تانكي لاندكروز فكرة رائعة ( مقترح ) صور

[مشغول]

السلام عليكم

هلا بالجميع

وش رايكم في هذه الفكرة
http://wf1122.jeeran.com/Resize%20of%20مكشات1.jpg

تانكي مكان الدعاسة او السلم يعني تفك الدعاسة وتركب التانكي مكانه ... المكان كبير وسهل ومن الجهتين وممكن تدخله تحت السيارت

واتوقع ياخذ 25 لتر الجهة الوحدة يعني 50 لتر الجهتين :D
http://wf1122.jeeran.com/Resize%20of%20مكشات%202.jpg

وش رايكم في هذه الفكرة :rolleyes:

[تالي الاولين*]

.


انا اشوف ان الفكـــره حليلـــة بس عندك مشكلــة

وهـي ان مكـــان الدعســات معرض دايـم للحصى

الى ممكن يحوس عليك التانكي بس مايمنـــــع انه

يدعم من اسفل بطريقه جيده .... هذا من جهه ..

والشغلة الثانية .. هي انه يبغالك تفصيل التانكـــي

بطريقة جيـــده .. بحيث انه مايشوه شكل السيارة ...

طبعاً هذا رايي والصوره ماطلعت معي بس هذي

المشاكل الى اتوقع تواجها


تحياتي اخوي مشغول


.

[تالي الاولين*]

.

[مشغول]

حي الله تالي الأولين

شكرا على المداخلة وكلامك فيه وجاهه

مساحة التانكي تقريبا
طول الدعاسة 170 في 25العرض في الارتفاع 8 سم = 34000سم
يعني يساوي 34 لتر وهذه جهة واحدة

يعني ممتاز :)

[معشوق]

ياسلام على الفناتق
والله خوووووش طريقه بس مثل ما قال اخوي انه يبالك تصممه بشكل مايخرب شكل السياره

[الحاتمي]

مشغول
فكره رائعه بس مثل ماقالو الشباب يبغى لها تدبيل للتانكي منتحت حتى مايتاثر
والله يعطيك العافيه
الحااااااااااتمي

[مشغول]

مراحب .......... معشوق

اكيد بدور تصميم ما يخرب شكل الموتر .

وتسلم يالغالي

[مشغول]

هلا بك يالغالي الحاتمي

ليش التدبيل نفس التانكي اللي وراء مكان الاستبنه يتعرض للحصى والمطبات والحمد لله ما فيه مشاكل

اعتقد اهم شيء يكون مظهرة جميل .

وتسلم يالحبيب .

[طباخ العزبه]

يعطيك العافيه اخوي

الفكره حلوه لكن تشوه شكل الموتر

واعتقد احسن تانكي للجيوب هو مثل الي في صورة الريح 99

http://www.mekshat.com/pix/upload/images3/watartank1555.jpg

[الحاتمي]

الاخ الغالي مشغول
انا قصدي من التدبيل لانك تعرف ان المكان اللذي سيكون التانكي فيه ضيق نوعا ما وانت بحاجه الى استغلال المساحات لكي لايظهر شكل السياره غير لائق
اويحتك التانكي بالحجاره ويصغر حجمه وتفقد كم لتربسبب طعجه من اسفل علمابان اي طعجه سفليه حتى وان كانت ليست قويه تقلل من سعة التانكي.
والدليل ان احد الشباب كان يعاني من سعة تانكي بنزين سيارته وقال لي ( غريبه ان افلل سيارتي وهي فاضيه بفرق خمسة ريالات عن باقي السيارات اللي من نوع وموديل سيارتي وهن فاضيات؟؟؟)
فلما تاكدنا من تانكي سيارته وجد نا فيه طعجه بفعل ( عقم اوحصاة او ماشابه ذلك )
وانا اقترحت التدبيل لتانكي الماء حتى تحافض عليه من اي شي ممكن ان يؤثر على سعته فيما بعد وتضطر الى تعديله اوتغييره بسبب عدم تدبيله مع العلم ان التدبيل لايكلف الشي الكثير.
والسلام
الحااااااااااااااااااااتمي

[مشغول]

هلا طباخ العزبه

لا لا لا ما يصلح تانكي داخل السيارة

ازعاج ويندي ويطلع ريحه وأهم شيء ياخذ مكان ولازم تفتح السيارة وتمد اللي .:rolleyes:

وتسلم

[مشغول]

هلا بالغالي الحاتمي

نعم الحين فهمت وتسلم والله على النصيحة والفائدة .

[عبار درب]

السلام عليكم ورحمة الله وبركاته
اخواني والله الأمور هالوقت تغيرت في كل ركن في كل هجره بقالات ومحطات ودبات الماء على خمسة اريل وفيه جركل في مركز الصناعات الوطنيه بزبوزه منه وفيه بعشرة اريل هذا حق الغسيل وتعبيه من كل محطة ،التوانكي في الجيوب راح وقتها مع انتشار المدنيه في برانا . لذا لاداعي تكلف عمرك وتخسر دراهم
والا اناغلطان
;) ;) :D :D

[alsagr12]

جزاك الله خيرا
بس الصور ماطلعت
عليها x

[أبو راكان]

السلام عليكم ورحمة الله وبركاته
اخواني والله الأمور هالوقت تغيرت في كل ركن في كل هجره بقالات ومحطات ودبات الماء على خمسة اريل وفيه جركل في مركز الصناعات الوطنيه بزبوزه منه وفيه بعشرة اريل هذا حق الغسيل وتعبيه من كل محطة ،التوانكي في الجيوب راح وقتها مع انتشار المدنيه في برانا . لذا لاداعي تكلف عمرك وتخسر دراهم
والا اناغلطان
;) ;) :D :D
تانكي الماء خارج السيارة ماله مثيل ولهوب خسارة ابد ابد في المدينة ولا في البر كل ما توسخت يديك من بنشر ولا اي شىء لمسته ودك تغس التانكي قريب وفي المدينه لا تملاه حط فيه ربعه او اقل وفي البر امله يا سنايدي ولا ياخذ عليك حيز في الغمارة ولا يندي ما في الغمارة ولا توسخ البر بدباتك والفلوس تروح وتجي وغني مات وفقير مات وبو قرص مات ما كلا قرصه
تحياتي للجميع