هل هذا صقر؟؟ افزعوا لي..

[albandr567]

السلام عليكم ورحمة الله وبركاته


هذه اول مشاركة لي في هذه المنتدى
......
الموضوع ومافيه


الاسبوع الماضي تقريبا يوم الثلاثاء
جنا مطر والحمد لله بعد المطر قلت بنزل الوادي اشوف فيه سيل ولا لا
ولفت نظر طائر غريب من نوعه في المنطقه.. (( في مدينة الباحة ))
ونزلت عند الطير وامسكته بكل سهوله


وقولها بصراحه اعتقد اول شئ انه صقر بس لما اجتمعوا عليه الشباب قالوا وش يجيب فرخ صقر عندنا


في الاخير سألت عنه وماحد عطاني معلومة مفيده
قلت لواحد من اهل الرياض وارسلني على منتداكم هذا وقال عطهم السالفة ونزل صورة الطير وشف وش بيقولون لك
.......................................
عموما هذه صورة الطير
[http://www3.0zz0.com/2008/06/14/19/683196181.jpg (http://www.0zz0.com)
واللي خلاني اشك زياده اني اشوف الطير هذا ينبسط وهو ياكل لحم (( اي لحم تعطيه يقضي عليه ..مشاء الله))


وبنتظار ردودكم ومشورتكم


وتقبل تحياتي

[طرح السعودية]

هذا الله يسلمك يسمونه شرياص ماينفع

[جمعان 22]

هذا الشرياص او الشرياص ..... الباشق على ما اعتقد :)

وما فيه شيئ ما ينفع ( اذا كانت النية وناسة و لعب ^__^ )....حتى الاسد لو تدربه على الصيد بيصيد ..ولو تدربه على الرقص بيرقص

واذكر واحد من الشباب كان عنده مثل اللي بالصورة بالضبط ....وكان يهد على حمام (يمام ) ومسوين له ملواح بعد :d


حتى العقاب لو تدربه على الصيد بيصيد لك ..... ولكن الناس ما تعودت والسبب هو نوع الصيد

[القرناس المهاجر]

هذا له عدة أسماء .. واعتقد عندكم يسمونه ( الحميمقي) ويسمى شبوط .. وشرياص .. وغيرها من الأسماء .. وهوفي الغالب يصطاد الجراد والسحالي الصغيرة والجرذان الصحراوية والحشرات الطائرة .. والعصافير والسمان ..

لايستحب صيده لانه :no2: لافائدة منه.. إعتقه الله يعتقك من نار جهنم :good:

[القطاوي 2008]

هذا اسمة باشق



يصطاد الجراد والسحالي الصغيرة والجرذان الصحراوية والحشرات الطائرة .. والعصافير والسمان ..

[winchester]

سبحـان الله وجهه هالطير مليان براءه خخخخخخخخ

أخوي لا فائده منه من ناحية الصيـد ولا من ناحيه ماديـه

دمـت بود

[عبدالله العلاج]

عافاك الله عزيزي
اتمنى انم الزملاء فادوك

[التميمي 2009]

السلام عليكم
هذا الطير اسمه عندنا شبوط وهو يستخدمه الشباكه كنقل يجذب الطيور من بعيد حتى يتمكن من شبكه عن طريقه, يعني يشبك الحر ان شاء الله

[بوخالد الكعبي]

هذا شبوط او شرياص

بارك الله فيك اتركه في حاله

[..@القناص@..]

هذا الله يسلمك باشق وله عده اسامي وهذا سعره في سوق الحمام من 40 ريال الى70 ريال ماينفع للصيد

[ريف النشاما]

هذا الله يسلمك باشق وله عده اسامي وهذا سعره في سوق الحمام من 40 ريال الى70 ريال ماينفع للصيد

هههههههههههههههههه



يارجال ركب له تيربوا بالصناعية يمكن يصير صيحة عام 2009





:j

[الطبشي]

ماقصرو الشباب افادوك

[ماجد الهلالي]

هذا الله لا يهينك يسمونه شبوط مثل ما يقلون بعض الشباب وخساره فيه العلف والاجر لك انك تفكه خله يترزق الله

[طير طويق]

هذا شبوط وفكه الله لا يهينك تكسب اجره

[حبراي]

هذا شبوط شرياص اتركه في حاله

[عين الداب]

شبووووووط وفك السبوق الي انت حاطها والله يجزاك خير

[طير طاير]

هذا له عدة أسماء .. واعتقد عندكم يسمونه ( الحميمقي) ويسمى شبوط .. وشرياص .. إعتقه الله يعتقك من نار جهنم :good:



آآآآآآآآآآآآآآآآآآآآآمين


كلام 100% :good:

[ولد الجنوب]

اشوووف ماشاءالله معطيه زبادي عشان يكبر ولا

[الوافي 9]

هذا مثل ماافادوك الشباب شبوط اوشرياص ولكن ممكن تعلمه على الحمام ويهد عليهم

[عاشق المخيله]

هذا شبوووووووووووووووووووط
ياذيبان اطلقه لوجه الله

[الحرالاشقر]

السلام عليكم
هذا شبوط

[قشاع الرمث]

السلام عليكم ورحمة الله وبركاته

هذا باشق ( شبوط ) ما ينفع لشي

[رامى السيد]

كما قال الاخوة شرياص او شبوط اوعوسق او باشق جميعها اسماء لطير لا يسوى شئ.......... الله يرزقك خير منه

[albandr567]

http://gallery.7lm.com/data/media/316/exrose2-0.gif

وجزاكم الله الف خير
جميعا دون استثناء
حتى اللي دخل للموضوع ووجد الردود وطلع

وانا بأخذ بقول الاكثرية واعتقه لوجه الله
وان كان لي اجر فلكم مثله بإذن الله

ولي مشاركات قادمه في هذا المنتدى الرائع


ولكم كل المحبة والتقدير