مشـــــااااكل تواجهنـــــــي أرجوا الحل العاااجل لأخوكم

[سيف الظفير]

بسم الله الرحمن الرحيم

عندي يا اخوان بعض المشاكل في سيارتي وهي سوبربان 2006 /فئة 2500

التى تكمن في رجة في الدركسون وبصراحى اهملت الوضع وزادات الرجة وصارت القيادة للجمس مملة ومزعجة بسبب الرجة عند الفرامل وعدمه .

وحتى على السرعات المتوسطة والخفيفة

توجد رجة وعدم رساااااوة في القيادة

بعكس او ماشريت السيارة كنت امشى حدود 180 ولا تدرى عن الخط !
(ماشاء الله تبارك الرحمن)

سئلت احد البناشر قال لي اعمل له ترصيص وبعدين نعرف المشكلة بالضبط .

وهل تنصحوون بالمتخصصين

وما افضـــل المراكز المتخصصة بالوزن والترصيص الالكتروني

والمشكلة الثانية الجديدة واجهتني من ثلاثة ايااام

وهل ثقل عند تشغيل المحرك

تحس ان الموتر مافيه حيــــل يشتغل !!!


هل المشكلة من البطارية !!!



ارجوا الحل والاراء العاجلة لأني مليت من نصب وغش الحرامية المحترفين
/ الوكلاء/

والورش

الذين جلهم من السباكين وعماال النجارة ..


وللمعلومية السيارة ممشاها بالضبط

44.400 كيلو


أخوكم ومحبكم/

سليمان الظفيري الطائــــــــي


سيف الظفير

[al-ganaas]

أخوي الرجة تزيد كل مازدت السرعة وإلا ثابتة
وبعدين كم للك ماغيرت الكفرات

[سيف الظفير]

أخوي الرجة تزيد كل مازدت السرعة وإلا ثابتة
وبعدين كم للك ماغيرت الكفرات




الرجه بسرعات ثابتة او عند زيادتها


وبخصوص الكفرات ///


السيارة ماكملت سنتين لأني شاري الموتر في نهاية 2006 في بداية نزول 2007

[يحيي بن حمد]

رصص وشف النتيجة ولا الكفرات تكون مصعررة

[سيف الظفير]

رصص وشف النتيجة ولا الكفرات تكون مصعررة




يمكن اودي الموتر لميزان المجد وارتاااح

بالعكس الكفرات ممتازة

[xahmaedx]

يمكن ماغيرت الفرامل وحكة الهوبات شيك عليها
هذا والله اعلم

[al-ganaas]

أما بانسبة للفرامل مااتوقع لان الفرامل ماتضهر رجة الهوب إلا أضا ضغطت فرامل
الأمر الثاني الي أقصده لوتمشي مثلا 100 هي نفس الرجة لو تمشي 180
لوكانت مهيب نفسها فالمشكلة عندك من الكفرات سواء ترصيص أوصعررة
وصارة مع أخوي في يوكن وغير الكفرات والحمد لله راحت هذا الي
عندي والله أعلم

[لن أمل من العطاء]

اولا هل انت ملتزم بالصيانه عند الوكيل


ثانيا عليك بالترصيص الارضي كحل مبدئي (اقصد تبدأ بالاقل سعر ) افضل من انك تغير الكفرات


ثالثا هناك ذراع لابد من تشحيمه كل فتره ومكان المشحمه غير مرئي مما يوحي للميكانيكي انه لا يشحم افحص هذا الذراع


متابع بشده للموضوع

لاجل اخي سيف الظفير
ولاجل 8100 ماشاء الله تبارك الله

[مساير الليل]

أخوي الغالي بسألك هل أول ماطلعت السياره غيرة كفراتها

طلعنا جمس 2006 على وقت 2007

وأول ماطلعناه رجه رحنا للوكاله وأتضح أنها من الكفرات وغيرو لنا طقم كامل والحمد لله راحت الرجه

وواحد من الربع مطلع 2004 على وقت 2005

ونفس الطريقه تم تتغير الكفرات له طقم كامل

ويقولون الأن الكفرات من التخزين خربت

وللمعلوميه كل السيارتين مطلعه من العيسى

[سيف الظفير]

يمكن ماغيرت الفرامل وحكة الهوبات شيك عليها
هذا والله اعلم



الفحمات هي اللي غيرتها عند 20.000 كيلو فقط

[سيف الظفير]

أما بانسبة للفرامل مااتوقع لان الفرامل ماتضهر رجة الهوب إلا أضا ضغطت فرامل
الأمر الثاني الي أقصده لوتمشي مثلا 100 هي نفس الرجة لو تمشي 180
لوكانت مهيب نفسها فالمشكلة عندك من الكفرات سواء ترصيص أوصعررة
وصارة مع أخوي في يوكن وغير الكفرات والحمد لله راحت هذا الي
عندي والله أعلم




