قضيه مهمه جدا واتمنى مشاركتم

[بـــن خــتروش]

السلام عليكم ورحمة الله وبركاته
اليوم اود ان اناقش قضيه مهمه تهم كل صقار وكل من يحب الصقور والطبيعه في بلاده او

خارج بلاده وللاسف قضيه وجددت تشجيع من كثير منا بالشراء والاغرب انه ثبت موضوعها

من ضمن المواضيع المهمه في هذه الخيمه ولا ادري ما هو السبب هل هو التحذير من هذه القضيه او انه سقط سهوا وارجو العذر منتدى مكشات منتدى يحافظ على الطبيعه

والموضوع واضح للجميع والقضيه هي جذب الصقور من اعشاشا ولن نعترض لو كان عقابا او

بذوار او طائر آخر يوجد بكثره وحاجته لشخص فقط لا تتكرر مثل الصقور وما هي النتيجه اخواني...

موت اكثر من 70% منها ولا اعلم كيف من يحب الصقور يعطي الحق لنفسه بأخذ الصقور من

اعشاشها وهي صغيره ولو افترضنا ان بعضها عاش فلن يكون بالمهارات التي يحتاجها الصقر

(البيور التربيه اذا ما كان مطير ماله قيمه فما رايك بالجبلي او الوكري)والتي ترفع الطلب عليه

عند الصقارين والله يرزق الجميع ولكن لوتركناها في ماكرها حتا تطير لو يومين والمعلوم انها

تبقى اسابيع قرب ماكرها بعد طيرانها الاول فسوف نبقي على فرص بقائها اكثر...ويعلم الله ان من اهم الاسباب في حبي للجير هو المحافظه على اعداد الطير الوحش في الطبيعه ولهذه القضيه

سلبيات كثيره وسوف اتركها لكم اخواني للمشاركه في هذا الموضوع
ارجوا من الجميع ان يشاركون في هذه القضيه
ربما هناك امور لم اطلع عليها انا وغيري ممن يعارضون جذب الطيور من اعشاشها واتقبل كل الآراء من اخواني

والمعذره من الجميع

[قلب ذيب]

ارحب يابن حتروش .
( جذب الطيور من اعشاشها ) موضوع مميز وهام , لكن السؤال المطروح ,هل هناك طيور تجذب او تؤخذ من اعشاشها في الجزيره العربيه والخليج العربي في هذا الزمان ؟) هذا اذا كنت تقصد العشوش الطبيعيه , وليست العشوش التي تربى بها الطيور عند مربي طيور .
- - كما ذكرت (جني ) العش لايمكن ان يفلح في الصقاره والصيد حيث انه يفتقد من مقومات الطير مكتمل النمو الطيران الذي يتمتع به طير الوحش البري , واذا كان بيض الطير الوحش يقسمونها الصقاقير الى (النادر /اللزيز / والخشره ) اذا صحت التسميه ,ويختارون النادر واللزيز ويتركون الثالثه ! فما بالك بالذي ياخذهن جميعا ويربيهن ولايفرق بين النادر والفاشل منهن .
- - في عالم البحث عن المال ووجود سماسرة كل شي يعطي اولئك الناس الحق لانفسهم لجذب العش والسطو على بيض الوحش وتسويقه وكسب المال منه , قناعتي الراسخه بعدم اهلية (جني العش ) وهناك نظريه في الاقتصاد تقول (اتركه يعبر اتركه يمر ) والمقصود في ذلك البضائع --- ونحن نقول ( اتركه ينمو اتركه يطير ) .

[abu hlal]

موضوع مهم......يحتاج وقفه صارمه من هيئه الحياة الفطريه

لكن اغلب الممتهنبن للشغله لايهمهم الا الماده....ولا يعرفون من الصقارة الا الاسم!!!!!!!!!!!!!



