انكب المطزاز يطرقه الهبوب ( صورة وابيات )

[يوسف الخليفة1]

http://www.mekshat.com/pix/upload02/images73/mk67513_20070314.jpg



انكب المطزاز يطرقه الهبوب=لين يبرد وادفعه يم العرب
الصحن يذرف شماله والجنوب=جعل من سواه للجنه كسب
خلا زيته مع هكا الكشنه يذوب=والبزار الكركمي جابه وكب
واللحم حاشي رعى مع كل صوب=املحن ما ذاق بالبيدا تعب
لحمة الكتف وضلوعن من جنوب=ما بها شحمن ولا فيها عصب
والطماطم مع هكا الصلصه يروب=واسود الليمون بامرقته شرب
والقرع والكوسه وذيك العلوب=واطفحت فيه العجينه واكترب
خفف النار وسكب بالقدر كوب=وابتدا فاير عقوده يقتلب
واستوا جلفه رهيفن تقل ثوب=لو تشوفه تحسبه قطعة ذهب
اكلتن ترغب لها بعض الشعوب=كل واحد ياكل اللي له رغب




( يوسف الخليفة )

[بن دويش]

والله الأكلة تشهي يعطيك العافية

[ثعل البرد]

صح لسان الشاعر

قصيدة جميلة وممتعة

[أبو فهد العيد]

صح لسانك يابو عبد الله...
المفروض ماتسمي الموضوع (صوره وابيات)
المفروض سميته..(ابيات وصوره)
بصراحه ان القصيده تصويرها احسن من الصوره..وانا يوم شفت الصوره..شي عادي..!!
لكن يوم قريت القصيده جعت,والله مااقولها مجامله..
بيض الله وجهك.

[يوسف الخليفة1]

والله الأكلة تشهي يعطيك العافية


أخي رفر أشبع الله نهمتك وتفيحت في جنات النعيم لك ما تشتهي من ثمارها وشكرا

[يوسف الخليفة1]

صح لسان الشاعر



قصيدة جميلة وممتعة



يا مرحبا بمشرفنا ثعل البرد فما أجمل وجودك معنا فصح بدنك ومتعك الله بالصحة والعافية وشكرا لك أخي

[جرير]

صح لســــــــــــــــــــــــــــــــــــا نك
همممممممممممممممممممممممممممممممممممممممممممم

[دغيم1]

السلام عليكم ورحمة الله وبركاته
يعطيك العافية أخي الحبيب
ابو عبد الله
وصح لسانك
أتوقف قليلا ... وآمل أن تسمح لي .!
فقد طافت الذاكرة .. في أرشيف الحياة .. وقلبت ملفات الأيام بحذر .
تذكرت ( المطازيز ) او ( المرقوق ) .. وكأن رائحته الآن تشبع بها أنفاسي ، بطعم القفر ، والقرع العارضي
وكل ماذكرت ،
فأين من أعده وتعب عليه ، وقد عجنه ، وطززه
وأشعل النار على قدره ، من كرب وخوص
أسأل الله أن يتغمدهم بواسع رحمته وأن يسكنهم فسيح جناته
سلمت أياديك فقد جال خاطرك وكتب ،وأستوحى من الذكرى شيء عجب
تقبل تحياتي

[يوسف الخليفة1]

صح لسانك يابو عبد الله...
المفروض ماتسمي الموضوع (صوره وابيات)
المفروض سميته..(ابيات وصوره)
بصراحه ان القصيده تصويرها احسن من الصوره..وانا يوم شفت الصوره..شي عادي..!!
لكن يوم قريت القصيده جعت,والله مااقولها مجامله..
بيض الله وجهك.


حياك الله أخي ولد حنيظل وصح بدنك والشكر لك على حسن الرد وهي ابيات خفيفة لتسلية أخواني وإدخال

السرور على قلوبهم فأنار الله محياك ووفقك لكل خير وأسعدك في الدارين وشكرا لك

[يوسف الخليفة1]

صح لســــــــــــــــــــــــــــــــــــا نك


همممممممممممممممممممممممممممممممممممممممممممم



حياك الله يا مشرفنا الغالي وصح بدنك وبالهناء والعافية وهنيئا مريئا وسلمك ربي

[يوسف الخليفة1]

السلام عليكم ورحمة الله وبركاته



يعطيك العافية أخي الحبيب
ابو عبد الله
وصح لسانك
أتوقف قليلا ... وآمل أن تسمح لي .!
فقد طافت الذاكرة .. في أرشيف الحياة .. وقلبت ملفات الأيام بحذر .
تذكرت ( المطازيز ) او ( المرقوق ) .. وكأن رائحته الآن تشبع بها أنفاسي ، بطعم القفر ، والقرع العارضي
وكل ماذكرت ،
فأين من أعده وتعب عليه ، وقد عجنه ، وطززه
وأشعل النار على قدره ، من كرب وخوص
أسأل الله أن يتغمدهم بواسع رحمته وأن يسكنهم فسيح جناته
سلمت أياديك فقد جال خاطرك وكتب ،وأستوحى من الذكرى شيء عجب


تقبل تحياتي



مشرفنا العزيز الغالي دغيم لا زيادة على كلامك فما شاء الله لم تترك واردة ولا شاردة من بلاغة التعبير فلا


يسعني إلا شكرك وتمنياتي لك بالتوفيق وحفظك الله ورعاك ولك تقديري واحترامي وحياك ربي

[جلمود الجبيرى]

اخوي ابو عبد الله1قصيده طيبه الله يعطيك العافيه ما خلت شي بارك الله فيك

[يوسف الخليفة1]

اخوي ابو عبد الله1قصيده طيبه الله يعطيك العافيه ما خلت شي بارك الله فيك

حللت أهلا ونزلت سهلا وسعدنا بك أخي جلمود الجبيري فحياك الله وما أجمل وجودك بيننا ولك


مني التقدير والاحترام وحفظك الله ورعاك

[عبدالرحمن الخالدي]

صح لسانك ماشاء الله عليك يا أبوعبدالله على هذا التصوير أبدعت .

[يوسف الخليفة1]

صح لسانك ماشاء الله عليك يا أبوعبدالله على هذا التصوير أبدعت .


مرحبا بك أخي مذكور وصح بدنك وطابت نفسك وحياك ربي