المساعد الشخصي الرقمي

مشاهدة النسخة كاملة : >>>وين احصل الزير؟<<<


أبو بندر 2005
21/06/2008, 04:32 PM
السلام عليكم,,,
وين احصل الزير حق الموية ويكون يبرد لأني قد شريت واحد من زمان مايبرد وابي محلات متخصصة فيه غير اهل المحطات لأنهم غالين.
.....شاكر ومقدر لكم.....
سسته
21/06/2008, 05:57 PM
اذا انت في الرياض .......... رح لم عتيقة فية

وانت جاي مع طريق الملك فهد ( وجهك جنوب ) اذا جاك كوبري عتيقة ( ادخل من تحت وديور ) يصير وجهك شمال شفهم على يمينك ....
برهوش
21/06/2008, 06:04 PM
الشفاء بعد مبنى البرق والبريد والهاتف
أبو الحارث 4
21/06/2008, 06:06 PM
إذا كنت في الرياض اذهب للشفا جنوب الرياض، وأنت خارج من الشفا نازل للرياض تجدهم على يمناك بعد بنك الراجحي ، افغان ينتظرون الزباين أمثالك، لا تأخر عليهم. حياك الله .
أبو بندر 2005
21/06/2008, 06:39 PM
الله يعطيكم العافية وما قصرتو يالنشامى,,,,
ابو الحارث ولا يهونون الباقبن ممكن توضح الوصف اكثر لأني ساكن بالشمال و لا ادل بالجنوب بارك الله فيك.
سرهيد
22/06/2008, 12:01 AM
الله يعطيكم العافية وما قصرتو يالنشامى,,,,
ابو الحارث ولا يهونون الباقبن ممكن توضح الوصف اكثر لأني ساكن بالشمال و لا ادل بالجنوب بارك الله فيك.

انا بعطيك الوصف العدل

وعدك عند اشارة المعارض حزت عصير وتقهو عندي وبعدين اوديك لهم

وابشر بسعدك

ويا مرحبا ويا مسهلا والله

اخوك

ابو عبدالله
ابولولو
22/06/2008, 12:32 AM
ابوبندر تراء فيه انواع صناعه جده لاتقربه المدينه المنوره درجه واحد بعده مكه وانتبه تراهيم يغشون بالصناعه اخر واحد من المحلات ارخصهم من جهت الشرق الي بالشفاء وفكر بالمطاره حق الهدلق وارد الكويت الماني وجهت نظر ولقافه
أبو بندر 2005
22/06/2008, 01:15 PM
لمال العافية الله لايهينكم وبيض الله وجيهكم وكثر الله من امثالكم.


ابو عبدالله ابشر بالي يمر عليك ويتقهوى معك بالأستراحة بعد.


ابو لولو مطارة الهدلق عندي ومخليها للطلعات و السفريات اما الزير ابيه للوالد بالبيت لأنة يكيف عليه العصرية:d :d .
سرهيد
23/06/2008, 09:19 AM
ابو عبدالله ابشر بالي يمر عليك ويتقهوى معك بالأستراحة بعد.





السلام عليكم

يا هلا ورحب

عين فراش وعين لحاف طال عمرك

واتشرف بك يا الطيب

اخوك

ابو عبدالله
plus-1
23/06/2008, 09:42 AM
والله تبي النصيحة وأنا أخوك حاول أنك تبتعد عن الأواني الفخارية!!!
على مايقال أنها مفيدة للصحة وأنها تبرد تبريد طبيعي بس خذ في بالك الصناعة إذا كان الفخار ماخوذ من منطقة حي الله والا مخلطوط معه شي لأن فية مادة الرصاص وهي موجودة في التراب وانت بكرامة ومع الشرب من الأواني الفخارية المغشوشة تترسب مادة الرصاص في الجسم وتسبب مشاكل في الأعضاء الداخلية(الكبد - الكلى ..........)ومثل ماقال أحد الأخوان خذلك مطارة من ذا القماش والا من أي مصدر ثاني أضمن لك والله يكفينا وياكم شر الأمراض
أبو بندر 2005
23/06/2008, 10:31 PM
ابو عبد الله الشرف لي طال عمرك وابشر باللي يسير عليك .
اخوي Plus الله يجزاك خير على هالمعلومة وبارك الله فيك.
ابن بدران
23/06/2008, 11:36 PM
الله يدلك على الطيب
إن بغيت البراد صحيح لف على الزير كم خيشة ورشها بماء
وخذ البراد اللي يحبه قلبك
شامخ ألهيلا
24/06/2008, 04:54 AM
عند خروجك من حي الشفاء ووجهك شرق وتعديت البريد بعد خلك في الخدمه وراح يجونك على اليمين صفة صعايده يبيعون الاواني الطينيه
ولا تنسى تلفه بخيشه خفيفه

ويكون افضل لو يكون قريب منه مروحه او مكان للهواء

رااح يجيك المويه باارده على كيفك

اخوك شامخ
أبو بندر 2005
24/06/2008, 05:22 AM
ابن بدران و شامخ الهيلا,,,,, بيض الله وجيهكم وما قصرتو
عبدالله العلاج
24/06/2008, 08:32 AM
عافاكم الله على هذا الطرح الرائع




شكرا لك عزيزي