مشكور على الموضوع

[طيرحوران]

حياك الله بن ختروش
وجلب العش لا يوجد به اي من الإيجابيات سو الطمع الزائد
وطيور جلب العش واضحه تمام الوضوح وخاصه بعد صقارتها
ولكن بالنسبه لنا في المملكة العربيه توجد مواكر ومعروفه اهلها يعني مايطرح طيور هالمواكر إلا اهلها المعروفين في نفس منطقتهم
ولكن أحيانا المتطفلين يحاولون الأعتداء على الفروخ وهي بأعشاشها للمحاوله في سرقها ويصعب على اهل الماكر مراقبة الموقع اربع وعشرين ساعه
فعندما يأتون للمكان ويشوفون اثاري او سمعو بأحد في تلك المنطقه تبداء زيارتهم لها بإستمرار وأحيانا يضطرون لأخذها من أعشاشها بسبب ذلك
ولو لم يوجد مثل تلك المتطفلين لتركوها حتى تطير ثم طرحوها بشبك حالها حال الوحوش
تكون قد تعلمت على الطيران والمراوغه والصيد
ودائما هذه طريقتهم بها
هذا ما احببت ان اشارك به
والله يعطيك العافيه
والسلام

[أبو رداد]

وعليكم السلام ورحمة الله وبركاته

الله يحيك يابو مطر
(جلب العش) من طرق صيد الصقور عند العرب قديما
ولكن له اصوله ونظمه ...
ومعظم الي كانوا يجلبون الصقور من العش
لايجلبوبها الا بعد نمو ريش الحلال
ويكون الطير مكتمل النمو
وماتبقى من العلوم يعلمها الصقار لطيره
(مثلها مثل الطيور المفرخه والمهجنه)
وكان هناك نظام لملكية عش الصقر او المصقره
وسبق وان طرح هذا الموضوع
ملكية عش الصقر (الماكر) ... شرعا وعرفا (http://www.mekshat.com/vb/showthread.php?t=79832)
وقد ضعفت هذه الانظمه في وقتنا هذا والله المستعان
من ماادى الى فوضى وتصرفات خاطئه
نحن هنا في مكشات ننتقدها ونرفضها جملة وتفصيلا
,,,
اما الموضوع المثبت
فيبدو لي انك لم تطلع عليه بشكل صحيح ...
وانا هنا لست بصدد الدفاع عن الاخ والزميل ابو عايد
لان النظام يسري علينا جميعا بدون استثناء
النيه كانت متابعة ماكر ...
يعني التقاط الصور لمراحل نمو الطير في الخلا ...
ولكن اتى من خرب علينا هذه المتعه ...
فتحول الموضوع الى متابعة نمو افراخ وحاشه
وهذا مااجبرنا عليه ..
وهذا نص من كلام ابو عايد في موضوعه المثبت

هذه فروخ طيرتي غدة مني في نصف الموسم وراح ربعي يشيكون على المواكير شافو الطيرة بسبقها يوم دربلو لقوها طيرتي ومعها فروخها الثلاثه وجاء واحد وراهم وخذاها وجبناها بطريقتنا الخاصة
والسلام

[طير طاير]

وعليكم السلام ورحمة الله وبركاته


حياك الله بن ختروش



أنا معك بلي قلت وزينة الشي لا خليته على طبيعته وأكيد لله في ذلك حكمه
ويمكن أتفق أنا وياك والثاني والثالث لا كن أكيد أن فيه هناك من لا يتفق معنا


والموضوع مهم ولكن صعب أنك تطبق المنع إلا عن طريق جهات مختصه والجهات المختصه (( الله بالخير))


وتقبل مروري،،،

[النـادر]

جني العش مابه خير

والغرض من وراءه الطمع فقط

ياليت لو نظمت عملية القرنسه على سبيل المثال لايمكن للصقار من تقييض اكثر من طيرين

ووجدت مراكز لاعادة توطين الباقي في مناطق تكاثرها لكان ذلك اجدى واروع

[بـــن خــتروش]

مرحبا ياقلب ذيب وتسلم على المرور وانا معاك اقول اتركوه ينمو

هلابك يابو هلا نبا نسمع رايك بتفصيل اكثر

طير حوران تسلم على المرور ولكن ياخوي اخذ الطيور من اعشاشها ليس حلا لمشكلة المتطفلين ولابد من حل آخر

