قصتي في كذب بعض الشرطيه في سوق الرياض

[ماجد الهلالي]

السلام عليكم ورحمته الله وبركاته
احب اروي لكم قصه طير اخذته من سوق الطيور من احد الشريطيه الله لا يجزاه خير دخلت للسوق بشتري طير وحصل هذاك الطير الي عليه هذيك الوسره والريشه وقلت له وش علوم الطير يا بو ... قال هذا طير واحد من الامراء مشرهه على واحد من الاخويا ويبي يبيعه طيب وش علومه قال ان الطير فاعل وراكد ويطلع واذا تبي علومه صح انا بكره اجيبها لك قلت اوكيه وتفقت انا وياه على السعر وشريته حسيت ان الطير تفريخ وقلت له هذا تفريخ قال لا الامراء ما يشترون تفاريخ ويتكلم وهو متاكد ويو جاء اليوم الثاني جيت باخذ علوم الطير يمدح الطير الي ماله مثيل شلت الطير وطلعت دهلت الطير ودعيته وفكله بعض الحمام مره يلحق ومره لا قلت يمكن مو راغب الحمام ويوم قنصت الا هذا الكروان هاد عليه واحد من الشباب فرخ وكري كبر الشبوط ههههههههه قلت له اعزل ودي اوري طيري ما قصر الرجال عزل الكروان وخذت منه بعض الريش على شان ما يروح على الطير وهديته ويوم ابعد الكروان هديت الطير الا الطير جازم على الكروان وصار بيني وبينهم حزم صغير ويوم رقيت فوق الحزم الا الكروان فوق الطير والطير خايف والكروان يدبغ الطير شي ما تصوره:eek: :eek: :eek: هههههههههه انزلت افزع للطير الا الكروان طار وطير يناظر يديني يبي احذف له شي قضبت الطير وحلفت ما افك اسبوقه الا بالرياض وكتشفت ان الطير تفريخ بعد ما عرضته على الناس الفاهمين الي لهم خبره وصار بعض المحلات الي بالرياض ياخذون الحجوال الي على طيور الامراء ويحطونهم على الطيور الي يشترونها ويقولك هذا تبع الامير فلان طبعا بعت الطير مجهول والله يرزق الي شراه

[الرجم العالي]

الا الكروان فوق الطير والطير خايف والكروان يدبغ الطير شي ما تصوره:eek: :eek: :eek: هههههههههه انزلت افزع للطير الا الكروان طار وطير يناظر يديني يبي احذف له شي \




هههههههههههههههههههههههههههه أجل أدبغه :D :D
ماعليش تعيش وتاكل غيرها هههههههههه .. >>>أمزح معك ..:)
والله مالي خبره لكن بالبيع لاتثق بأحد غير معروف الا ماندر ..
تمنياتي لك بالتوفيق والله يرزقك ..



.

[ماجد الهلالي]

مشكور اخوي ( الرجم العالي ) على مرورك وانشاء الله ما تشوف الي انا شفته

[طارق الحربي]

لا تشتري الطير الا بعد ماتهده وتشوف طياره

او من ثقه

[ماجد الهلالي]

كلامك سليم ياخ طارق والرجال الي شريت منه الطير ما اتقهوا الا عنده في المحل واعده مثل الاخو بعدها اخذت درس على العموم مشكور على مرورك

[طارق الحربي]

اعوذ بالله !!

تقهوى عنده ويغشك !

تعده اخو ويغشك !

هذا وانا اخوك مع احترامي مهو رجال :)

المفروض يصفط لك الطير الطيب مهو بس يصدق معك

[قنيص غبر]

تحصل في ارقى العائلات وانا اخوك خخخخخخخ :) ..

والله ماعرف شو اقوولك بس لو حصلي هالموقف هممم اول شي بتصل في المزروعي وبقوله اركب معي اباك في سالفه وبوريه الرجال اللي غشني . يعجبك بو محمد في هالمواقف :) ..


المتعارف عندنا في الامارات ان الطير ماتسلم فلوسه اللا بعد الفحص او انك تتاكد من فعله .. اللا طبعا من رجال واثق منه ومعرفه ...

في حالتك طبعا الطير بعته وخلاص وانشالله المره الجايه تاخذ عبره

* للعلم فقط .. ترا يمكن الطير مش تفريخ لكن الطير مشلول من العش وهو صغير ولا اخذ وقته مع امه او انه طار واتعلم الصيد ..

[عين الداب]

مشكووووووووروموفق

[راكان 11]

مشكككككور يالغالي

الكروان شكلة قرناس وحش ... يوم انة صفق طيرك

اللة يعوضك بأحسن منه

[المزروعي]

لاحول و لا قوة إلا بالله ..

