الدلة البغدادية (من يكشف السر )

[سكب]

http://www.alassaf.net/products/BagdadeyahC01.gif



اخواني المكشاتيه
اريد منكم معرفة الصوت الموجود في غطاء الدلة وهوعباره عن كوره معدنيه داخل الغطاء في حالة أمالت الدله تسمع الصوت
ويوجد سبب لوضع تلك الكوره
مين الخبير
الحل موجود عند سكب



تحياتي

[الدبل الثقيل]

هذي دله كوريه وارد العساف نفس شكل البغداديه ومافيها كوره .... لذلك ماعندي جواب!!!!!!!!!!!

[سكب]

اخي الدبل الثقيل مشكور
ماعليك من الصورة بس مثال
الهدف الحل

[النفيظ]

السلام عليكم يأخي السكب والله اعلم علشان الضيف او تنبيه الضيف لأخذ الفنجال مثل طريقة ضرب الفنجال بالدله ولا لا

[ناصر الدهمشي]

انا اقول مثل ماقال اخوي النفيظ

[ونيس البرق]

انا اقول مثل ماقال اخوي النفيظ

[شفق]

هذه علامة ان القهوه على وشك الإنتهاء

[جول قميري]

اتوقع انه عشان اذا خلصت القهوة يرجه ويطلع منه الصوت ويفهم الفهيم ويروح يسوي ثانية.. يمكن

[عاشق تمير]

السلام عليكم يأخي السكب والله اعلم علشان الضيف او تنبيه الضيف لأخذ الفنجال مثل طريقة ضرب الفنجال بالدله ولا لا
:good: :good: :good: :good: مثل كلام اخوي مازيد عليه وتقبل مروري

[سكب]

حياكم الله


مشكورين على المحاولة
مالكم لوا
الاجابه بعيده وين المكشاتيه
تحياتي

[joooon11]

والله العالم انها من عشان وزن صلة الدلة بحيث لا تزود الصلة

ابو علي

[ممتر البران]

السلاام عليكم
طيب نحاول
عشان الحثل ما يسد ثعبة الدله ف الا ضربت الكوره المعدنيه جهة الثعبه تهتز ويسقط ما علق من حثل بوسط الدله
تحيتي لكم
ابو سعد

[سكب]

مالكم لوا
تحياتي

[ابولولو]

من اول ماعندهم العاب للبزران وحطينه بالدله فوق البيعه هههههههههه اتوقع اذا احد سرق او اخذ الدله تطلع صوت لان الدله تسوي الشي الكثير عند كثير من الرجال

[برق بريده]

على شان وزن القهوه في الفنجان لما يطلع الصوت؟؟؟

[قوطي فاضي]

اخوي السكب الله يعطيك العافيه

اتوقع والعلم عند الله محطوطه الكوره عشان ينطرب اللي يصب القهوه ههههه

او محطوطه عشان اذا خلصت الدله يهزها اللي يصبها عشان اللي يتقهوون يفهمون ان الدله مافيها شي :)

[(مواصل)]

اتوقع عشان الي يصب مايرك القهوه ويحاول انه مايصلع صوت الكوره من خف الصب

[عبدالله العلاج]

عافاك الله عزيزي على هذا الطرح



وبانتظار الاجابة

[الشقب1]

السلام عليكم الدله كوبي من البغداديه وبخصوص الكور اطلع صوت لتنبيه الصباب بالكميه التى صبها في الفنجال ..

[سيف الظفير]

اسئل واحد من الشمال

عنزي ظفيري شمري


يجيب العلم


واعتقدالكورة وضعت لتنبيه القهوجي بمقدار القهوة بالفنجاااااااااااال

[هاوي البر]

اسئل واحد من الشمال

عنزي ظفيري شمري


يجيب العلم


واعتقدالكورة وضعت لتنبيه القهوجي بمقدار القهوة بالفنجاااااااااااال

نفس الجواب

[سرهيد]

موضوع طريف

وحقيقة انا ممن فكر كثير عن سبب وضع الحديدة في الدلة

لكن اتوقع ان راعي القهوه يبي يطرب مع صبة الدلة

اجتهاد

تقبل احترامي

[دكواااان]

هلاابك اخووي سكب ...



اللي اعرفه ان الدله البغداديه القديمه مايجي فيها صووت ...

واما السنيين اللي طافة الدله البغداديه يجي فيها صووت علشان المنافذ الحدوديه والجمارك لانها تصدر صوت يدل على ان الغطا مافيه شي مهرب .. واذا ماصدر الصوت يفتحونها لانه يجوز فيها شي مهرب...


هذا اللي اعرفه عن الصوت بغطاء الدله البغداديه علشان التهريب فقط لاغير...


ولاتخص الضيف بشي او انه دليل القهوه بتخلص لالا مالهن اي خص في الصوت..