الله يستر من الصعررة


والله يعيني على الوكيل الدماااااار ومراااجعته ليوم السبت

[سيف الظفير]

اولا هل انت ملتزم بالصيانه عند الوكيل


ثانيا عليك بالترصيص الارضي كحل مبدئي (اقصد تبدأ بالاقل سعر ) افضل من انك تغير الكفرات


ثالثا هناك ذراع لابد من تشحيمه كل فتره ومكان المشحمه غير مرئي مما يوحي للميكانيكي انه لا يشحم افحص هذا الذراع


متابع بشده للموضوع

لاجل اخي سيف الظفير
ولاجل 8100 ماشاء الله تبارك الله



اهلاً وسهلاً بخبير جنرال موتورز .


حييت يا بعد حيي , اهلاً بخبير جنرال موتورز ,,,



حلول استفساراتك يالغالي /

ج1/ تركت الصيانة عند 11,000 كيلو

واستمريت فقط على غيار الزيت والفلتر كل 5000 حسب الزيت الموصى به من قبل الوكيل .


ج2/ هذا اللي نووووويت عليه يا اخوي بمر على ميزان المجد المعروووف وبخليهم يكشفون على السيارة لأن فيه صووت فرامل مزعج ومقرف لأخر درجة .


ج3/ ياليت يا الذيب تعلمني مكان هذا الذرااااع علشان اشحمه .

[سيف الظفير]

أخوي الغالي بسألك هل أول ماطلعت السياره غيرة كفراتها

طلعنا جمس 2006 على وقت 2007

وأول ماطلعناه رجه رحنا للوكاله وأتضح أنها من الكفرات وغيرو لنا طقم كامل والحمد لله راحت الرجه

وواحد من الربع مطلع 2004 على وقت 2005

ونفس الطريقه تم تتغير الكفرات له طقم كامل

ويقولون الأن الكفرات من التخزين خربت

وللمعلوميه كل السيارتين مطلعه من العيسى




تخزين الوكيل معروووف عنه بالرداءة كخدمته الفااااااشلة .....


والله يا بعد حيي وما اتوقع ان الوكيل يبدل الكفراات لأن السيارة كملت سنة ونصف او اكثر والممشى فوووق 44000

[سيف الظفير]

مقطع مقتبس من الموضوع الاصلي::



والمشكلة الثانية الجديدة واجهتني من ثلاثة ايااام

وهل ثقل عند تشغيل المحرك
تحس ان الموتر مافيه حيــــل يشتغل !!!

هل المشكلة من البطارية !!!

ارجوا الحل والاراء العاجلة لأني مليت من نصب وغش الحرامية المحترفين
/ الوكلاء/

والورش

الذين جلهم من السباكين وعماال النجارة ..

كتبت الموضوع على صلاة المغرب اليوم وبعد صلاة العشاااء توقفت السيارة عن العمل عند أحد الكهربائيين .

صار الدينمو مافيه شئ ولله الحمد

والمشكلة من البطارية ويجب تغييرهااا

طبعاًً قبل التغيير كلمت مركز التواصل الخاص بجنرال موتورز بالبحرين

على رقم /8008973779

الخاص بمواطني

الممكلة العربية السعودية


ورد على البحريني الشقردي على طول

ووجهني بأيصال السيارة للبيت وايقافها خارج المنزل لأجل المرور يوم السبت لأخذ السيارة للوكيل وتغيير البطارية والله اعلم يمكن على حساب المالك او الوكيل لأن مركز المساعدة على الطريق جزاه الله الخير نصحني بعدم التسرع لأن الوكيل السعودي له قوانين خاااصة وغير مرنة والنقل (من البيت للوكيل)

على حساب جنرال موتورز


حاولت اقناعه بتغيير البطارية على حسابي في الورشة وارسال الفاتورة يوم السبت للوكيل لحاجتي للسوبربان اليوم وغداًً فنصحني الاخ البحريني بعدم فعل هذا الاجراء لأن الوكيل في السعودية متشدد بالقوانين الغير معمولة بالدول الخليجية الاخرى

ووقفت الفحل في البيت ننتظر يوم السبت بإذن الله تعالى بصبح على الوكيل الساعه 6 وعساني احصل على رقم دخول الورشة

ويالله التوفيـــــــــــــــق


سعر البطارية 380

مع التركيب 400


الى اين هذه الاسعــآآآر يا وزارة التجــآآآرة

[Magellan]

إلا وأنت الصادق المفروض جنرال موتورز تفتح عندنا شبكة...
وش موديها للبحرين ياخوك كلها 100 سيارة يبيعونها وعندنا فوق 30 الف سيارة بالسنة ...
وبالنسبة للبطارية عارف إنها تبي تسبب صعقه لك هههههه
لأني غيرتها ب360 ريال 78 امبير وليتني داري عن رقم جنرال موتورز كان يغيرونها ببلاش
بس انا مالتزمت بالصيانة لا الدورية ولا المورورية ههههه
بس لو الأحسن تغيرها من العادية تدوم أطول...