والله يا خوي هذي من بلاوي الزمان إللي أصبحنا نسمعها في كل وقت في غش الطيور و الخداع إللي ما قد سمعناها قبل . مره من المرات أخذني واحد من الربع يريد يشتري طير أحمر 17.5 في 17.5 عليه وسره تقول شاهين . المهم رحنا عند راعي الطير و حلف و قسم بالله أن هذا الطير طرح العراق !!!
الرجال مغلي الطير و قلت له الطير غالي قالي أنتظر شريكي و إذا وافق إن شاء الله ما بنختلف قلت له وين شريكك قال لي هو في الحمام أعزكم الله يسبح طبعا أنا ما كنت أعرف من هو شريكه !!! قلنا الله بيهديه و إن شاء الله بيوافق . طلع الاخ من الحمام أعزكم الله و أول ما شافني تفاجأ وقال يا مرحبا يا بومحمد و وين هذي الغيبه ! طلع شريكه واحد أعرفه من فتره طويله !!! إللي معاي فرح وقال عز الله أنا بناخذ الطير بسعر رخيص مادام هو يرحب بك بهذي الطريقه . قلت له أنا أريد أشتري هذا الطير شو سعرك النهائي فيه .
قال لي أريد أكلمك لوحدك قلت له تم . قال يا بومحمد أنا ما أقدر أغشك أنا أكلت في بيتك أكثر من مره هذا طير تربيه من بريطانيا !! قلت له يا مسلم شو تقول صاحبك حلف وقسم أنه طرح العراق قال خله يولي هذا كذاب !!!
المهم خبرت صاحبي وقلت له خيره إن شاء الله ورحنا و أنا أفكر في الرجال إللي كان يقسم بالله ويحلف !!!
ما أدري هذا الرجال ما عنده خبر عن الجنه والنار والعقاب و الحساب أو أحنا ما صرنا نخاف من النار !

[نبع الدموع]

الله يعوضك بالي ازين منة
نصيحة لا تشري غير وحش او غير مشروط
و انت اصقرة بنفسك انا من يوم ادخل المربط
ابيلي طير اقولة ابيلي طير ما شاف شئ و صقارتي
هي الي تجيب العلم الزين ان شاء الله.

[محمد الفهيد]

الله يعينك والناس الي مالها ذمه واجد هالايام حتى في السيارات والطيور
انا عندي قاعده الطير الي اخذه من عند واحد ما اعرفه اعتبر انه مجهول عشان اقتنع في الطير حتى لو ان صاحبه صادق فيه.

...

بومحمد مبروك عليك الوسام عقبال ما تاخذ الذهبي انشالله

[المزروعي]

محمد الفهيد . الله يبارك فيك الوسام أنت و الأخوان في هذا المنتدى الطيب .

[الطبشي]

الله يعوض عليك ....وتلقى غيره

[طير طاير]

الا الكروان فوق الطير والطير خايف والكروان يدبغ الطير شي ما تصوره:eek: :eek: :eek: هههههههههه انزلت افزع للطير الا الكروان طار وطير يناظر يديني يبي احذف له شي



هههههههههههههههههههههههههههه

هاذي جديدة


وليتك مصورة لنا


والله يعوظك الطير الوافي أن شاء الله




أخوي المزروعي/ عيش كثير = تشوف كثير ومبروك على الوسام

وتقبلوا مروري،،،

[bo jara7]

السلام عليكم
مشكله الغش والكذب كثيره مو بس في بيع الطيور في اكثر من شغله
واحب اقولك شغله يا اخ بريق مسروق انه طيور التفريخ في بعضها افعاله افضل من افعال الخلوي

[قلب شاهين]

زانت علومك يابو تركي ،،

وياكثر النصابين خصوصا عندكم بالرياض ،،

لكن مامن خوف من الله ،،

تحياتي / قلب شاهين ،،

[عاشق المخيله]

اعوذ بالله هذا آخر الزمان

[ابو سعود نجد]

اخوي بريق قصه مؤلمه موضحكه صراحه ذكرتني بوكري كان عندي شريته وهديته في مربط 3 متر على فرخ بطه على اساس انه بيهد خليته شوي يوم جيت
بعد 10 دقايق لقيتهم متوالفين تقول اهو الذكر وهي الانث :d

[الحرالاشقر]

خخخخخخخخخخ
كلنا اكلناها مع اول طيرين اشتريتهم تقريبا نفس الحاله
لكن الطير ماكان يخاف بس ماكان سبوق كثير
وترا قاعده لاتشتري طير الا من ثقه
واذا شريته من غريب اعتبره مجهول
وبالتوفيق بالطيور الجايه

[وَسَام!]

