مشاهدة النسخة كاملة : بصراحه غلطان من يأخذ سيارة ما يعرف يسوقها
العودالازرق
21/06/2008, 06:01 PM
شفت هذا المقطع لهذا الجيب موديل جديد لكن للأسف السواق ما حولك أحد
http://www.gulflobby.com/upload/get-6-2008-gulflobby_com_jry9aehb.JPG
http://file9.9q9q.net/Download/67479243/-----------2008------------2.rar.html
طيب يمكن خايف على السيارة لأنها جديدة
أو أول مرة يسوق سيارة دفع رباعي
والمسلم عذره معه ولو كنت قريب منه في البر لمددت له يد العون
وهذا يذكرني بعائلة مغرزين في الثمامة بجيب سفاري
وساعدتهم واكتشفت أنه السيارة أول مرة يطلع بها للبر
فجلست أشرح له طريقة الدبل والقيادة في الرمال من أ -ي
شكرا على الموضوع
دغيم1
22/06/2008, 07:19 AM
السلام عليكم ورحمة الله وبركاته
حياك الله اخوي
مقطع جميل وتمنيت لو أكملته حتى النهاية ونشوف وش صار على راعية
طبعا فيه مشكلة حاصلة - يمكن مثل ماقال أخوي - ناصح .
ويمكن الكفرات مليانه هواء وتحتاج تخفيف .
وكذلك جهله بأمور الغراز .
وفيه قصة لأحد الأخوان حصلت شبيهه بهذه .
غرز واستعان بأحد زملاءه وهو كذلك غشيم شوي .
جاء وحاول يطلع السيارة ماقدر - المهم سحبوبها بسيارة ثانية وطلعت - قال صاحبنا لازم تودي السيارة للوكالة الدبل خربان .
والأصل أن الدبل سليم - بس الخبير ماعشقه الله يصلحه .
وفي مثل هذه الحالات - التدخل للعون أفضل
تقبل تحياتي
العودالازرق
22/06/2008, 09:33 AM
أخوي ناصح ودغيم ما هو عيب أن الانسان يتعلم بس لو خذ له موتر قديم كان العين خفت عليه
والبعض اتخذ له عذر
وعلى طاري التعليم أول مره شريت كمبيوتر شغلته رفض يشتغل حاولت بشتى الصور
إلا أنه رافض يشتغل قلت ولا يهمك فيه ضمان الحين أروح للمعرض الي شريت منه الجهاز
ولم دخلت على المهندس وفيني شر قال أمر قلت جهازكم هذا ( كديش ) ما اشتغل
وقلت تفضل شغله قال طيب وفي لحظه شغله تدرون وش الخراب
لا تضحكون
الدسك كان في محرك الاقراص A
جمعت ما بقى من وجهي وأنا أقووول الله يرحم حالنا
((( الحر)))
22/06/2008, 03:18 PM
واضح ان المشكله هواء الكفرات .. وتحصل في كل الجيوب
شكرا اخي العود الازرق على المقطع
تحياتي
جارح العين
22/06/2008, 05:35 PM
يعطيك العافيه
عبدالله الدوسري
28/06/2008, 12:56 AM
كلامك صحيح
لا تطلع بسيارة ما تعرفه تسوقها :)
القطاوي 2008
13/07/2008, 05:10 AM
يعطيك العافيه
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir