السبوق وريشته من منطقه إلى منطقه ,, والله غريبه

[لعّاب المنايا]

السلام عليكم ورحمة الله وبركاته


مسيكم الله بالخير يالربع


من أسبوع تقريبا جتني فكرة إني بيع طيوري الثلاثه وأشوف لي طير طيب وناهي لامن سبق ولاريشه ولاقطوع وعلومه كلها زينه وأكتفي بطير واحد للموسم القادم,
المهم تخبرون الواحد يبدأ يوصي ربعه من كل منطقه طبعا بالسعوديه هذا المواصفات اللي أبيها عشان ربعه يتوصون له عندهم ,,
اللي تفاجأت منه يا أخوان بصراحه إختلاف الأسعار من منطقه إلى منطقه مع العلم إنه نفس الريشه والسبق والمواصفات اللي تبيها بالطير ,,
اللي حصل يا أخوان كلمني رجال وقالي أبشروالله يابوراشد عندي الطير السبوق الفارط والوسره الزينه والعلوم الزينه يلحق بالعجاج يعني الغبار من طيب طلعه كل علومه زينه بس ريشته عاديه جدا ولافيها اي شي الطير خضر وريشته مشهبه بس إنه قاطع بالسبق ووصوفه حيل طيبه وعطاني سعر تقريبا حول ال25000ريال سعودي!!
أنا بصراحه إستغربت سعره وقسته على طيور أعرفها بمنطقه ثانيه مثل ريشته السعر يختلف جذري وقلت للرجال وش بلى سعره كذا قالي هذي الألوان ذي سعرها ما يمشي عندنا حتى لو إنه سبوق هذا سعره مستحيل يتغير سعرهـ والطير الملون نفس المواصفات هذي سعرهـ من 40000 ورايح قلتله بهذي معقوله إلا ما نادر يكون أقل سعر وطبعا مصفوط لك ,,
المهم صار اللي صار وكلمني واحد من الربع بنفس الليله بس من منطقه ثانيه وقالي فيه الطير الفلاني وفيه وفيه عد لي من الطيور تقريبا 3 طيور ناهيه منها 2 ملاوين وواحد ريشته عاديه وقطوعه موب شينه طبعا كلها سبوق ناهي فارط عطاني سعر الملاوين والا نفس سعر خوينا اللي من شوي وسألته عن الطير الثاني اللي ريشته عاديه قالي با40000 ريال وفيها قلتله يافلان أنا عرض علي الطير كذا وكذا من المنطقه الفلانيه قالي خذهـ منهم وأنا أبيعه لك عندنا ب 40000 بالراحه لإن ربعنا يدورون الفعل الناهي ماهمهم الريشه وبعضهم لا تهمه الريشه وقال هذولاك برضوا اللي ريشته عاديه وسبوق يهضمون حقه خلاص ريشته ماتنفع هذا سعرهـ قليل ,,

** بصراحه يالربع أنا استغربت اللي صار معقوله إلى هالدرجه التفاوت بالأسعار طير طيب وفعله ناهي بس ريشته عاديه يهضم حقه بالسعر ومثله بمنطقه ثانيه لا والله مآخذ سعر الملاوين!!!

وإلا وش رايكم يالربع ..؟

[بومعطش]

يقولون ياغالي لو لاإختلاف الأذواق لبارت السلع
والصقاره يقولون لون وعون
وبيض الله وجهك على هالمعلومات
بس ليتك مبين لنا المناطق عشان يصير عندنا علم عنها

[قلب شاهين]

ياهلا فيك وغلا يابو راشد ،،

كلامك عين الصواب وقد صارت معي كم مره ،،

كل منطقة لها طبايع ! يعني في مناطق ياخذون الطيور الملونه والحلوه لأن تلقاه يبي يهديه امير أو شيخ ،،

وفيه مناطق تبي الطيور الزينه لأن الحباري عندهم قليل !!

لكن لو أنا منك أبشتري الطير الي قالك عليه خويك الي 25 الف وببيعه للرجال الي بالمنطقة الثية بدبل وأنت الكسبان :)

( أذا تثق فيه طبعا )

هذا الي عندي وأن شاء الله يفيدونك الأخوان ،،

تحياتي / قلب شاهين ،،

[عا سبيل بر]

بسم الله الرحمن الرحيم
حياك الله أخوي لعاب المنايا
وما خاب من استشار والله يهديك للي فيه خير

أنت تعرف وش تبي بس أنك محتار...
شف وأنا أخوك أنا مالي في الصقاره بس أني مهتم والله يرزقنا ونتعلم
وأحذر :no2: تبيع الطيور كلها وتقعد على طير واحد ....بكره يجيه شي لا قدر الله راحت فلوسك وجلست تتحسر

