تنبيه

[م_شاهين]

موسم الراجبه بدأ (انتبهو) ياشباب اللي يطلعو بحر بالقارب من السوده الى الغاله ومن لديه خبره يدلنا كيف نعمل

[صاحب الجردي]

وش هذي الراجبه ريح ولا ايش؟ و الغاله فين مكانها؟

لو شرحت الى تتكلم عنه بشويه تفاصيل يكون موضوعك ونصيحتك بفائدة اكبر.

[بدر الزمان]

ما فهمنا قصدك بالراجبه ؟ وبالنسبه للغالة منطقة مطلة على البحر بعد مركز مجيرمة وانت متجه للجنوب وتعتبر قبل منطقة الليث ( هذا إجابة على استفسار أخونا صاحب الجردي )... وننتظر شرح للراجبه

[jeedawi]

راجبة ويش هذا

[بدر الزمان]

هذه تكمله لأخونا م-شاهين ( الراجبه هي موجات عاليه قد تصل الى 10 متر في الخضارات وتكون متتاليه تأتي من السودان طيلة اليوم . تكون خطيره على القوارب وتستمر فترة الراجبه حوالي الشهر والنصف نرجو النصح لمن يعرفها أو شاهدها داخل البحر...)

[صاحب الجردي]

اها.....دحين اتضحت الصورة....والله هذي شكلها تخوف......وفي الخضارات بعد؟

بس السؤال ليه قلت من السودة الى الغاله؟ يعني ماتجي الشعيبه مثلا ولا الطفية ولا جده؟ ولا فوق؟ والمنطقة هذي كيف الذرا فيها؟

و10 متر ترى موج جدا عالي......


على فكرة أنا قرأت زمان في موقع ناسا (وفي تصوير له) انه في نوع من الموج القاري يتكون بسبب المد بين مصر والسعودية ويكون كبير وإستثنائي وماله علاقة بإتجاه الهوا......ويجي فترة في السنه..

[صاحب الجردي]

هذا رابط ناسا للموج الى قلت عليه:

http://visibleearth.nasa.gov/view_rec.php?id=5805

[معليش؛]

بصراحة ياشباب خوفتونا نبغى نطلع بمشئية الله يوم الخميس من جده القطع الصغير ينفع والا لا؟؟؟