شنطة للمحافظة على ماطور الهواء داخل الكبوت

[مشغول]

صباح الخير

والسلام عليكم

وش رايكم في هذه الشنطة تحافظ على الماطور من الغبار والرمل والامطار

http://wf1122.jeeran.com/Resize%20of%20مكشات%203.jpg


http://wf1122.jeeran.com/Resize%20of%20مكشات%204.jpg

عطوني رايكم

وسلامتكم

[laith]

شكرا لك على طرحك بمافيه صلاح لاخوانك ..

ولكن يااخي المشغول بطاعة الله

الاتلاحظ معي خطورة هذه الشنطه ..;)

خصوصا بانها معرضه للزيوت والبنزين والحراره مما يعني بانها قد تشتعل في اي لحظه لاقدر الله ...

لاتؤاخذني فقد ابالغ ولك الشكر:good:

[مشغول]

هلا بك اخي ليث

صح كلامك ..

لكن أنا جربت ومشيت وقت طويل وطعست وشغلت المكيف وبعدين لمست الشنطة لقيتها باردة
ولا عليها مشكلة .

اما قضية الزيت فهي بعيده عنه البنزين مشكلته مشكله على الشنطة وغير الشنطة فهو يحرق الأوادم ..
الله يكفينا الشر ..

وشكرا على المداخلة ... يا بعدهم .

[فـ(الجـوف)ـتى]

مشكور اخوى تسلم


جزاك الله خير ماقصرت



لك تحياتي0

[الحاتمي]

مشغول الغالي
والله شنطه جيده
بس اتوقع ان الماطور يبي يحتمي
رايي ان السحاب حق الشنطه يكون حر بحيث انك تقدر تخليه ينفتح زياده ويكون الماطور مكشوف
عشان يبرد
او يكون السحاب بشكل دائري من تحت واذا فكيته ينكشف الماطور كليا
ماقصرت اخوي مشغول
الحااااااااااااااتمي

[خشم الحصان]

الاخ العزيز
مشغول
السلام عليكم مشكور اخوي الله يجما حالك علي هالصوره والفكره
اخوك
خشم الحصان:good:

[عروان]

فكرة حلوة, خصوصا اذا تم أختيار قماش عازل وغير قابل للأشتعال.


في نظري لو كانت الشنطة معمولة مثل الغطاء ينزل على الماطور ويربط من أسفل.

بيكون افضل. لانك اذا أستعملت الماطور تبي يجيه هواء من كل مكان حتى يبرد.



تحياتي

[مشغول]

هلا بك .. فتى الجوف

وشكرا على الزيارة

[مشغول]

حياك ربي يا الحاتمي

نعم كلامك جميل ... وفعلا أنا حاط الشنطة كبيرة أكبر من الماطور بحيث بعد ما افك السحاب
اقدر انزل الشراع عن الماطور عشان يتهواء ولا يحتر .

وفكرة السحاب من تحت حلوة

شكرا على الملاحظة

[مشغول]

خشم الحصان تسلم والله

وانت احلى يا بعدهم ... وش اخبار موترك ومشكلته السنوية
;)

[مشغول]

الله يسلم يا عروان

فعلا العازل مطلوب .. لكن القماش التنزاني قوي وضد الحرارة والموية

تحياتي لك

[بركان]

الاخ / مشغول

ولا يهونون الربع

قد يكون من المناسب وضع هذه الشنطة تحت مقعد السائق او الراكب فهو آمن لها حيث يوجد فراغ تحت المقعد يكفي لوضع هذا الماطور. وهناك مكان آخر ومناسب وهو امام مقعد الراكب وتحديدا فوق الارجل وتحت الطبلون وبجانب مروحة التكييف بشرط ان يثبت الماطور وعند الحاجة يمد لي الهواء.

مجرد رأي شخصي. غير ملزم. فمنكم نستفيد.

تحياتي

[مشغول]

هلا بك برررركان

شكرا على المداخلة ...

لكن تحت المقعد ما فيه مكان الماطور كبير ... وتحت الطبلون عند الراكب بيكون واضح وشكله شين

هذا بالنسبه لسيارتي

وتحياتي لك

[ابو ســــاره]

يعطيك العافية على الابتكار وخاصة للماطور الكبير مثل ابو جمل زي حقك بس تبى العلم تراي لقيت شي ازين من شنطتك هاذي وشي جاهز وقوي وبعشرة اريال تدري وشو ،،،
فيه يا طويل العمر عند محل ذيب الصحراء ورى القرية الرياضية شنط حديد حقات الذخيرة حقت الجيش من بقايا حرب الخليج الشنط هاذي تجيك مستطيلة وقوية يعنى تغرقه بالموية ما يدخل اغراضك شي انا حاط الماطور بوسطها ومثبتها بالكبوت وكل ما بغيت انفخ طلعت الماطور منها لا وفيه جهة ثانية حاط شنطه ثانية ومثبتها بمسامير بعد للعدة والحوسة .

[نقا هشال]

فكره رايقه

مشغول شكرا