وبخصوص شراء طير أنت الحين تبي فعل وإلا منظر وأسئل نفسك هاذا السؤال لإ صاروا الرياجيل يصيدون وأنت كاشخ بطيرك... والغصه في قلبك، هاك الساعه تعرف وش معنى طير مقناص

والله من وراء القصد


وتقبل مروري،،،

[أبوإبراهيم1]

اخوي لعاب المنايا
تذكر دوماَ
لولا إختلاف الاراء لبارة السلع

[جارح العين]

صدقت تختلف النظرات من منطقه لمنطقه
واعتقد عندنا 40 الف تاخذ اطيب طير مزيون وفعله طيب
واذا تشوف الطير طيب وفعله زين خذه وش لك بالغالي

[قرناس ارامكو]

بسم الله الرحمن الرحيم
حياك الله أخوي لعاب المنايا
وما خاب من استشار والله يهديك للي فيه خير


أنت تعرف وش تبي بس أنك محتار...
شف وأنا أخوك أنا مالي في الصقاره بس أني مهتم والله يرزقنا ونتعلم
وأحذر :no2: تبيع الطيور كلها وتقعد على طير واحد ....بكره يجيه شي لا قدر الله راحت فلوسك وجلست تتحسر


وبخصوص شراء طير أنت الحين تبي فعل وإلا منظر وأسئل نفسك هاذا السؤال لإ صاروا الرياجيل يصيدون وأنت كاشخ بطيرك... والغصه في قلبك، هاك الساعه تعرف وش معنى طير مقناص


والله من وراء القصد




وتقبل مروري،،،

أخوي / عا سبيل بر
عطاك الراي السديد، أذا فية واحد من طيورك طلاع؟ أشتر فرخ شاهين ورتح:good: :good: :good:

[الطبشي]

بسم الله الرحمن الرحيم
حياك الله أخوي لعاب المنايا
وما خاب من استشار والله يهديك للي فيه خير


أنت تعرف وش تبي بس أنك محتار...
شف وأنا أخوك أنا مالي في الصقاره بس أني مهتم والله يرزقنا ونتعلم
وأحذر :no2: تبيع الطيور كلها وتقعد على طير واحد ....بكره يجيه شي لا قدر الله راحت فلوسك وجلست تتحسر


وبخصوص شراء طير أنت الحين تبي فعل وإلا منظر وأسئل نفسك هاذا السؤال لإ صاروا الرياجيل يصيدون وأنت كاشخ بطيرك... والغصه في قلبك، هاك الساعه تعرف وش معنى طير مقناص


والله من وراء القصد




وتقبل مروري،،،



كلام سليم 000000000000

[لعّاب المنايا]

يقولون ياغالي لو لاإختلاف الأذواق لبارت السلع
والصقاره يقولون لون وعون
وبيض الله وجهك على هالمعلومات
بس ليتك مبين لنا المناطق عشان يصير عندنا علم عنها

حياك بو معطش

كلامك على متمه بس الفرق جذري وانا اخوك بسعرهـ تحس إن الطير فيه مشكله وهو مافيه شئ بس هذا أسعارهـ ,,

وبالنسبه للمنطقه ما فيه منطقه محدده بس كل منطقه بصراحه أشوف إنها تختلف بالمبدأ هذا ,,

[لعّاب المنايا]

ياهلا فيك وغلا يابو راشد ،،

كلامك عين الصواب وقد صارت معي كم مره ،،

كل منطقة لها طبايع ! يعني في مناطق ياخذون الطيور الملونه والحلوه لأن تلقاه يبي يهديه امير أو شيخ ،،

وفيه مناطق تبي الطيور الزينه لأن الحباري عندهم قليل !!

لكن لو أنا منك أبشتري الطير الي قالك عليه خويك الي 25 الف وببيعه للرجال الي بالمنطقة الثية بدبل وأنت الكسبان :)

( أذا تثق فيه طبعا )

هذا الي عندي وأن شاء الله يفيدونك الأخوان ،،

تحياتي / قلب شاهين ،،


مرحبا ياقلب شاهين

ومن ناحية إني اشتري الطير وأنا أخوك اللي قاله الرجال ما تضمن السعر هذا لإن الطير موب معروف على مستوى المنطقه اللي هم فيها يعني الطير لازم يجلس موسم كامل بالمنطقه ويعرف إنه طير ناهي بعدها يبيعه بالسعر اللي يبي وأنا والله ما عندي إستعداد للشئ هذا ,,

[لعّاب المنايا]

بسم الله الرحمن الرحيم
حياك الله أخوي لعاب المنايا
وما خاب من استشار والله يهديك للي فيه خير