يعني الصوت بالغطاء فقط انه يدل مافيه شي مهرب داخل الغطااا....


وســـــــــــــــــلام...

[محمد الفهيد]

حمستونا نعرف الاجابه
واتوقع مثل ماقال اخوي ممكن عشان يوزن الصبه على صوتها وممكن عشان التهريب

[العاااازف]

اسئل واحد من الشمال
عنزي ظفيري شمري
يجيب العلم
واعتقدالكورة وضعت لتنبيه القهوجي بمقدار القهوة بالفنجاااااااااااال

يعني مايعرف هذه الامور الا هذه القبائل فقط...عندهم علوم الدلال والباقي لا
هذا انتي ظفيري حلها لنا :D

[سكب]

هلاابك اخووي سكب ...



اللي اعرفه ان الدله البغداديه القديمه مايجي فيها صووت ...

واما السنيين اللي طافة الدله البغداديه يجي فيها صووت علشان المنافذ الحدوديه والجمارك لانها تصدر صوت يدل على ان الغطا مافيه شي مهرب .. واذا ماصدر الصوت يفتحونها لانه يجوز فيها شي مهرب...


هذا اللي اعرفه عن الصوت بغطاء الدله البغداديه علشان التهريب فقط لاغير...


ولاتخص الضيف بشي او انه دليل القهوه بتخلص لالا مالهن اي خص في الصوت..


يعني الصوت بالغطاء فقط انه يدل مافيه شي مهرب داخل الغطااا....


وســـــــــــــــــلام...





الشكر للجميع على المشاركه

صاحب الاجابه100% ماشاء الله الاخ دكواااان

عسكم استفدتم

تحياتي

[عبدالرحمن 1]

هلاابك اخووي سكب ...



اللي اعرفه ان الدله البغداديه القديمه مايجي فيها صووت ...

واما السنيين اللي طافة الدله البغداديه يجي فيها صووت علشان المنافذ الحدوديه والجمارك لانها تصدر صوت يدل على ان الغطا مافيه شي مهرب .. واذا ماصدر الصوت يفتحونها لانه يجوز فيها شي مهرب...


هذا اللي اعرفه عن الصوت بغطاء الدله البغداديه علشان التهريب فقط لاغير...


ولاتخص الضيف بشي او انه دليل القهوه بتخلص لالا مالهن اي خص في الصوت..


يعني الصوت بالغطاء فقط انه يدل مافيه شي مهرب داخل الغطااا....


وســـــــــــــــــلام...




كفو والله ياذيبان اللي جبت العلم والله انك وليده ووالله اني ابغض البغداديه من الصوت
اللي بها

[ابو شلش]

كفو والله يالذيبان

[سرهيد]

اخوي السكب

السلام عليكم

اذا الاجابة صحيحة اللي قاله اخوي دكوان

طيب سؤال يطرح نفسه

وش معنى الدلال البغدادية اللي فيها صوت ، و الدلال الرسلان ما فيه صوت .

اليست ايضا قابلة للتهريب ان كان وجهت نظركم سليمة اللي فسرتوا فيها ان السبب هو دلالة على عدم وجود اي شيء فيها تحرك الحديدة

هو جواب منطقي لكن وين بقية الدلال الثانية ما فيه نفس الصوت

تقبلوا احترامي

[مريقب العيفار]

هلاابك اخووي سكب ...



اللي اعرفه ان الدله البغداديه القديمه مايجي فيها صووت ...

واما السنيين اللي طافة الدله البغداديه يجي فيها صووت علشان المنافذ الحدوديه والجمارك لانها تصدر صوت يدل على ان الغطا مافيه شي مهرب .. واذا ماصدر الصوت يفتحونها لانه يجوز فيها شي مهرب...


هذا اللي اعرفه عن الصوت بغطاء الدله البغداديه علشان التهريب فقط لاغير...


ولاتخص الضيف بشي او انه دليل القهوه بتخلص لالا مالهن اي خص في الصوت..


يعني الصوت بالغطاء فقط انه يدل مافيه شي مهرب داخل الغطااا....


وســـــــــــــــــلام...



انت ما اسمك دكواان

انت اسمك ذكوان

كفو يا الذيب

لكن ننتظر رد اخونا السكب على تساؤل الاخ الكريم سرهيد

[قرم البر]

اغدي الاخوان يفيدونك

[مواطن]

اغديك تعلمنا الجواب الله يجزاك خير

[باترول98]

معلومه ممتازه ماكنت تخطر على البال ولا على الخاطر

[عابر القارات 2000]

يعطيك العاااااافيه على هالمعلومه

[سمرقند]

مع احترامي لتصحيح صاحب الموضوع للاخ دكوان
الدلال البغداديه كانت تستعمل داخل العراق وفيها الجرس وهذ شي معروف
والذي نعرفه من سنين أن الجرس وضع للكيف واطراب الضيوف
اما مقوله انه من اجل التهريب ماهو الذي سوف يهرب في ذالك الوقت
مع تمنياتي لكم بلتوفيق

[سرهيد]

السلام عليكم

لا زال السؤال مطروح وهو ، لماذا الدلال البغدادية فقط ، مع ان جميع الدلال في ذاك الوقت ما فيها صوت الجرس .

