هالطير لحوق وإلا سبوق ؟؟؟

[خط المقناص]

السلام عليكم ،،،

البارحة كنا نسولف بهالموضوع ،، وحبت نشارك المنتدى والكل يدلي بدلوه ،،


اكيد انكم حضرتو شفتو مهاد على حباري وطبعا شفتو السبوق اللحوق والسبوق الفارط ،،،،،

واكيد عرض عليكم طيور مشروطة السبق بس ما تلحق


وش المهد للي شفتو وقلتو عزالله طير لحوق ،،،،،،
أو قلتو عز الله طير سبوق ،،،،،،،،
او ماشالله سبوق ولحوق ،،،،،،،،
،،،،،،،،،،،،،،،،،،،،،،،،،،،،،،،،،،، نختلف احيانا في الحكم على الثنتين من مهد لمهد البعض يقول سبوق وغيره يقول لحاق
اتوقع الكل منا له وجهة نظر
ودنا نعرف وشلون يقيس بعضنا او يحكم على الطير بالسبق واللحق
وهل كل طير سبوق لحوق ؟؟

[النـادر]

بسم الله الرحمن الرحيم

اولا اخي الدعوة ماهي كبيره تتهاوشون عليها ياصقاقير ههههههههه

طبعا كثير من الناس يخلط بين السبق واللحق

السبق هو سرعة ضرب الجناح وقطع المسافه

واللحق هو السبق والعزم فالطرد حتى لو الحبارى مرتفعه جدا وعقب طير

عشان كذا نقول ماكل طير سبوق لحاق لكن الاكيد ان كل طير لحاق سبوق

ولاحد يخلط بين اللحق والتلب

التلاب هو اللي يرتفع مع الصيده لكن يروح طرده تسبير لها لين ترخي او توقع وبعدين يحول هذا يسمى عزوم وتلاب

وسلامتك

[الزعـبي]

ما قصر نادر الجبيل عطاك العلم ...

[خط المقناص]

تسلم ياخو نادر الجبيل
والله يعطيك العافيه

كلام سليم وبيض الله وجهك

وفقنا الله بخرب سبوق في احد المواسم والربع يقصونه طار من بعد 500 متر وقام يرقى وتاخر راعي المهد
والطير عز الله سبوق ،، والله عزم الخرب واقفى على رقي وقطع له حدود الكيلو وزود ،، اخيرا الطير على يد الرجال شاف الخرب وهد والله ما سقنا معه يجي 2 كيلو ونص المهم وصله وورد عليه واخذ منه ريش ، راغ الخرب عنه يجي له 50 متر لكن الطير عجز يلحقه ( طفى ) ،،، تخيل تقريبا كيلوين والطير من مهده لين ورد عليه وهو كارب جناحه ،، بس عجز عنه
وهذا دليل انه ماهوب كل طير سبوق يلحق ،،،،،

[قنيص غبر]

تسلم على الموضوع الجميل اخوي ..

كلام اخوي نادر الجبيل في محله ..

مب كل طير سريع وسبوق لحوق !! ومب كل طير لحوق سريع !! وهالخاصيه فالجرانيس المتمرسه فالصيد .. اتلاقي جناحه حلو لكن مب سبق يذهل . لكن ياخذ درية الحبارى ويجيلها من فوق لين مايعلقها ..

اذكر مره عندي طير جير .. وكنا في مقناص و واحد من الربع هذ على حباري . وكان طيره مب ذاك الزود توه فرخ ويريد يعلمه . فطلبها الطير ولما كوبرت الحبارى خاف الطير وطار وحل على مكان مرتفع . لما تحركنا صوب الطير طارت الحبارى ولما شافها الطير عزم وراها بس بدون نفس . فجأه الطير ضرب حوم ..
وطيري كان له هدد من قريب ومغداي غدى خفيف ... والطير مسبق ومبرقع فطلبو الجماعه اني اهد الطير .
فخذو التلواح ورماوه للطير اللي يحوم . ولين ماجا الطير الحبارى عدة الكيلوين . وكانت المنطقه سهل تروم اتشوف ساعة خويك ويش نوعها من بعد كيلو ( تشبيه بمدى وضوح الجو) اترددت اول الامر لكن قلت على الله انشالله . والطير لما طلب الحبارى حط زوره فالارض وغدا يجفت جناحه جفت .. كلها دقيقه اللا والجماعه ينادون فالجهاز الناموس ..
هذا اللحظه جاني واحد من الربع وهمس في اذني ,, قالي طيرك لحوق .. ولو طار فالعالي وجهد ماعنده يمكن اتروح عليه الحبارى ..

