ما في أحد بالبيت !!!!!!!!!!

[أبوخالد وبس]

السلام عليكم ورحمة الله وبركاته

العنوان غريب صح ولا لأ

أقول ما في أحد بالبيت وودي أدخل المطبخ وأزين كبسة وما أعرف وش لون


في أحد بيفزع ولا لأ

وسلامتكم

والسلام عليكم ورحمة الله وبركاته

[أبو الحارث 4]

أبو خالد أقترح الآن تذهب للمطابخ وتتفرج على شغلهم هذا أفضل طريقة عملية للتعلم ولن يبخلوا عليك بكبسة تسد جوعتك.

[ابوعبدالهادي]

كبسة لحم والا دجاج 00 حط الكمبيوتر قدامك وخلك معي على الهواء مباشرة
ونعطيك الخطوات 00 وش تبي أكثر من كذا

[ابوعبدالهادي]

وينك يا أبو خالد والا بس تجربة أول موضوع
أذا طبخت أعطنا صورة الطبخة وبعدها نحكم على مهارتك

[عاشق السيل]

وعليكم السلام ورحمة الله وبركاته ،،

ماشاء الله على الشباب والله جاهزين بأي وقت الله يبيض وجيههم !!!

يالله علمنا وش تبي تطبخ بالضبط وكم عددكم ؟؟!!!

وأبشر باللي يسرك إما أنا وإلا واحد من هالذيابة ،،،،

[ابوقاسم]

الرجال فاضي وجيعان
قال اسأل يمكن الاقي من يجاوب
بس الظاهر ماله نية يكمل
راح ينام
تحياتي
وانا اشهد انكم ذيابة
الكل يبي يساعد بارك الله فيكم

[أمطار الخريف]

ابو خالد
احسن طبخه تلقها عند المطعم بصراحه
خذ نصف دجاجه ع الفحم بــ 12 ريال وانت مبسوط
بلأ طبخ بلاهم م م م م م م م م م
لانك بصراحه محتاج
طماطم ـ بصل ـ ماء ـ ........إلى اخره
والله يعينك على تقطيع البصل بصرااااااااحه:mad: :mad:

[أبوخالد وبس]

اعذروني يالربع

النت قفل بعد ما كتبت الموضوع هذا

وتوه مفتوح الحين الظاهر أن به مشكلة

وأشكركم على فزعتكم والله ما قصرتوا

المهم
الي صار أن النت قفل

وأنا جوعااااان مرررررررررررة

دخلت المطبخ وكان ودي أطبخ كبسة

لكن الي صار

إني فتحت الثلاجة

وحصلت













جبن وطماط وخبز

فأكلته وحمدت ربي على النعمة

وجزاكم الله خيرا

لكن توني أبغى أعرف وش لون أصلح كبسة دجاج

لأني أحب أطبخ والمشكلة أني ما أعرف أطبخ

وسلامتكم

[عاشق السيل]

أخاف أقعد أقولك الطريقة والمقادير وبعدين يقفل النت معك وتقعد المقادير بالشاشة وتخيس علينا !!!!!!


هههههههههههههههههههههههه

[يحيي بن حمد]

فيه كتاب ابلا نظيرة للطبخ

[الطبشي]

يفيدونك الاخوان انشاء الله

[أبوخالد وبس]

أخاف أقعد أقولك الطريقة والمقادير وبعدين يقفل النت معك وتقعد المقادير بالشاشة وتخيس علينا !!!!!!


هههههههههههههههههههههههه







والله ما قصرت يا عاشق السيل

واعذروني

لأني أدرس خارج السعودية وما في مطاعم أكلات سعودية

وأشكركم عل تفاعلكم معي

[قشاع الرمث]

السلام عليكم ورحمة الله وبركاته

الله يعينك والخيمه مليانه مواضيع طبخات .

[شحبار]

السلام عليكم
ابشر بالكبسه ان شاء الله
المكونات
الدجاج +بصل +ثوم +مسمار (قرنفل) +هيل +دارسين + بهارات ناعمه
اول شي تقلب الدجاج بالقدر مع البصل مقطع صغير والبهار الناعم حتى يخرج زفر الدجاج وتضع الثوم معه وبعد تقليب الدجاجه على جوانبها تضع الماء الساخن وتضع الهيل والمسمار والدارسين والملح حسب الكميه اذا القدر العادي خلها تطبخ 45 دقيقه واذا جدر الضغط 25 دقيقه
وبعدها ترفع الدجاج وتضع الرز اقل من الماء بمقدار 2 سانتيمتر حتي يجف الماء واقصر على النار وان شاء الله تضبط معاك الكبسه

[أبوخالد وبس]

تسلم يا شحبار

والله ما قصرت

[اماراتي بطران]

الله يصلحك يوم شفت ما في احد في البيت قضيت على كل

الاكل اللي كان في الثلاجة :D وان رجعوا الاهل ما غير

يغسلون شراعك :) :) عموما مشكور يا اخ العرب:rolleyes:

[عاشق السيل]

وإذا بغيتها مكرونة :

قطع الدجاج قطع صغيرة واطبخها مع بصل وطماطم مقطعة وشوي بهارات وحبة ماجي وملح وليمونة سوداء وخلها على النار القوية لمدة نصف ساعة وبعدين كب عليها المكرونة وبطاطس مقطعة وزود الماء حتى تتغطى المكرونة نهائيا وحط شوي صلصة حمراء وأعواد دارسين ( قرفة ) وكم حبة فلفل أخضر وعلى طول اخفض النار لأقل درجة وخلها 35 إلى 45 دقيقة ،، وبعدين شف النتيجة !!!

وبألف عافية واعذرنا على القصور .....

[أبوخالد وبس]

تسلم والله يا عاشق السيل
والله أتعبناك معنا
ما قصرت
وجزاك الله خيرا