افضل الطرق لتعليم الطير على ...طلع الحباري...

[الطبشي]

السلام عليكم ورحمه الله وبركاته.... ودي ان كل صقاقير المنتدى الاعزاء يشاركون في الموضوع المفيد وكل يطرح رايه والي جربه مع طيره لين اطلع الحباري معه ...... وعني انا والله ماجربت طيوري الي مرت علي ماعلمتها ... ولا حاولت بحكم ارضنا رمليه وسهله...

[أبو رداد]

وعليكم السلام ورحمة الله وبركاته

سؤال طيب ولي عوده ان شاء الله

[قلب ذيب]

الاخ / الطبشي .
موضوع متميز وهام للقوانيص , ويحتاج الى الكثير من الطرح الشارح له . بهض الطيور تجي طلاعه مثل الخلوي وبعض الفروج مثل ماتصيد بدون تعليم , وهناك نوعين من طيور الطلع ( طلع التكايه / طلع اليد ) ولاشك ان طلع التكاية أقضل .
تعويد الطير على تقديم عشاه له على التكايه وتركه يدرج عشاه على التكايه وماالى ذلك تجعله يركد على التكايه أكثر -- ممكن تعليمه يظهر على الدعو من التكايه - - ووضع له طريده بعديه في وادي او روض -- وتركه يذهب لها وبعد ذلك ترك له حبارى كسير تسير من على بعد وهكذا يتعلم الطير الطلع .

[ماجد الهلالي]

السلام عليكم
موضوع طيب ونبي نشوف اهل الخبره وش يقولون ابوتركي

[وَسَام!]

تعليم الطلع للطير له عدة شروط منها ان الطير يكون ماهو طير نزر يعني طير كفاخ وهذه النوعيه اعتقد انه من الصعب ان لم يكن من المستحيل تعليمه الطلع . وان يكون طير صايد الحبارى وتمرس في صيدها . والا يكون الطير بعدته الكامله ولكن يقصر عليه حتى مايفسق .
وتعليمه الطلع يكون على عدة مراحل :
اولا يكون تعليمه للطلع في اخر ايام المقناص لانه في اغلب الاحيان بيكافخ على التكيه واحتمال يتكسر فيه ريش لانه اغلب الوقت بيكون على التكيه مفرع وعشاه عليها لين يركد مره بحيث انك تنزل من الموتر وترجع ثاني مره ويكون الوظع عنده عادي بعد ذلك تعلمه كيف يخرج من السياره ويكون بجذبه بالملواح وفي بعض الاحيان يكون من مسافه بعيده حتى يكون نظره دائما للبحث عن الاشياء البعيده بعد ذلك يوضع له اما حبارى او بط او دجاج في ارض بعيده الى حد ماء ويكون في ارض مكشوفه في البدايه وبعده يوضع له صيد في ارض يكون فيها اشماع بحيث ان تكون الصيده خفيه بعض الشي ليتعلم انه يفتش مع ملاحظة ان الصيد الذي يوضع او جذبه بالملواح يكون من جميع الجهات ولا يعلم على جهة وحده . وعلى العموم بعض الطيور مبروك ويساعدك على نفسه.
هذي وجهة نظري وارجو ان اكون وفقت في الشرح

[راعي عساف]

ماقصرو الاخوان .لكن انا ضد انك تعلم الطير على الدعو من السياره على
الملواح لانه ممكن ياخذها طبيعه انه يطلع بمجرد مايشوف زول اي شخص يمشي او يدعي طيره ,الافضل تعليمه
يطلع على صيده كبيره دجاج حبشي او نورس او حبارى علومه اهم شي تكون الصيده كبيره ومثل ماقال اخوي وسام بعض الطيور مبروك ويساعدك على تعليمه

[بعيد الشوح]

والله اخواني كفوو ووفو وانا عندي تنويه بصيط انا اقول كل طير بيركد بيطلع وهاذي جربتها على كذا طير بس ماهو على حباراى

[((السنياري))]

قلب الذيب ووسام

ماقصروالخوان عطوك العلم وماعندي ازود على كلامهم


راعي عساف

عندي طير فيه هطبع وفشلني كم مره وابتلشت ابي اوخر هطبع منه ((اطير مسكت بس لولا هطبع))

[المان العرب]

تعليم الطلع للطير له عدة شروط منها ان الطير يكون ماهو طير نزر يعني طير كفاخ وهذه النوعيه اعتقد انه من الصعب ان لم يكن من المستحيل تعليمه الطلع . وان يكون طير صايد الحبارى وتمرس في صيدها . والا يكون الطير بعدته الكامله ولكن يقصر عليه حتى مايفسق .

