من يدلن على ضالتي جزاه الله خيرا!!

[بركان]

السلام عليكم ورحمة الله وبركاته

اخواني الكرام
انا ابحث عن خيمة خفيفة وعمليه تنصب بواسطة النفخ بالهواء بواسطة ايصالها بشكمان عادم السياره
بحثت عنها كثيرا في كل المواقع وسالت من اعرف ومن لا اعرف ولم اجد جوابا على سؤالي.!!!!

هل سبق لاحدكم ان رأى هذا النوع من الخيام وهل يصعب تصنيعه ان كان غير موجودا.؟؟؟؟

اسمعونا ما لديكم من اراء ومقترحات في هذا الموضوع بارك الله لكم وفيكم.

[علوم رجال]

اخوي بركان

خيمة تنفخ بالشكمان اول مرة اسمعها ، اللي اعرف انه فيه رافعة للسيارة تنفخ بالشكمان وترفع السيارة اذا كانت مغرزه او منسمه .

وما ادري اخوي انت سبق وان سمعت عنها او شفتها ، او اختلط عليك الامر

[الحاتمي]

اخوي بركان
عجيب اول مره نسمع عن الخيمه هذي!!
لو تكرمت انك تجيب لنا معلومات عنها
وصوره ان امكن.
اتوقع الخيمه هذي يجي معها كمامات:D
الحاااااااااتمي

[راعي الرغبه]

الاخ بركان السلام عليكم ورحمة الله وبركاته
اول مره نسمع عن الخيمه الي تقول ولو فيه خيمه بها الموصفات فهذي الزينه لطلعات البر
فكره تبي من يصلحها:light:

[بركان]

اخوي/علوم رجال
السلام عليكم ورحمة الله وبركاته

لا لم يختلط علي الامر فانا ممن يفرق بين الناقة والجمل.
لا تزعل تراني امزح معك.

اخواني/ الحاتمي / راعي الرغبه

وش رايكم نصممها كل ما نحتاجه ليات هوا او بلا ستيك تدخل في زوايا الخيمه ويمكن تصميمها
في الغرابي المهم ان يوضع( بواسطة الخياطة) مجرى لليات التي سوف تعبى بالهواء ويقفـل
الطرف الذي سوف يمر بكل زوايا الخيمه وسقفها وطرف البداية يوضع فيه توصيلة كمام مثل
الموجودة في قربة رافعة السياره. وتوصل بشكمان السيارة لنفخها.


الفكرة في نظري يمكن تصميمها وتطويرها وقد يكون من الاحسن عرض الفكرة على احد
مصانع البلاستيك(الليات).

وش رأيكم
اتحفونا بآرائكم , فمنكم نستفيد
وقبل ذلك فبراءة الاختراع لي سمعتوا والا لا؟؟

تحياتي وتقديري للجميع.

[الشاقي]

انت تبي تكشت للبر او للسطح هههههههههههههههههههه
امزح معك يالحبيب ... اخوي لا تنس الهواء لاجاك شمالي والله مايرد خيمتك الا الشعيب

[مفتش الريضان]

أخوي والله اني جلست اقلب الفكرة يمين شمال اقوم وأقعد وبعد ما سويت براد شاي سوداني على كيفك حللت الموضوع من مختلف جوانبه الفنية والمنطقية والفلسفية والمورائية وخلصت لنتيجة انه يمكن بعد نسوي مركا بالشكمان وسرير بالشكمان وكبسة بالشكمان ما عليش أخر كلمه عديها.... الفكرة حلوة لكن إذا كانت الخيمة من طبقتين ويتم حبس غازات الشكمان عن طريق صمام ولكن إذا احد من الملاقيف خرق الخيمة من الداخل وصدقوني ما ينفعكم لا الهلال الأحمر ولا النصر خاصة إن كان الخرق خلال فترة النوم فنحن نعرف ان غاز السيارة سام وقاتل وبعدين الله يعين الخيمة إذا كانت السيارة تصرف تبي تعبي الخيمة زيت... على العموم انا عندي نفيخات طويلة أبي أجرب الفكرة وأرد لكم خبر...!! شكرا على الفكرة :D :D :D

[بركان]

اخوي/ الشاقي

الله لا يشقينا الا بطاعته.