أنت تعرف وش تبي بس أنك محتار...
شف وأنا أخوك أنا مالي في الصقاره بس أني مهتم والله يرزقنا ونتعلم
وأحذر :no2: تبيع الطيور كلها وتقعد على طير واحد ....بكره يجيه شي لا قدر الله راحت فلوسك وجلست تتحسر
أنا مانيب محتار وانا اخوك انا عارف اللي أبغي بس إني إستغربت تفاوت الأسعار ,,
ومن ناحية إني أبيع طيوري كلها وأقعد على واحد تراني ما خطيت الخطوهـ هذي إلا إني عارف وش عقبها ,,
قد يكون عندي ترتيبات أخرى ,,:)


وبخصوص شراء طير أنت الحين تبي فعل وإلا منظر وأسئل نفسك هاذا السؤال لإ صاروا الرياجيل يصيدون وأنت كاشخ بطيرك... والغصه في قلبك، هاك الساعه تعرف وش معنى طير مقناص


والله من وراء القصد
أنا ياخوك مادورت طير كشخه وكلامي فوق واضح انا أبحث عن السبق الناهي والقطوع الزينه أيا كانت الريشه
طير ملون وإلا عادي ماهمتني الريشه ياخوك أبحث عن السبق الفارط اللي لاحلّت الطيور لحقت به,,
بس إني إستغربت كيف الأسعار هذي تختلف من منطقه لمنطقه وهي نفس الطبوع هذا اللي إستغربته وأنا أخوك ,,


وتقبل مروري،،،



ــــــــــــــــــــــــــــــــــــــــــ

[لعّاب المنايا]

قرناس أرامكو/ الله لا يهينك وبالنسبه للطيور فيها الطلع بس واحد منها طلبه رجال عزيز علي وقدمته له والثاني عود كبير سن وماورى ما قصّر والثالث فرخ صارت له سالفه وشفه معروض بالبيع والشراء ,,وبالنسبه لفرخ الشاهين تآخذها أول ما تطرح ب 35 او 40 الف ريال ولاطلع الوقت شف بكم تبيعها ,, غير الحر طال عمرك سلعه ثمينه وانا والله ما قد قنيت الشياهين لإنه بصراحه وقتها فرخ وبعدها ما اعتقد تصمل علي اللي كانت عليه وجهة نظري طبعا ,,

الطبشي / حياك وأسعدني مرورك

[عـــرادي]

تحيه عطره للجميع
بخصوص الإختلاف في الاسعار شي طبيعي في جميع السلع
ولاكن الفرق لا يكون كبير ولاكن الفرق في الطيور نفسها
لأن الطيور اكيد فيها فروقات عن بعض ولا تكون متتطابقه تماما
فيه طيور غاليه عند اهلها قبل الناس وفعولها معروفه للجميع
وفيه طيور تكون طيبه مع اشخاص غير معروفين واكيد طيورهم غير معروفه

هذه وجهة نظري
عرادي

[لعّاب المنايا]

كلامك بمحله ياعرادي وبيض الله وجهك

[ذراع الذيب]

الله يعينك 00ويرزقك بالطير الطيب00

[طارق الحربي]

صدقت

بس اللي استغربه

يوم ان الطيور الملاوين اللي ذكرت لك فعولها مثل فعل الخضر ليش ما ارتفعت اكثر منه ؟

خصوصا وانها جمعت لون وفعلن زين

[سنجااار]

والله الناس تختلف فيها ناس تدور الوسره وآخر ماتشوف لون الريشه وتبي نصيحتي خلك فرخ وطبعه على كيفك تجيك شبات طب وتنق من بينهن

[ولد الجنوب]

كلامك بمحله الله يعطيك العافيه

[بو هاشم]

الله يرزقك بالطيور الي نتومسك وطيب خاطرك
والربع ماقصرو شوف الي يناسبك فيها

[شبراق]

والله صدقت من منطقه المنطقه تختلف الاسعار
لكن عليك بالوسره الطيبه والسبق واخر شي شف الريشه
طبعاً وجهت نظر وانت ابخص

[لعّاب المنايا]

ذراع الذيب/ الله يجزاك خير
طارق الحربي/ لا يفرق السعر مو مثلها تقريبا يفرق بعشر الآف ريال عشان ريشته ,, ولاهنت
سنجااار/ الله لا يهينك وفعلا كلامك بمحله بس الفرخ انت خابر موب كل فرخ يعرف الحبارى لازم تعلمه وأنا ياخوك عجل اكتفي بطير صايد وعلومه كلها زينه ,,
ولد الجنوب/ الله يعافيك ولاهنت
بوهاشم/جزاك الله خير ولا هنت
شبراق/ وجهت نظرك بمحلها وهذا الشئ اللي أسويه انا الحين الريشه ما تهم الاهم العلوم الزينه,, ولاهنت

[سنافي نجد]

..


اي والله صدقت الأسعار من منطقه لمنطقه تختلف .. لكن الحين كل المناطق رفعت الأسعار



الشكوى لله :(



..

[لعّاب المنايا]

سنافي نجد لاهنت عللى المرور

والشكوى لله