بورداد هلابك ياخوي يعلم الله اني احبكم في الله انتوا يالمشرفين لبذلكم جهود كثيره في هذا المنتدى دون اي مقابل ولسمعتكم ةالطيبه واكن لك الاحترام انته واخي ابو عايد وياخي تحملونا شوي.
بالنسبه لملكية الماكر عاده وفكره جيده ولكن الان زاد عدد الصقاقير والنسبه مافيها اي تكافوء مع عدد الصقور اما بالنسه لاطلاعي على موضوع ماكر طير فالموضع انتها بموت الفروخ الصغيره وجلب 3 صقور اخرى وهي من ماكر ايضا بغض النظر عن الاسباب وانا في صدد معالجة المشكله وليس الموضوع المثبت ولكنه كان بمثابة دليل على حصول هذه المشكله(جذب الصقور الصغيره)وانا اتمنى ان تكون المتابعه من الماكر نفسه دون ازعاج الصقور او متابعة التفريخ الخاص كما هو في الرطبه وفي منطة حائل والقصد هو المحافظه على تكاثر الصقور وارجو العذر يابوعايد لاطلاعي السريع على الموظوع دون التركيز على الاسباب وشكرا بورداد على التوضيح

طير طاير مرحبا ملايين ياخوي انا وانته واللي معانا انشالله نحاول نحافظ على الطبيعه بالنصح والتوعيه وانشالله نوصل الي التغيير ولو تغيير البعض

نادر الجبيل الله حيه تسلم على المرور وفكره جيده التبرع بالصقور نفس مشروع زايد الله يرحمه

[قرناس وحش]

موضوع حساس تشكر عليه اخوي بن ختروش,
ما أثارك هو حسك العالي.




قبل يمكن الناس معذورين بجذب الطيور من اعشاشها,
قبل الواحد يبي طير يذبح بس,
اما تالي ماظن له لزوم جذب العش,
تالي تبي لك طير مو بس طاير وصايد بكفه بالخلا
,الا ماخذ دورات مكثفه بالطيران والمراوغه وحتى القفز بالمظلات بعد هههههههههههههههههههههههه,
يمكن اكثرنا شايف الطيورجني العش اللي تجي من برا تالي,
طيور لالقيتها بالسوق, قلت بس هذا طيري
ولا قردك الله وحطيته معك بالسياره وصار يطلع معك للمدعى كل عصريه,
تمنيته طير عدوك,ههههههههههههههه
طيور مزعجه ,ماتعرف تطير زين, ولا تتعلم,و,وووو.....



وأخيرا,جزيل الشكر للأخ ابورداد على التوضيح.



.

[الطبشي]

الله يبا رك فيك على الموضوع الجميل000 والاخوان ماقصرو ماخلو شي نقوله

[نايف الخالدي]

والله موضوع مهم
وهاذا من طيبك وخوفك على هالطيور من الاشياء الي تضرها
وبيض الله وجهك

[المان العرب]

الله يبا رك فيك على الموضوع الجميل000 والاخوان ماقصرو ماخلو شي نقوله
ايه ماخلونا نقول شي الله لا يهينهم على كل حال :)

[عين الداب]

ايه ماخلونا نقول شي الله لا يهينهم على كل حال :)
مثل ماقالو الاخوان ماقصرو

[بو هاشم]

الله يجزاك خير على الموضوع المهم
ونشاء الله الربع الي كانو يشلون الفرخ من عشوشها
راح يتركون هذي الشغله
وطرح الطيور احسن واونس
الله يعطيك العافيه

[محمد الفهيد]

الله يبيض وجهك على اهتمامك يابن ختروش ، لكن وين الي يعتبر
الطيور جني العش مشكله خطيره وعلى فكره تثبت الدراسه ان ام الفروخ نادرا ماتنتج بعدها ابداا من قهرها.

تقبل مروري

[البحري ولبري]

.............. لا نعليق.............

[بـــن خــتروش]

الله حي الربع كلن بأسمه....وتسلمون على المرور
اخواني اتمنى ان نوضح السلبيات والإيجابيات التي تقع على الصقور والصقار والسوق من خلال هذا الموضوع كما اشار بعض الاخوان مثل قرناس وحش و محمد فهيد
واتمنى المزيد من الآراء من اخواني في المنتدى

[hawwamT]

كلام 100 % نسبة فوق

[افزعواله]

أخوي بن ختروش........ما يجني العش الا اللي عزومه لينه....مايقدر يباريهاوهي حره طليقه....مثل ذباّح المكتّف........المعذره ياهل مكشات

[أبو فهد العيد]

بيض الله وجهك على الموضوع...

[القرناس المهاجر]

اخي .. بن ختروش .. ليس هناك إيجابيه في جني الفروخ من العش :no2:
صحيح ان الجني معروف من قديم الزمان لكن بنسبة 1% وفي مواكر قريبة وسهلة .. اما في وقتنا الحاضر فأصبح جني العش بنسبة 85% وفي اصعب الموقع .. وبحيل مبتكره وعصرية .. وهذي هي المصيبة الكبرى على الجاني والمجني والشاري

فالفروخ لم تتقن مهارة الطيران والمراوغه وفن الصيد وذبح الطرائد .. وكيفية افتكاك العلف من الطيور بالجوا.. وحسب علمي إن الفروخ أول ماتطير ماتهد على الحمام :no2: ولاحتى على القميريه وماتعرفعها ولاتدري كيف تسوي بها ..لآنها تعتمد على والديها .. وللأسف يطرحونها على أمور بسيطه جداً ومضحكه :D لآاريد ذكرها حفاضاً على هذه الفروخ المسكينه :(

والمفاجئ .. والمحزن أنه في حالة جني الفروخ وهي لم تكتسي بالريش فإن الوالدين يهجرون الماكر نهائياً :mad:

بالنسبة للسلبيات .. فهي كثيرة ومنها مايلي :-
1- الصيحه .. وهي ناتجه عن الرعب المبكر.. والإرتباط المباشر بمن يطعمه :confused:
2- قلة الخبرة في التعامل مع الطرائد .. فتجده يذبح الحمامة من قفاها:D
3- يقل فعل اغلبها لعدم الشراسة ومباشرة الذبح والطرد
4- يرمي نفسه على كل المخاطر دون حساب للعواقب .. ومع اول صدمه عنيفه يبدأ بالخوف والتردد :j ويقل فعله

5- ضعف الريش وتكسره مبكراً .. بعكس الفرخ الذي مارس الطيران بكثرة .. وصقلته الشمس والريح :good:

ارجوا معذرتي على الإطالة .. وشكراً:good:

اخوكم .. القرناس المهاجر .. المجيرمة

[ذراع الذيب]

الله يعطيك العافيه..وموضوع مهم..كثر الله امتالك......

[صارووم]

مشكور يابن ختروش .. موضوع مهم وعلى الجرح بالضبط

[بيضا القاع]

مشكوررررررررررر اخوي وما قصرت على الموضوع والاخوان ما قصروا بالردرد ولكن اخذ الفروخ من اعشاشها مرات لها فوائد بحيث ان الصقر ما يجيب الى 2 او 3 بالكثير وما يعيش الى 1 او 2 لان الفرخ الاضخم ما يخلي شي للفروخ وتموت وفي بعض المختصين يتابعون الفروخ والي يشوفه هزيل ولا يحصل شي من والديه يشلونه ويقومون بياواءه ولكن اخذ اكثر من واحد فهو حرام

[جارح العين]

بيض الله وجهك

[قرناس ارامكو]

الله يجزاك خير على الموضوع المهم

[KAYD]

الله يعطيك العافية وما أثرت هذا الموضوع الا للنصح والفائدة أكيد
والله يهديهم بعض الصقاقير الي يجنون الفروخ من أعشاشها
الله يجزاك ألف خير
تحياتي

[الزعـبي]

الله لا يهينك يا بن ختروش موضوع في الصميم ...

[ولد الجنوب]

الله يبيض وجيهكم اجمعين على ها الاراء الاكثر من رائعه وكفيتوا ووفيتــــوا

[الشقب1]

مشكور على الموضوع الهادف ...

[عا سبيل بر]

جزاك الله خير

والله أن الموضوع مهم جداً جداً جداً

[سعود2003]

بيض الله وجهك على هاالموضوع
وانا قبل فتره تقريبا شهرين كلمني رجال وقال لي ان عنده فروخ جبليات
واستغربت قلت بدري ما امداها تطير او تهد قال لي انه ما بعد طلع لها ريش
وانه جابها من العش ..... وانا والله زعلت عليه ونصحته والله الهادي
وجزاك الله خير على الموضوع الحساس