المطارة

[swwaa7]

بعد التحية العطرة للجميع
انا شريت مطارة وقيل لي نقعها بما عشان ما تخرخر ونقعتها اسبوع لكن الخرخره ما نقصت .
ابي من اهل المعرفة يقولون لي وش الحل
وهي من وارد السنيدي

[بارود برنو]

بعد التحية العطرة للجميع
انا شريت مطارة وقيل لي نقعها بما عشان ما تخرخر ونقعتها اسبوع لكن الخرخره ما نقصت .
ابي من اهل المعرفة يقولون لي وش الحل
وهي من وارد السنيدي








اخوي خذ المطاره وروح لقرب محل خياطه


وخله يخيطها لك مع الاطراف ويكرر الخياطه عليها 4 مرات ......وبالمره غير حزامها بحزام خفيف على الكتف حتى يسهل حملها بالضلع .....وعبها ماء بالملح وخلها يوم اذا فيها تهريب يروح


موفق خير

[الحثاقي]

الاخ سواح ابعد عن وارد السنيدي واشتر لك مطارة وارد الهدلق الكويتيه


ونقعها في الماء لمدة اسبوعين وبإذن الله ما عاد تخر

[سوبر152]

عبها ماء معه شوي طين ناعم جدا كأنه ماء سيل من الشعيب مرتين مع الرجرجة وتشوف الفرق

[swwaa7]

شكرا للمرور والافادة وبارك الله فيكم اشهد انكم نشاما
ماقصرتم

[معانق]

هلا بك اخوي سواح ..


نقعها اكثر من اسبوووع .. لو يحصل تخليها شهر أزين لها ..

لكن . انتبه تحط معها ملح . تراه يسدد الفتحات اللي فيها ولاتبرد بعدين . يعني ماتصير مطاره لا . تصير جيك ..!! لانه يبي يقل التبريد فيها بنسبة 80 % .. اسأل مجرب ..

عموما اخوي .. ترى وارد السنيدي مايمدحونها الربع .. لو تحصل الهدلق الاصليه ,, او خذ وارد اللهيبي .. تراها حليوه ..


دمت بود

[ابوتلين]

السلام عليكم
انا انصحك تمر على العطار وتاخذ من عنده ورق ارطى حق الحطب وتحطه فيها لمدة كم يوم

[فلان بن عفتان]

الحل ادهن مكان التهريب بالزيت

[عصا الترحال]

جزاكم الله خير جميعا
أنا عندي مطارة وارد الهدلق وتخر جديدة
أبصلح اللي قلتو علها تزين