عافيه وما قصرتوا


ولاكن يبقى السوال موجود هل في طريقه يحذف بسرعه بدون كورس

[مبسوط]

اخوي خشف
الشباب ما قصرو لكن انا اقول انه طبيعي نوعا ما بس يعتبر متاخر شوي الاسبوع الماضي انا شيكت على الطيور في المربط ولقيت واحد فيه خمس ريش وهذا طبعه يتاخر دايم واغلب الطيور بين 2 و 3 ريش
لكن الغريبه طيري يعتبر اخر طير حذف منهن وانا ربطته في 15/3 ميلادي والحين باقي الموس بس وباقي الريش حذفه ما طلع شي والذنيبا حاذفها كلها طالع كنه نحمة هل هذا طبيعي والا؟
(مع العلم انه يالله يقوى يطير في المربط لكن علفة ممتاز)

اخوك مبسوط

[قلب شاهين]

أخوي خشف سو الي بقولك عليه وأدعلي ،،

أقصر على طيرك بالعلف لمده 3 او 4 ايام وبعدها عطه غدا وعشى يعني عطه اول يوم فري واليوم الثاني فروخ حمام وبعدها لحمة نعيمي يعني نوع لطيرك والأهم انك تعطيه ( بيض حمام ) أما أنك تعطيه مع العلف أو أنك تشربه الطير على طول ،،

ولاتنسى الجرابيع اذا حصلت او لحمة ضب او فار بري ،،

وأنشاء الله انه بيحذف مضبوط ،،

وطبعا لازم انك تكون مشيك على طيرك بالعياده ،،

والسموحه على الأطالة ،،

تحياتي / قلب شاهين ،،

[سنجااار]

لا تعطيه هالحبه انا طيري بقي به اربع اربع والعاموديات ماحذفها اصبر ترا بعض الطيور يمسك واذا جاء بآخيرشي هل ريشه

[خشف.]

قلب شاهين
الله يجزاك خير وبسوي طريقتك والله يوفق
سنجار
ان شاء الله طيري وطيرك يصفون مبكر وشاكر مرورك