وتعليمه الطلع يكون على عدة مراحل :
اولا يكون تعليمه للطلع في اخر ايام المقناص لانه في اغلب الاحيان بيكافخ على التكيه واحتمال يتكسر فيه ريش لانه اغلب الوقت بيكون على التكيه مفرع وعشاه عليها لين يركد مره بحيث انك تنزل من الموتر وترجع ثاني مره ويكون الوظع عنده عادي بعد ذلك تعلمه كيف يخرج من السياره ويكون بجذبه بالملواح وفي بعض الاحيان يكون من مسافه بعيده حتى يكون نظره دائما للبحث عن الاشياء البعيده بعد ذلك يوضع له اما حبارى او بط او دجاج في ارض بعيده الى حد ماء ويكون في ارض مكشوفه في البدايه وبعده يوضع له صيد في ارض يكون فيها اشماع بحيث ان تكون الصيده خفيه بعض الشي ليتعلم انه يفتش مع ملاحظة ان الصيد الذي يوضع او جذبه بالملواح يكون من جميع الجهات ولا يعلم على جهة وحده . وعلى العموم بعض الطيور مبروك ويساعدك على نفسه.

هذي وجهة نظري وارجو ان اكون وفقت في الشرح

كلام سليم واي بالله وفقت في الشرح كفيت ووفيت

[خلوي]

ماقصرو الاخوان .لكن انا ضد انك تعلم الطير على الدعو من السياره على
الملواح لانه ممكن ياخذها طبيعه انه يطلع بمجرد مايشوف زول اي شخص يمشي او يدعي طيره ,الافضل تعليمه
يطلع على صيده كبيره دجاج حبشي او نورس او حبارى علومه اهم شي تكون الصيده كبيره ومثل ماقال اخوي وسام بعض الطيور مبروك ويساعدك على تعليمه


الصراحه كلام 100% ويدل على الخبره الطويله , اذا عودت الطير يطلع من التكيه على التلواح بيخرب طبعه:no2: , راعي عساف ماقصر وبين السبب

[وَسَام!]

الصراحه كلام 100% ويدل على الخبره الطويله , اذا عودت الطير يطلع من التكيه على التلواح بيخرب طبعه:no2: , راعي عساف ماقصر وبين السبب
اي طير يعرف الملواح راح يطلع عليه من السياره ولكن المشكله انه بس يعرف الخروج من الدريشه والا مايرده عن الملواح راد.

[بوخالد الكعبي]

موضوع جميل للتعليم بعض الطيور على الطلع

بعض سبحان الله من طيبها تركد على التكايه وبعضها يبغيلها اتعلم على الركاده

يعني اتعشيه على التكايه بعد الدعو او تظهر من الكتايه للدعو و بعدها يتعشى عليهاا

او انك تفك له ارنب و هو على التكايه ويشوفها لاانه كثر هدد الارنب من التكايه يركده

و بعدين اتهد له دجاج حبشي او بطه او حباره علومه له و منها يتركد ان شاءالله على التكايه

و كثر عليه من النقال او الشيل على اليد بين الشباب في المجلس لكي يركد و يخف من المخافق

و بعضها من هي فرخ تركد على حسب صقارة راعيه

والله يوفق الجميع ان شاءالله

[الطبشي]

الله لا يهينكم وما قصرتو وانشاء الله ينفع الاخوان في المنتدى00000وننتضر الباقين

[خط المقناص]

مساكم الله بالخير ،، حبينا نسجل ونتفرج ونشارك
والله ييسر امرنا وامركم

ممكن يركد الطير لكن ما يطلع
يعني لا يكفخ ولا غيره تفرج وبس
شفنا طيور كثيره راكده وذابحة الحباري
بس ما تطلع ،، الحبارى درج وهو يتفرج
لكن اذا شلته على يدك هد ،، وهذي صارت معنا اكثر من مره
وبالنسبة للطلع على اليد ما هوب طلع
اذا ما نومسك الطير على تكيته وطلع وانت تقهوى والا ماهوب طلع ،،
الطير ركده على التكيه واذا ركد زانت علومه
اما درج له بط اشهب ( مافيه اكثر منه بالسوق ) كل يوم بطه مره قريبه ومره بعيده ،، اليوم ما يطلبها والثاني مثل بس الثالثه ثابته ( مجربه ) ،، بس قبل علم الطير يطمر على يدك من التكيه وانت برى السياره ،، بعلف لا شلو ولا حمامه ،، ثنداه حمرى يطمر عليها المهم انه يعرف يطير ويطلع من السياره وهذي سهله يومين وتلقاه عينه على القزازه ،، وطبعا بالبر مافيه بط ونادر اللي يدرج يشبه البط غير الحبارى
يعني إن شالله انه يبي يطلع عليها
وودك الواحد اذا لقى اثر جديد يتركد ويحرص على المرافع يطلع الطير فوقها ،، لانك وانت تمشي ما اظنه يطلع عليها الا طيار ،، تلقاك متحمس وعجل والطير ما ياخذ راحته

[محمد الفهيد]

الاخوان ماشالله افادوك ( قلب ذيب ، ووسام وبوخالد و خط المقناص
والباقين بعد

[قلب شاهين]

لاهنت على الموضوع الراائع ،،

والأخوان ماقصرو ،،

تحياتي / قلب شاهين ،،

[حبراي]

الله يعطيك العافيه على الموضوع ماقصرت

حبراي

[نبع الدموع]

يعطيك العافية اخوي و ما شاء الله تبارك الله الرجال ما خلوا شئ.


لا هنتم جميع و بيض الله وجيهكم

[قشاع الرمث]

السلام عليكم ورحمة الله وبركاته

الاخوان ما قصرو وانا مع كلام الاخ وسام