[سيف الظفير]

إلا وأنت الصادق المفروض جنرال موتورز تفتح عندنا شبكة...
وش موديها للبحرين ياخوك كلها 100 سيارة يبيعونها وعندنا فوق 30 الف سيارة بالسنة ...
وبالنسبة للبطارية عارف إنها تبي تسبب صعقه لك هههههه
لأني غيرتها ب360 ريال 78 امبير وليتني داري عن رقم جنرال موتورز كان يغيرونها ببلاش
بس انا مالتزمت بالصيانة لا الدورية ولا المورورية ههههه
بس لو الأحسن تغيرها من العادية تدوم أطول...




مشكور يا الذيب على المرور

وبخصوص البطارية بركب اي سي دلكو المعرووفة

اكبر مقاس الخاصة بالجمووس


صرت افكر اركب بطاية ثانية !!!

[شيخ البليزر]

ياخوي سيف ودي افيدك بالي اقدر عليه بالنسبه للرجه
ممكن تكون من الهوبات اذا الوكاله طلبت منك فلوس لا تصلحها عندهم لانهم دجالين ,ودالسياره لمركز عبدالرحمن الجميح في الصناعيه القديمه يعلمونك وش في الموتر واسعارهم كويسه وشغلهم كويس واذا الكفرات تحتاج ترصيص رح للوكيل حق الكفر ورصص عنده لان عنده جهاز ادق من الارضي ومن حق البناشر لانه خرطي وما منه فايده او رح لابن زقر في شارع الضباب جهازهم ممتاز

وارجو اني افدتك

[Magellan]

مثل ماقال شيخ البليزر
وترى عند عبدالرحمن الجميح حوش متخصص بالجموس والكوابرس بحي السلام على شارع الإمام الشافعي
صح إنه حوش لكنه مضبوط في الفحص

[شعيب المسمى]

شف يابن آخي الرجة مشكلتها من الهوبات رح للوكاله وخذ منهم فحمات ثم ود الموتر لميزان الدرع خله يخرط الهوبات ويركب الفحمات ويرصص الكفرات ان ماراحت الرجة غير الكفرات والشكوى لله والبطارية ان ماغيروها لك على الضمان سعرها من وكالة الجميح والعيسى وبالبيد وشف المناسب منهم ولك خصم 15% اذا طلبت الخصم

[سيف الظفير]

ياخوي سيف ودي افيدك بالي اقدر عليه بالنسبه للرجه
ممكن تكون من الهوبات اذا الوكاله طلبت منك فلوس لا تصلحها عندهم لانهم دجالين ,ودالسياره لمركز عبدالرحمن الجميح في الصناعيه القديمه يعلمونك وش في الموتر واسعارهم كويسه وشغلهم كويس واذا الكفرات تحتاج ترصيص رح للوكيل حق الكفر ورصص عنده لان عنده جهاز ادق من الارضي ومن حق البناشر لانه خرطي وما منه فايده او رح لابن زقر في شارع الضباب جهازهم ممتاز

وارجو اني افدتك



بيض الله وجهك يا الاجووووووودي

[سيف الظفير]

بيض الله وجيهكم يا الشيوخ

ومشكورين على المرور وعلى الردود

والله يعينني على حل الرجة

ومشكور يا الذيب شعيب المسمى

على ماذكرته وكذلك الشكر موصول للأخ ماجلان

[شيخ البليزر]

بشروش سويت ياسيف
عطنا العلوم

[سيف الظفير]

مر على هذا الرااااااااابط يا الشيخ



http://www.mekshat.com/vb/showthread.php?p=1677716#post1677716

[ahmed_717]

إلا وأنت الصادق المفروض جنرال موتورز تفتح عندنا شبكة...
وش موديها للبحرين ياخوك كلها 100 سيارة يبيعونها وعندنا فوق 30 الف سيارة بالسنة ...
وبالنسبة للبطارية عارف إنها تبي تسبب صعقه لك هههههه
لأني غيرتها ب360 ريال 78 امبير وليتني داري عن رقم جنرال موتورز كان يغيرونها ببلاش
بس انا مالتزمت بالصيانة لا الدورية ولا المورورية ههههه
بس لو الأحسن تغيرها من العادية تدوم أطول...


