السومار

[همام5]

اخواني العزاء احد منكم عالج السومار او يعرف لسومار علاج اختلفت العلاجات وحبينا تشاركونا وتعطونا رايكم الله يعطيكم العافيه

[قرناس ارامكو]

أخوي / همام5
لايوجد علاج ناجح 100% لمرض السومار للأسف في الوقت الحالي ، لا في المستشفى ولا علاج شعبي عند بعض الصقاقير ، مجرد محاولات فقط ، وأذا فية علاج فهو مؤقت لفترة قصيرة فقط .
العلاج الوحيد هو أن أذا خف الورم في رجل الطير وهو بصحة ولياقة جيدة أن يقوم الصقار بأطلاق سراحة ،
لأن أهم سبب للسومار هو وقوف الطير مدة طويلة على وكر غير جيد وموريح ليد الطير .
تقبل مروري

[مغــادر]

السلام عليكم ورحمة الله وبركاته
كيف الحال يا همام بالنسبه للسومار الله يكفينا شره اصعب شي وقليل انه يطيب بس فيه علاجات مجربه وانشاءالله انها تنفع,,,
*الفازلين للحفاه الي توها صغيره يمسح بها بطن الرجل,,,
*والحنا واليمون مجربه وتنفع تخلط مع بعض وتحط في بطن الرجل,,,
*والتروموسين وهو دواء سائل ومنه نوعين مصري وفرنسي وكلها مفعولها جيد هذا آخر ما جرب ويمدحونه للجروح ولسومار والنفاخ الي يجي مع السومار وطريقة استعماله يشفط من الخرشه و يوضع في فنجال على القد الي تحتاجه ولازم يكون عندك قطن حق الاذاني وتضعه في الدواء وتلين به بطن رجل الطير وظهرها من فوق والله يكتب الي فيه خير وصالح,,,

[جارح العين]

ماقصروا الاخوان

[طيرالحمــــاد]

والله اذا كان متمكن من كف الطير والله صعب
بس اذا كان في البدايه عليك بالرمل الناعم اربطه عليه بدون وكر وعليك تنظيفه يوميا بمسحـــــــــات طبيه

[سلطان 1]

ارحب اخوى همام 0
انا واعوذ من كلمه انا قد عالجت شاهين كان فيها سدود ومتمكنه منها لدرجه انك تقول حالتها مسعصيه 0حتى انها ما تاقف على ايدينها تحصلها على صدرها دايم 0 على العموم جربنا علاج عندنا وبعد شهر او اكثر سلمت ابشرك شرط انك تشوفها تقول ما صابها شى 0
والحين عندى طير فيه سدود مثل الشاهين وابشرك الى الان متحسن تقدر تقول 50\ بنفس العلاج 0
وان كان الطير سلم فان شا الله ان العلاج ناجح 0

[همام5]

قرناس ارامكو
مغادر
وجارح العين
طير الحماد
راعي فاروق
بيض الله وجيهكم كلكم ويعطيكم العافيه اخوكم همام5

[الطبشي]

ماقصرو الاخوان