ممكن يالربع وين اصل هذا الوعل ؟

[القصيلي911]

مرحباا
شحالكم
يالربع عندنا فالعزبة وعل ولاكن ماهو مثل وعول الجزيرة العربية
شكلة مختلف ممكن تقولون لي اصله وين ..؟

اضغط ع الصورة للتكبير

http://up5.m5zn.com/photos/00010/q2r9osbvp39g_th.jpg (http://up5.m5zn.com/photos/00010/q2r9osbvp39g.jpg)

http://up5.m5zn.com/photos/00010/na21x3ln96ge_th.jpg (http://up5.m5zn.com/photos/00010/na21x3ln96ge.jpg)

[الشنه]

الصوره صغيره
بس شكله امريكي
ياليت تنزل صوره كبيره

[القصيلي911]

اضغط ع الصور تكبر

[الخديوى]

سلام عليك ياخوى تراه ما هو بوعل هذا الله يسلمك خروف بس جبلى وودك تحطه مع الضان يمكن يغلط ويسويها ويرزقكم الله شى يهول العقل من انتاجه.بالتوفيق

[القصيلي911]

حاطينه مع العمانيات وملقحهم

[الشنه]

لا زلت عند كلامي
وهو وعل امريكي
من فصيلة الماعز الجبلي


عساه يضرب المعزا بس
والصخال تطلع على ابوها

[جارح العين]

انشاء الله مايقصرون الاخوان

[الغدير]

خذ الكلام الصحيح:good:
الوعول سلالات وهذا الوعل يشبه الامريكي ولكنه باكستاني
واخوي عنه نفس الفصيلة ومربيهم من فترة ومهتم جدا بهذا النوع بسبب جماله :D
واذا انك حصلت الانثى فهي الكنز (مثل الفرس)والاصاله مهمه ;) والتخلط سيء ولكنه في حالتك شي جديد وننتظر النتايج وبحاول انزل لك كم صورة وامهلني لين القاهم في الهارديسك

[بيضا القاع]

مشكور بس وين محصله وياليت تفيدني لاني ابي واحد بس ما اظن العنز بتولد لان بويضه العنز تختلف عن بويضه الشاه وخاصه انه ماعز عماني يعني حجمه صغير جرب تحط معاهن غزال لاني سمعت واظنها اشاعه ان في احد اصحاب الحلال بقطر عنده مزرعه وعمال يتابعون اول باول ونجحت التجربه والله العالم ولكن بتقدير الله كل شئ يصير وان شاء الله تنجح تجربتك والله يوفقك

[القصيلي911]

تسلموون ياطيبين
لا العمانيات دوافع وبطونهم ماشاءالله
وان شاءالله
انها تنفع
والاناث موجودة
بخصوص اخوي ذيب النقيان
ينباعون في محمية الدوسري
^_^

[الغدير]

اخوي العزيز بعد عرض الصورة على اخوي بين لي ان الظاهر انه من احدى( او خلط ) الفصائل الي في باكستان وهي 4 فصائل
وهذا النوع قريب جدا من الي عنده ولكن ينقصني اذا كان ممكن صور اخرى

وللتوضيح انه يسمى بالانجليزي( شيب )اي خروف وطبعا الصوت صوت خروف اما الشكل فقريب جدا من الماعز وهذا الي نسميه ماعز الجبال



http://www.mekshat.com/pix/upload02/images73/mk26213_dsc05090www.jpg

لاحظ ان الذقن والصدر نفس النوعية ولكن الارجل الي عندك زايد بياضهم
وعسى الله يوفقك

[ابوحماد]

هل يوجد مزرعه مخصصه لبيع الوعول

[بيضا القاع]

مشكوررررر اخوي القصيلي وما قصرت

[القصيلي911]

يعطيكم العااافية
يالربع

[واقعي]

اخوي اذا انت ناوي تنتج فالافضل تجيب لة انثى من نفس النوع مهما كان سعرها لأن الذكر اللي عندك يلقح وما راح تخسر راح تعوضها من بيع الانتاج . لكن خلط الفصائل والانواع ما منة فايدة خسارة وقت وجهد ومال وبما انك توك تجرب فماراح تهتم للشي هذا الحين بس بعدين بتعرف الفرق .نقاء واصالة اي نوع من الحيوانات يساعد في مقاومتها ضد الامراض ومناعتها تكون قوية وايضا عدم تشوة المواليد اضافة لو بغيت تبيع منها السعر بيفرق كثير.

هذي نصيحتي لك وانا اخوك .

تحياتي واقعي