اما بعد

شكرا على المداعبة الظريفه قصدك بتصير بالون اختبار موب خيمه. ههههههه.




______________________________________


الاخ/ مفتش الريضان

اولا شكرا على مرورك
ثانيا : بعد تفتيشك للريضان ما ذا وجدت في جيوبها.

اما بعد:

الفكره تتلخص في انابيب تضغط بواسطة الشكمان فتقوم الخيمة واقفه يعني بستم هوا وليس المطلوب تصميم طبقتين تملأن بالهواء.
صبرك علي شوي انا بسافر( لتايوان) وانشاء الله تشوفها عن قريب.

تحياتي وتقديري

[ابو مساعد]

السلام عليكم ورحمة الله وبركاته

الاخ العزيز بركان الفكره ممتازه اذا نجحة ... أليك الفكره التي تدور في راسي ..

هناك لي أزرق مال دفع الماء وليس للسحب وهو مصنوع من البلاستك المقوى وأظنك عارفه وهو مثل لي المطافي يسهل طيه ولفه ويجي 2 بوصه هذا الي يساعد على ان يكون اعمده واما الخيمه يفضل ان تكون من طبقتين وتخيط بشكل هندسي بيد خياط ماهر جدا ..

تحياتي ..

[بركان]

اخوي/ ابو مساعد

شكرا على تشريفك

ومنكم نستفيد. فكرة تدعم تصنيع هذه الخيمه.

عندما اجد الوقت الكافي سأبدأ بتطبيق الفكرة وستعرف انشاء الله لا حقا.

تحياتي

[ابوقاسم]

مثل هالافكار الي تخلي طلعة البر خفيفه وسريعة ...........
حط اللي في الشكمان وانفخ الخيمة ..........ما يعوقك مد الرواق ولا دق الوتد .........
احلى ىىىىىىىىىىىىىىىىىىىىىى...........
اشبك اللي ورح بالسيارة وانت ماشي ما توصل مكانك الا اخيمة جاهزه ويمكن تصير بالون هوا ......
الله يبارك فيك شف لنا حل في الطبخ بعد لاهنت.............
على الشكمان على قاز كله ماشي ........
.
.
.
.
.
..
...
شكرا على الموضوع ............

[بركان]

يا هلا بالغضي
هذا التشجيع والا بلاش

المرة القادمة انشاء الله ساطرح فكرتك لتحويل الكنداسة الى حديدة مراصيع والقزوز الى سخانة ماء وطباخة غداء. يعني حط اللحم مع الرز والطماطم والبصل والبهارات في الكاتم واضف الماء افتح الكبوت وضعه جنب القزوز ثم دق سلف تصل مكانك في الصمان والكبسه جاهزه حبتها تقل اعواد مكرونه( سبقتي). هاه وش رايكم في الفكره يالغضي. ولا يهونون الاخوان.

هل من مؤيد لطرح هذه الفكره. ههههههه كععععكعععكععع

تحياتي

[فـ(الجـوف)ـتى]

فعلاص اول مره اسمع عنها


واعتقد انها لاتصلح 0

[المربد]

أخوي بركان سر للأمام واستمر في افكارك الإبداعية ولا تلتفت الى المثبطين.

نعم اخي كل ما نحتاج له هو قوسين (اوتار للمربع ) يتقاطعان في النصف X ويمكن اضافة اقطار يمرون بنصف المربع . ويصير توزيع الهواء من اعلى الخيمة مثل موزع الماء الصحراوي.

ويفضل ان تكون للخيمة ارضية ثابتة يعني مخيطة بالخيمة، وتصير الخيمة بشكل قبـّـة
تـنـفـتح وتثبت الأركان الاربع بالارض قبل النفخ، ثم تـنـفخ القوسين وتنتصب الخيمة

ارجو ان شرحي واضح.

[بركان]

اخوي/ فتى الجوف


شكرا على ابرة البنج.
ومع ذلك لن تؤثر سأواصل ولكن بعد جمع الافكار من الاخوة واخرهم الاخ/المربد.
-----------------------------------------



الاخ /المربد
شكرا على مرورك وتشريفك وافكارك النيره التي ستكون بأذن الله نبراسا اقتدي به بعد جمع افكار المبدعين امثالك.

شكرا على التشجيع.
دمت بخير وعافيه.