اخوكم عزيز محتاج مساعدتكم

[الصياد عزيز]

الســلام عليكم ورحمة الله وبركاته...

اخواني اعضاء المنتدى الغالي...

اخوكم عزيز...

عزًم يتعلم الصيـد وهو من سكًان الدمـام,

ورحت اشتريت لي سناره من نوع : "ميتشل" ’3متر ونص

واشتريت لي ساليـه 5 قدم على قدي...

المهم السالفه يا اخواني

احترت كيف ارمي السناره البعض علموني لكن احس ان الرميه فيها غلط

الخيط ما يروح بعيد...وانا ما اعرف كيف امسك السناره

ولما افك الخيط من المكينه عشان ارمي السناره يطلع واجد من البكره...

وابتلش ساعدوني الله يخليكم

يعني نبي تعلمونا اذا ما عليكم امر طريقة مسك السناره وطريقة الرمي

هذا أولا"

اما ثانيا

انا ما عندي طراد هل اقدر ارمي الساليه وانا على

الشاطي؟؟:confused: وين اقدر ارميها اذا ما عندي طراد..؟

وراح اكون شاكر لكم...

والسـلام عليكم ورحمة الله وبركاته..

[الصياد عزيز]

>_<.............

[المحتسب]

مرحبا اخي الحبيب وعلك تدخل على مواضيع العمدة ستجد بغيتك وهذه بعض المواضع علها تفيدك

http://www.mekshat.com/vb/showthread.php?t=109918

محبك المحتسب

[غسان]

أخوي عزيز اولا لازم تقرا على القصبة كم الوزن المسموح به cw وذا بالغرام تقسمه على ثلاثين يعطيك بالاونصه هذا وزن الثقل وتضيف عليه وزن اللعفه 0ثانيا قبل ماترمي لازم تتاكد من الشداد تشده وترجع تحله لفه واحده 0والقفل اللى اسفل الماكينه يكون مقفول يعني الماكينة ماترجع على ورا 0قبل الرمي تمسك الخيط باصبعك وبعدين تفك حاجز الخيط وترمي 0لاترمي بقوه ابدأ بتاني وبعدين تتطور علشان تتعود متى تفلت اصبعك من الخيط وهذا يكون لما توصل القصبه في الوضع العمودي 0اما طريقة الرمي ابدأ بالاسهل لك وبعدين تتطور في رميات كثير لكن صعبه 0المهم الماكينة لاتنزل في الرمل او في البحر وبعد كل استعمال تغسلها بالماء العذب0 هذا اللى اقدر اساعدك فيه وانا اسف ماقدرت انزل لك صور للشرح

[الصياد عزيز]

الله يعطيكم الف عافيه...كفيتو ووفيتو

[القبقب]

سبب خروج الخيط هو أنك لفيت الخيط على البكره فوق حجمها
وحل هذه المشكلة بسيطة هو أنك تقطع جزء بسيط من الخيط ( من مترين الى خمسة) .

[الصياد عزيز]

مشكووور يالقبقب والله يعطيك العافيه