وصار بعض المحلات الي بالرياض ياخذون الحجوال الي على طيور الامراء ويحطونهم على الطيور الي يشترونها ويقولك هذا تبع الامير فلان


يمكنه صادق ان الطير للامير الفلاني بس انه معطيه وليده يلعب به ويوسع صدره!!

الله يعين على الشريطيه فيهم الرجال وفيهم الدجال لكن المعرفه مافيه مثله!

[قشاع الرمث]

السلام عليكم ورحمة الله وبركاته

الصراحه تالي ما تلقا الصدوق الا نادر.

صارت الناس تكذب بكل شي الله لا يبلا

[لعّاب المنايا]

عشنا يا ما حنشوف

الله يستر بس يا اخوان الله يكفينا شر هاللي ما يخاف ربه ,,

[نايف الخالدي]

الله يعطيه على قد نيته
والله يعين اللحين ماعاد فيه ذمه في البيع والشرى
المزروعي مبروك الوسام تستاهل والله

[النـادر]

اخوي الله يعوض عليك
بس ليتك ماقلت بعت مجهول ..... لان هذا بعد غش

الطير المجهول اللي ماشاف شيئ اصلا ولاتدري عنه

وطيرك هذا فااااااااااااااااااااااشل مو مجهول

حرام عليك بعد تغش لك مسلم يروح يتعب عليه ويترجى من وراه صيد

[((السنياري))]

الله يعوضك خير

[خيال الغلبا]

مصيبه الغش مصيبه

[ماجد الهلالي]

مشكورين يا شباب على مروركم قصه مؤلمه وفي نفس الوقت مضحكه ههههههههههههههههههههههههه

[ماجد الهلالي]

لا ياخوي نادر انا ما بعته مجهول بالحراج انا حطيته في نفس المحل وقلت بيعه على حظي مجهول لاني ما ابي دخل بذمتي شي وشكرا على مرورك

[المري]

الله يكفينا الشر .. ويبعدنا على اللي مايخاف الله..

[ماجد الهلالي]

مشكور اخوي المري على مرورك ولا يهنون الربع الباقين ويكفيكم شر مثل هذي الاشكال الي ما تخاااااااف الله وحسبي الله عليهم

[alajmi110]

اخوي بريق مسروق
الطير الله يحييكـ كومة ريش ..... مهما كانت قيمته ماله الا حدى امرين ( يا ضايع - يا ميت )
ولكن... تأكد ان حقكـ اذا ضاع فا الدنيا ما يضيع اللي عند الله
سبحان الله على ها الناس يكذب عشان كم الف .... والله ثم والله لو تجيه دعوه ويستجيبها العلي القدير
ان يتحسف عدد شعر راسه على كل كذبه قالها..
اعرف شخص يبيع ويشتري فا الطيور كان يأخذ مكسبه فا الطير مهما كان لو 100 ريال وكنت أقوله
ليش ما تصبر شوي يمكن يجيك فا الطير اكثير .... قالي (ربي أرزقني ورزق من بعدي ) يقول لازم تخلي لغيرك مجال من الرزق ....... والحمد الله من اسعد الناس
اسأل الله ان يرزقك ويعوضكـ طير ابرك منه

[ماجد الهلالي]

جزاك الله خير يالعجمي ويكثر من امثال خويك ومشكور على مرورك

[F J]

والله انا استغرب من هالاوادم



الواحد منا يخاف من الله يكذب كذبه عادية ما تودي ولا تجيب


وهذولي يكذبون عشان يكسبون فلوس !

كذب ومال حرام


اعوذ بالله من غضبه


الله يخلف عليك


واما الكروان يدبغ الحر هذي فضيحة


والله يعوض عليك

[ماجد الهلالي]

مشكور يا f j على مرورك بعدين لا تقول كروان يدبغ حر هذا مو حر تفريخ يعني كومه ريش ههههههههههه

[القطاوي 2008]

لاحول و لا قوة إلا بالله ..

[برق برقان]

الله يخلفك شي أطيب منه وأرخص منه والله يكون في عونك

[بو هاشم]

الله يعوضك بللي اخير منه انشاء الله
والمومن لا يلدق من جحر مرتين
وهذا لا يحتسب من الصقارين الشرفاء
هذا دخيل على الصقاره يعني مبتلي الصقاره واهل الصقاره

[المان العرب]

لاحول و لا قوة إلا بالله ..

[الوافي4482]

مشكور والله يعوضك باحسن منه

[ماجد الهلالي]

مشكورين يا شباب على مروركم وما قصرتو جميعا وان شاء الله ما تشوفون الي شفناه