فالمسا جلسنا نناقش الموضوع فكانت الخلاصه بان اللحق يريدله فن وخبره اكثر عن السرعه ..

وسلامتكم

[أبو فهد العيد]

تسلم على الموضوع الجميل اخوي ..
فكانت الخلاصه بان اللحق يريدله فن وخبره اكثر عن السرعه ..

وسلامتكم
كلام سليم..
وماقصرت ااخوي خط المقناص..

[معديان]

عزالله ان طرح الموضوع بالمقص يعطيك العافيه اخوي طرح المقناص

[وقاااااد]

انا اشوف ان السبق بدون صمله مايسوى شي
الطير الصامل اهم شي حتى ولو سبقى اقل شوي

[المان العرب]

انا اشوف ان السبق بدون صمله مايسوى شي
الطير الصامل اهم شي حتى ولو سبقى اقل شوي
كلام صحيح :good: :good: :good:

[بو هاشم]

ما قصر اخوي نادر الجبيل
وبيض الله وجهك على الموضوع

[سنافي نجد]

انا اشوف ان السبق بدون صمله مايسوى شي
الطير الصامل اهم شي حتى ولو سبقى اقل شوي



صح لسانك




..

[الطبشي]

ماقصرو الاخوان 0000000

[قرناس ارامكو]

بسم الله الرحمن الرحيم

اولا اخي الدعوة ماهي كبيره تتهاوشون عليها ياصقاقير ههههههههه

طبعا كثير من الناس يخلط بين السبق واللحق

السبق هو سرعة ضرب الجناح وقطع المسافه

واللحق هو السبق والعزم فالطرد حتى لو الحبارى مرتفعه جدا وعقب طير

عشان كذا نقول ماكل طير سبوق لحاق لكن الاكيد ان كل طير لحاق سبوق

ولاحد يخلط بين اللحق والتلب

التلاب هو اللي يرتفع مع الصيده لكن يروح طرده تسبير لها لين ترخي او توقع وبعدين يحول هذا يسمى عزوم وتلاب

وسلامتك

ما قصر نادر الجبيل عطاك الفرق والوصف الواضح بين الطيرين

[همام5]

عطاك الجواب اخوك النادر وبيض الله وجهه وجهك
اخوكم همام5
:good:

[جارح العين]

كفو وفو الاخوان

[جو الشيخ]

السلام عليكم ورحمه الله وبركاته....اتوقع ان مقاس سرعه الطير بسرعه وصوله لصيده ويقال عنه سبوق ....اما الطير اللحاق ماينقاس اللا بالحبارى المرتفعه عقب طير وصامله وري كذا طير وماطلب اللهدد من ارتفاع الحبارى يبن لحق الطير للحباري ويقال عنه لحاق للحباري المدابير .

[طيرالحمــــاد]

بسم الله الرحمن الرحيم

اولا اخي الدعوة ماهي كبيره تتهاوشون عليها ياصقاقير ههههههههه

طبعا كثير من الناس يخلط بين السبق واللحق

السبق هو سرعة ضرب الجناح وقطع المسافه

واللحق هو السبق والعزم فالطرد حتى لو الحبارى مرتفعه جدا وعقب طير

عشان كذا نقول ماكل طير سبوق لحاق لكن الاكيد ان كل طير لحاق سبوق

ولاحد يخلط بين اللحق والتلب

التلاب هو اللي يرتفع مع الصيده لكن يروح طرده تسبير لها لين ترخي او توقع وبعدين يحول هذا يسمى عزوم وتلاب

وسلامتك


كـــــــــــــــــلام صحيح وانا معك بالري

[طارق الحربي]

ماقصروا اللي اخبر مني لكن انا رأيي

ان اللحق هو الصمله ورا الصيده والسبق هو سرعه ضرب الجناح وسرعه الطير

[مفخرة الارض 0666]

الطير اللحوق والسبوق اغلب الاحيان يغدي من راعيه

[أبو رداد]

انا رأيي ان اللحق هو الصمله ورا الصيده والسبق هو سرعه ضرب الجناح وسرعه الطير
:good: :good: :good:
اتفق مع اخي طارق
والطير السبوق دائما يكون صيده شوف العين ومايحتاج جهاز
وتهجس صيدته فيها بلا وماتقدر تطير هههههههه
من بلا جناحه والله

[عـــرادي]

الطير السبوق = طياره طيب بس يمكن تروح عليه الصيده
الطير لحوق = يعني ما تروح حباره عليه
الطير الفارط = مايروح شي عليه أبد وماتستمتع بهدده إلا في الصيده المرتفعه والبعيده فقط

مع كل الود
عرادي