ثم بامكان المهرب ان يضع له مجرى لتجري فيه الحديد ليوهم اهل الجمارك او غيرهم انها فاضية ويضع في البقية ما يريد .

على العموم هو تساؤل ونحتاج اجابة له والهدف الوصول الى المعلومة الصحيحة .

تقبلوا احترامي

[القضاع]

ياجماعة الربع الصوت اللي بالدله تعتبر ماركه مسجله للدله البغداديه الاصليه وتنفرد بها واللي مافيها صوت لاتعتبر اصليه وشكرا

[العاااازف]

ههههههههه حلوة سالفة التهررريب :D
هذه سلمك الله ...خاصة بالدلال البغدادية نوع من الماركة والسبب
سالفة الطقة تظهر عند صب الفنجال لتنبيه الضيف ان فنجاله ‘صب لان بعض الضيوف الله يجزاه خير تجدة (يهذر)والفنجال امام راسة ويستحي المعزب يقول تقهوى
لكي لايقطع سالفته ........
هذا السبب مو تهريب الله يرزقكم الجنة

[سمرقند]

بعد اذن اخونا السكب واثرائن للموضوع

سوف اقوم بأ نزل صور لدلال البغاديد الاصليه
ولتي يوجد بها الجرس موضع النقاش
فأ رجو انتنال استحسانكم
ولكم مني اجمل تحيه

[راشد الخلاوي]

لعدم زيادة ميلان الدلة حتى لا ترتج القهوه

[سعيد1000]

واحد من الربع عنده بغدادية اثرية وفيها الصوت
الصحيح علشان يزن الصب ولا تجي فيها حثل ( آخر الدلة ) متى ماسمع الكور يعني الدلة مطرفه القهوجي يصلح ثانية
والله اعلم

[شيروكي97]

السلام عليكم ورحمة الله وبركاته عندي وتاحد من الربع يقول انه ان الدله لا طبختها يتسرب بخار الماء داخل الغطاء الدله وعند تحريك الدله تتحرك الكوره الحديديه وبحركة الكوره تجمع بخار الماء المتجمع داخل الغطاء وعند رفع الغطاء ينزل نقط الماء خارج الدله وليس بالداخل(هذا والله اعلم)

[خشيمان]

حجركم سرهيد
يا ويلكم

[سرهيد]

حجركم سرهيد
يا ويلكم

ههههههههه

حلوة منك يا ويلكم

والله ليست المسألة حجر بقدر ما هو الوصول الى المعلومة الصحيحة فقط

ياليت صاحب الموضوع يشرفنا برد يفيدنا ويفيد الجميع ويرد على تساؤولتنا وتساؤلات الجميع

تقبلوا احترامي

اخوكم

ابو عبدالله

[ابو الأيهم]

يا رجال

عشان تفهم الضيوف ان الده باقي فيها كذا قهوة

وكل ما زادت الرنه
يعني ان المصفاة فاضييي


وسلامتك

[سكب]

اخواني الاعزاء
في صدد اثبات الموضوع من مصادر موثوقه
وعدم الرد مقصود لعدم قفل الموضوع ونشوف الاعضاء وش عندهم من علوم لتجتمع اكبر فكره عن الحديده البغداديه

اخي ابو عبدالله ماعليك الصبر زين افكر في ترهيم غطاء الدلة البغداديه:d

[أمين]

لدينا دلة عمرها قرنا و فيها ذات الشيئ

[سرهيد]

اخي ابو عبدالله ماعليك الصبر زين افكر في ترهيم غطاء الدلة البغداديه:d


اخوي السكب

السلام عليكم

ومساك الله بالخير يا بعدهم

ترى الامر عادي طال عمرك بس الهدف معرفة الحقيقة علشان نسوالفها في المجالس ونتسلى بها ، فانا اعتبر معرفة مثل هالامر ثقافة احرص على معرفتها .

بس وش سالفة انك ترهم غطاء الدلة ، وش تقصد بالضبط

تقبل احترام ومودة محبك

ابو عبدالله

[العاذر]

مادام أحد الأخوة عنده الدلة من 100 سنة فسالفة التهريب اظنها ليست السبب
وارجح كلام الأخوة أنها تنبيه على انتهاء الدلة أو تنبيه الضيف بدون قطع السالفة


وش رايكم؟

[المريعي]

الله على فنجالن شربناه قبل امس#### ومخظبن ياسرهيد بالزعفراني

طريتو علي القهوة

ابقرب البغدادية واسويلي فنجال

الله يعطيكم العافية على الموضوع الطيب

[ابوسعودد]

بانتظااااااااااااااار من يثبت لنا الكلام وانا اقول لايكون رايش حديد بس

[الضيغم]

سبحان الله العظيم سبحان الله وبحمده

[الضيغم]

::





::





السلام عليكم ورحمة الله وبركاتة ..