للمعلوميه يا شباب اذا كانت السياره من اي وكيل لجنرال موترز ( الجميح - العيسى - التوكيلات ........... الخ ) ومازالت على الضمان سواءا ضمان السنين او الكيلو يحق لك تتصل على الرقم المجاني وياخذون السياره على سطحه وعلى حساب الوكيل ولا تدفع لصاحب السطحه اي ريال ولو كان العطل من البطاريه يغيرون البطاريه على حسابهم ( الوكاله )

ولو قفلت على المفتاح اتصل ويرسلون حق المفاتيح ويفتح السياره وعلى حساب الوكاله
وفيه كذا شي يسوونها الوكاله على حسابهم وتستخدم السطحه على حسابهم ولكن الي جربته انا البطاريه والمفتاح ( طبعا هذا كله على الرقم المجاني ولكن خلك قريب من السياره او الاستماره معاك لانهم بيسألونك عن رقم الشاصيه )
هذا وللمعلوميه

وموفقين خيييييييييييييييير

[بيبسي]

اخوي بخصوص الرجه الثابته هذي اتوقع من الكفرات شيك عليها عند اقرب بنشري .. وسولك ترصيص من المجد تراهم كويسين .. واذا الرجه عند الفرامل فقط هذي من الهوبات يبيلها خرط .. وبخصوص البطاريه اذا هم مثل باقي الوكالات تغيير البطاريه عليهم

[Magellan]

اخوي بخصوص الرجه الثابته هذي اتوقع من الكفرات شيك عليها عند اقرب بنشري .. وسولك ترصيص من المجد تراهم كويسين .. واذا الرجه عند الفرامل فقط هذي من الهوبات يبيلها خرط .. وبخصوص البطاريه اذا هم مثل باقي الوكالات تغيير البطاريه عليهم


ياحليلك يابيبسي تبي الجميح والعيسى يغيرون البطارية بلوشي
حتى ولو تكلفت بالمهمة جنرال موتورز فالجميح أو العيسى يبي ياخذ قيمة الوقفة على الأقل ..
قبلك أنا فضت البطارية بعد سنة وشهرين من الإستخدام ، قلت تمام على الضمان ..
سئلت واحد قال كم ماشي على السيارة قلت 50 الف ، قال تسوي صيانة دورية قلت والله ماعتبت بابهم، الله لايحوجني لهم ... قال رح لأقرب محل في شارع الريل أصرف لك

[بيبسي]

والله يامجلان انا غيرت 3 بطاريات لي ولاخواني سيارات لكزس من عبداللطيف جميل ببلاش اذا مرت عليها سنتين والسنه الثالثه تدفع تص القيمه لأن ضمان اللكزس 3 سنوات او 100000كلم ... وانا احسب كل الوكالات كذا والامريكي مالنا فيه كل اللي عندنا ياباني ماعدا جمس السواق وضمانه منتهي من زمان

[Magellan]

لا لازم تسوي الصيانة الدورية وتتغير على الضمان ...
بس أنا ماعندي إستعداد عشان تغيير زيت وسيفون أدفع لهم 800 ريال كل شهر ...
أنت ماشاء الله عليك محافظ على الصيانة الدورية لكن أنا وسيف الظفير ماإلتزمنا بها فماراح يلتزم معك الوكيل
بإختصار الوكيل صاير مثل المنشار طالع ياكل ونازل ياكل

ثمين وش تبي بالوايت 79 :d ههههه
أنا عندي مخيم وشوي حلال وأبغا متعهد سقي ومالي إلا كان عندي وايت

[بيبسي]

تصدق عاد مانيب اروح للصيانع الا اول 5000 كلم بس ومع كذا غيرولي بطارايات ...

[speed 557]

ميزان المجد تارهم جيدين

[سيف الظفير]

مشكورين على المرور وتم حل كل المشاكل بحمد الله وفضله


تم تتغير البطارية بـ 370

وبطارية الوكالة بـ 485

تم اصلاح الرجة في السيارة وذلك بعمل التالي/


عمل حركة المقص للكفرات ورفع وجه السيارة 1,5 سم و خرط الهوبات وصنفرة الفحمات مع العلم بأن العمالة من الفلبين وهي ماهرة ومتخصصة وذو معرفة .

في مركز الصامل في ورش علي بن علي (ام الحمام) القريبة من جامع الملك خالد.


كل الساابق فقط بـ 130 ريال فقـــــــــط.



بينما العضيب شمال الرياض الفرع الجديد بـ 300 ريال خرط فقط .


ولله الحمد قوة الفرامل ورساوة السيارة صارت كالجديدة وصوت الفرامل صار من الماضي والرجة لم تعد موجودة بفضل الله .