يم راع مرات حنا مرسلينه

[الوهيداني]

إلى راعي مرات

راكب اللي جيب لكزس مشترينه=مشترينه نقد ماهو بالقصودي
من وكيله قبل ياصل حاجزينه=حاجزينه لو حصل بالسعر زودي
اربعه والفين أصفار المكينه=ماأشتغل لحظة ولا دار العمودي
ولبدي بستم رفع ومنزلينه=بالسفلت.. ونرفعه بأرض النفودي
راكدٍ ممشاه ياحلوه وزينه=لادعست (سليتره) مشيه يزودي
يعجب اللي يشبحه في شوف عينه=ومنوة اللي للسفر جبرَ امحدودي
منوة اللي مسكنه بقصى المدينه=والعمل باالزر.. والوقت امعدودي
ود عينه شوف حيٍ محترينه=له سنه ماشافهم وده يعودي
يم( راع مرات) حنا مرسلينه=والرساله طيب ..مع عنبر.. وعودي
مانعرفه مير كنا عارفينه=الرجل يبين من طيب الردودي
وحيث علمه طيب الله لايهينه=طيبٍ و الطيب من طيب الجدودي
ومالنا حاجه ولاكن زايرينه=حب باللي خالق الخلق معبودي

(الوهيداني

[نقا هشال]

الوهيداني
صح لسانك ولاهنت

[فـ(الجـوف)ـتى]

صح لسانك

تسلم 0

[المسفهل]

تسلم وصح لسانك ياالوهيداني ... ويستاهل راعي مرات .

[ابو عايد]

الف شكر لك اخوي.. الوهيداني الغالي على هذه القصيدة ، وصح لسانك

اختيار موفق منك.. الله يعطيك الف عافيه... وبيض الله وجهك


تسلم ياالوهيداني ... ويستاهل ابو عبدالله

وتقبل تحياتي // العاشق الولهان

[الخضاري]

السلام عليكم ورحمة الله وبركاته


صح لسانك أخوي الوهيداني ويستاهل راعي مرات ولا يهونون الربع

[سعدون]

السلام عليكم ورحمة الله وبركاته

تسلم يالوهيداني على القصيده الزينه ولاهنت

ويستاهل أبوعبدالله


ورنا عضلاتك ياعبدالرحمن


تحياتي لكم:good:

[بركان]

صح لسانك أخوي الوهيداني
ويستاهل راعي مرات ولا يهونون الربع

[راعي مرات]

الغالي000 الوهيداني

تسلم أخي وأحبك الله 000

وهذا من طيبك0000

المعذرة على العجالة 00,ارجو قبولها000ولك تحياتي000





راكب اللي يسوقها يرطن رطينة= صنعة الكفار وعيال اليهودي
لاتعلت بالسماء صوت المكينة= كنه أصوات الزلازل والرعودي
أوصلوا مني تحيات ثمينة = ودي أتجزل بشكري والردودي
مرحبا ترحيبة جزلة سمينة = عد رمل الطعس.. وإعداد النفودي
ريحها اليشموم.. ونعناع المدينة= والخزامى.. والنفل.. والمسك.. زودي
حبَك الله يا مشيِختِه يمينه = فعلك الوافي تعلى بك سنودي
ياهلا بمرَوّيٍ حد السنينة = السخى.. والجود ..من جودك يجودي
شاقني حرٍ تواصيفه رزينه= صادقٍ هرجه وفيٍ بالوعودي
(الوهيداني) عسى الله لا يهينه= ضيغميٍ ..ضاريٍ ..شبل الأسودي
شوق منهي لادقاق ولا متينة=بنت شيخٍ من عريبين الجدودي
من مشى مثله عسى ربي يعينه= فعله الطيب على غيره يكودي
ياسعد عين اللي جيتو زايرينه = دربكم نفرشه يالعزوة ورودي

**** راعي مرات***
السبت/ 26/ شوال/1424هـ

[سعدون]

السلام عليكم ورحمة الله وبركاته

عز الله ماقصرت ياعبدالرحمن:good:


لاتبخلون علينا بمثل هالمداخلات الجميله


لاهنتو جميع


تحياتي لكم

[الوهيداني]

نقا هشال



فـ(الجـوف)ـتى


المسفهل


ابو عايد




الخضاري



سعدون


بركان

مشكورين جزيل الشكر على مروركم الجميل الرائع والمشرف في هذا


المنتدى الرائع في رواده واعضاءه والمشرفين عليه




تقبلو تحيات

الوهيداني

[الوهيداني]

راعي مرات..مشكور جزيل الشكر


وافي وعاداتك الوفاء


يابو عبدالله والله لايهينك



ويطول عمرك ويكثر من امثالك



.لاهنت...لاهنت...لاهنت

تقبل تحيات

اخوك الوهيداني

[الوهيداني]

مره ثانيه مرحبابك يا سعدون


صراحه لي الشرف العظيم عند ماشوف اسم سعدون

في مشاركاتي وتسلم


والله لايهينك



ويطول عمرك ويكثر من امثالك



.لاهنت...لاهنت...لاهنت

تقبل تحيات

اخوك الوهيداني

[راعي مرات]

تسلم أيها الغالي000


وهذا من طيبك وأنت راعي الأوله


أتمنى أن تكون قد راقت لك000والمعذرة على القصور

دام عزك

[سمنان]

الوهيداني ، راعي مرات

ابداع X ابداع

ما قصرتوا .. عز الله انكم اطربتونا

[الوهيداني]

راعي مرات.

تسلم يا بو عبدالله


والقصور عنك بعيد


وبيض وجهك


وهذا من طيبك وطيب ساسك


يا طيب اساس ومعرفتك شرف وراس مال


تقبل تحيات

اخوك الوهيداني

[الوهيداني]

سمنان مرحبابك


وبمرورك


ياالطيب

تقبل تحيات

اخوك الوهيداني

[راعي الطويلة]

الغالي

راعي مرات

الغالي

الوهيداني


من مدة وانا مقاطع خيمة الشعر لكن إبداعكم الأثنين ما يقاطع ((( عز الله ))) عساكم دوم سالمين وصح لسانكم جميع .............

لا هنتوا وأعذروني على التقصير بحقكم ترون ما أقدر أوفيكم من المدح بقدر ما تستاهلون .....





أخوكم

راعي الطويلة

[راعي الأوله]

ماشاء الله عليكم وصح لسانك يا الوهيداني ويا راعي مرات على هالقصيد الجزل ،،،


تحياتي..

[المُهند]

*** الـــغــ أخــــــــوي ـــــالـــــي :
الــــــــــوهــــــيـــــــدانــــــــــــي .:no2:




$$$ - يـــــعــــطــــيـك الــــعــــافــــيــــــه .




$$$ - وصـــــــح لــســانــــــك ولآهــــنــــت .



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛:dance:

** الـــشـــ أخـــوك ـــاعــــر :

الــصــ الــمـــسـتـــــحـيـل ــعــب .


** الـــــجـــ عـبـد الـــعــزيـــز ـــــــــــلآدي .




alarm: :BUTT1: :butt3: :heart: :butt3: :BUTT1: :alarm: