وشلون اطفي لمبه الجنزير

[بدنية2002]

انا معي جيب 2002 ماشي 207000 ولعت لمبه الجنزير
السؤال ماهي الطريقه المثلا لاطفاها او اخمادها

[winchester]

أسمـع يالحبيب اللمبه ماولعـت غير من أنتهاء صلاحية الجنزير

أول شي القطع المطلوبه جنزير + عدد2 شداد للجنزير

ركب القطع

بعدها فك الطبلون وتلقى فيش خلف اللمبه فكه وركبه بمقبس جانبي للمقبس القديم وتطفى اللمبه ( طريقة أطفاء اللمبه هذا بنسبه للهايلوكس ) لا أعرف كيف يتم تطفيتها بالجيب...

لا سمح الله أذا أنفرط الجنزير يعدم عمود العصافير والعصافير (البلوف) وأحتمال بعدها توضب المكينه

دمـت بود

[شاص&نص]

بعد ما تغير الجنزير تقوم تبرمج اللمبة بالطريقة التاليه و بدون فك الطبلون


طف السيارة وخل المفتاح داخل السوتش وبعدها اظغط الزر اللي في طبلون السرعة(اللي يغير الكيلوات)
علق عليه ودق السلف وانت معلق عليه بس انتبه تشغل السيارة وخلك معلق عليه مدة دقيقة وبعدها اتركة واظغط مرة ثانية بيطلع لك رقم 15 هذي معناها ان اللمبة تولع اذا مشت السيارة 150000 .
اظغط عليه بيطلع لك رقم 1 هذا يعني انها بتولع بعد 10000 كيلو واظغط ثانية بيطلع رقم 2 هذي يعني انها بتولع اللمبة بعد 20000 وانت اختر اللي تبي متى تذكرك؟ فيه من رقم 1 إلى يمكن 12 على ما أذكر يعني من 10000 كيلو إلى 120000 كيلو
واذا اخترت الرقم علق على الزر لما يرجعك إلى الكيلوات وبعدها طف السلف وشغل وبتلااقي اللمبة طفت

أخوك أبو عبدالكريم

[المتليك]

اذا موترك 6 سلندر لاتخاف منها المشكلة في الفكسار 8 سلندر

[VXR.2007]

اذا تبي النصيحه غيره يمكن تسافر في اجازة الصيف وهنا المشكله كبيره انا من شهرين مغيره وطفى اللمبه في الورشه الرشيد اللي على طريق الخرج جنب زجاج السالم وكلفني تقريبن 1000 مدة التصليح تقريبن نص يوم يعني تجيبه الصباح يطلع في الليل

[meksha]

مشعل العتيبي موجود

انا من الخرج

[meksha]

انت مني العتبان

[خالد77]

اذا موترك 6 سلندر لاتخاف منها المشكلة في الفكسار 8 سلندر
كلام أخي صحيح واللمبه هي ( T-BELT ) صح ولا لا ؟؟!
وهذا حصلي قبل فترة بسيارتي الجكس آر وقومت الدنيا وسويت حالة طواري وآخرتها وبفضل الله ثم بفضل قريب لي أخبرني عن طريق هذا الموقع المبدع ( مكشات) وقال خذ رقم ابراهيم الفني المبدع بالعضيب للجيوب الخليجية وقال ابراهيم : ماعندك مشكلةمادام موترك 6 سرندل ونطفيها ب100 ريال لكن هداه الله وبرمجها ب50 ريال وأتمنا أكون أفدتك وتقبل مروري

[شامخ ألهيلا]

اذا أنه GXR لا تهتم الجنزير حديد ما يتغير أبدا
اللي يتغير سير التايمن للـ VXR فقط لأنه مطاط
ويجب تغيير كل 150 ألف كم ..

[عاشق الفيضة]

اذا أنه GXR لا تهتم الجنزير حديد ما يتغير أبدا
اللي يتغير سير التايمن للـ VXR فقط لأنه مطاط
ويجب تغيير كل 150 ألف كم ..

كلام أخوي صحيح 100% وحصل معي vxr وغيرة السير والشداداة عند الوكالة
وكلف علي حوالي 2000ريال وعملو برمجة للمبة وطفت وتقبل تحياتي

[النحيف]

فك اصبع البطارية وركبه إذا ما طفت مالك الا تزين الجنزير وتذكر ان الموضوع حساس ولا تستهين تزينه عند اي واحد


شكرا ً.........

[بدنية2002]

اشكركم على كل ماقدمتم من جهود
شاص نص ابوعبدالكريم كلامك 100%الله يعطيك العافيه

[علي عليوه]

طيب اللمبة طفت وإلا لالالا ؟؟؟

ا علمتنا الله يجزاك خير