الفروخ ...بكرت السنه...ولا هذا وقتها!!؟؟

[abu hlal]

السلام عليكم

ماادري الفروخ ...بكرت السنه...ولا هذا وقتها...لان واحد من الربع قبل اسبوعين حصل وكري فرخ مع فلبيني يشتغل في مشروع زراعي ماسكه له ثلاثة اسابيع ..على كلام الفلبيني!!

خوينا شرى الطير من الفلبيني ..على شان يتوجر فيه ......

على كذا الفروخ لها اكثر من شهر من طارت!!!

السؤال : الصقور تفرخ في نفس الوقت؟؟ ولا الوكارا غير!!!!!!!!!!!!!!!!!!

[قلب ذيب]

الله يحييك .
في الابل هناك ( حوار هبع , وحوار ربع ) والمقصود في حوار الهبع هو الحوار المولود في الصيف , اما حوار الربع فهو الحوار المولود في الربيع .
- - وفيما يتعلق بالطيور فعلى خبري هناك الطيور التركيه التي يكتمل نموها في نهاية الربيع , ويجلبونها اخواننا في رحيبة الشام , ويربطونها الى وقت الصفري اي بداية موسم تداول الصقور في المنطقه العربيه , وبعضها جيد لكن البعض بارد !! وفيما يتعلق بطير الفلبيني ربما يكون فرخ ماحذف ريشه نتيجة اصابته بمرض لأن هجره الطيور في ظهور الثريا مستحيله , ولم تذكر لنا اين طرح الطير ؟ اذا كان قريب من سواحل البحر والجبال خاصه شمال غرب تبول فربما يكون ذلك طير تائه وليس عابر .

[abu hlal]

مشكور ابوماجد على المداخله

بالنسبه للطير وكري.....يمكن انك ما انتبهت!

الطير مطروح................في السهباء( حرض ) وفرخ السنه مايحتاج

[نبع الدموع]

نفس سؤال اخوي ابو هلال اشوف البواكير نزلت بدري هالسنة
يتورالي انهم جايبينها جلب عش و حتى جلب العش باقي علية
خصوصا بالكميات الي نزلت في المنتدى و درينا عنها و الي ما
درينا عنة اعظم.
اخوي ابو ماجد الطيور طيور الديرة ماهن عابرات ولا هان العلم.

[ولد الجنوب]

ياخوي الاخوان عندنا بالجنوب هالأيام طارحين فروخ وكارى وجبليات وكلها فروخ هالسنه

[عـــرادي]

الله العالم ، بس اتوقع هذه طيور ديارنا الوكارى والشياهين لأنها مطيره من زمااااااان

[ابرق العزاف]

المهم ان طلوع الجوزاء اول الطيور وهالسنه طلوع الثريا
وش الحاصل؟؟؟؟؟؟
لا يكون الاحتباس الحراري :d

[القرناس المهاجر]

التعشيش في وقته والفروخ في وقتها لكن الطرح في غير وقته .. كيف ؟؟

قديماً : كان الفرخ بعد خروجه من العش يبقى حول الماكر ويتعلم من امه وابوه فنون الصيد والطيران لمة 45 يوم ، بعدها يبدأ الهجرة إلى المناطق المنخفضه كالأودية والهضاب والسواحل :)

اما الآن : فبمجرد خروجه من العش اول منظر يشاهده هو الإنسان الذي يتودد إليه ويقدم له الطعام قبل والديه؟؟ فيمسكونه وهو مايعرف وش السـالفه :D بل إن بعض الاخوان هداهم الله يأخذون من عشه وهو لحمه بدون ريش :mad: وهذا يجعل الأم في الغالب تغادر المنطقه نهائياً :rolleyes:

اخوكم .. القرناس المهاجر .. المجيرمة

[الطبشي]

السلام عليكم ورحمه الله 0000فروخ الجنوب في السعوديه طارت الوكارى والشواهين الجبليه 0000قبل سنتين في مطلع شهر 7 افرنجي شايف فروخ وكارى في سوق الخوبه في جيزان

[أبو فيصل]

هذا يابو هلال من فروخ نجد أوالحجاز و تطير مع فروخ الشرقيه يوم عاد به فروخ ذاكلحين قبل ما تنقطع من المواكر

المراد مثل ما قال القرناس المهاجر (خبير فروخ ما شاء الله) أنها تعيش حول العش حوالي الشهر (زايد-ناقص)وكل ما قنصت أمها ولاّ حامت راحو معها والأم تهاجر قبل الكنّه و بعض الفروخ النشيط يخاويها حادر بين الشرق و الشمال من دياره ومن التعب و الجوع يحتد على المزارع و مناقع الماء و يضعف من قل العيشه ولعاد يقدر يكمل الهجره وبعضها يواصل لين يشوف البحر ثم يخفف و يوقع لين أمّا تجيه جنوبيه قويّه يقدر يحوم فيها و يعبر ولاّ يصيدونه أهل راس تنوره أن كانه سلم من اللي في مشاريع حرض!!!

[عين الداب]

يفيدونك الاخوان وما قصرو

[بو هاشم]

الله يجيبها نويها نيه هالموسم

[المان العرب]

السلام عليكم ورحمه الله 0000فروخ الجنوب في السعوديه طارت الوكارى والشواهين الجبليه 0000قبل سنتين في مطلع شهر 7 افرنجي شايف فروخ وكارى في سوق الخوبه في جيزان
صحيح وفي الرياض بعد موجوده

[البحري ولبري]

كلشي جايز...........