مثل ما قال أحد الأخوان الأكرام ..



أعتقد أنه كميزان لصب القهوه بالفنجال .. بنسبه مناسبه للمتقهوي ..





وبالتوفيق للجميع ..



أعجبتني راع الدله اللي يقول لدينا دله من قرن هههههههههههه



وبالتوفيق للجميع ..




::






::

[الحظ]

تحية طيبة للجميع

الظاهر إنها لجميع ما ذكر أعلاه ...

منها وزن ،، ومنها تنبيه ،، ومنها تنظيف .

هذا اللي عندي وعلمكم غانم يا مال الغنيمة .....

[مكشات414]

آراء متعددة مفيدة يعطيكم العافية .

[طرقي سدير]

مازلنا ننتظر الاجابه الشافيه من اصحاب الخبره بالدلال .. ومن وجهه نظري لم اقتنع باجابه التهريب

ومشكور يابعدي على طروح الموضوع للنقاش

[Raselny]

تحمست اعرف السبب
والله سرهيد استقعد للشباب " ما شاء الله عليك "

بس استقعادك خلى الموضوع شيق.

[علي الصقري]

تحية طيبة ,,
الموضوع جميل , كما تفضل الاخوة لتنبية الضيف

اما بالنسبة لعمر الدلة البغدادية فهو قديم .... فكانت وسائل التهريب اسهل بكثير من الدلة
(وجهت نظر )

[القهوه]

سألت واحد من الشباب له بالدلال قال إن الدله إذا طلعت صوت تكون خربانة تبي نحاس
والعهدة على الراوي.

[الوتر الحزين]

ماشاء الله

الموضوع ساخن

اما عن سالفه التهريب صراحه ماخشت مخي لان الدلال البغداديه معروفه من قديم الزمان ( والمعروف اول ان الجزيره العربيه ليست محكمه الحدود مع الدول الاخرى بالعكس اي واحد يبي يهرب يدخل الجزيره واي واحد يطلع منها بسهوله كلها برااان مالها اول ولا تالي وش اللي بيغطي كل المساحات والحدود هذي ؟؟

التهريب في السابق كانوا يهربون التتن على المواتر وكانت الحكومه تكافحهم لكن الدله البغداديه مصنوعه قبل المواتر بعشرات السنين يعني وش بيهربون فيها يعني. ؟؟؟

اتوقع والله اعلم ان الصوت هذا هو تمييز وعلامه تميز الدله البغداديه عن غيرها من الدلال ...

تحياتي واسف على الاطاله

[SaLoOoM]

والله انا أنلحس المخيخ الأيمن والأأيسر والي بالوسط

لاكن انا عندي دلتين بغداديه

كلهن بهن هالصوت أما الثانيات مابهن هالصوت

فعشان كذا انا اتوقع انه لتمييز

[B A R E K]

يقال والله العالم ..

ان الدلال البغدادية مصنووعة باليد اي مطروقه باليد وليست عمل مصانع .. وان صانع الدلة البغدادية قبل ان يغلق الغطاء يكتب اسمه على قطعة حديد صغيرة ويكورها ويضعها داخل غطاء الدله ثم يغلقها .. حفظا للحقووق ..

[جمـر الـغـضـى 11]

يعطيكم العافيه افدتونا بالمعلومه ...

[ولد وايل]

انا فاك الحصاة منها

[Raselny]

شكل الموضوع مات وسر الدلة البغدادية مات معاه.

[هواوي بروق]

الموضوع مايبيله اجتهاد وزود تفكير..... كل ما هنالك ان هالصوت كيف فقط يعني الدله البغداديه اللي فيها صوت لاسمعت هالقرقشه اللي فيها تكيف زياده وتنبسط وصارت ياخوان ...... ماركة مسجلة
واللي يخبر لي دلال قديمه للبيع لا يبخل علينا.

[(عاشق الهضب)]

ههههههههه سؤال حير الكثير
وانا عندي دله بغداديه نحاسيه والغطاء اصفرذهبي
ونفس الموال نفس الصوت موجود والله اعلم انه مجرد لكي تعطيك نغمات موسيقيه
مثل صاحب النجر لاصار يدق القهوه وخلص الطحن او الدق لازم يعطي كذا دقه على جوانب
النجر ويبعد يده الثانيه منه لايمسكه حتى يعطي موسيكا ههههه صاخبه تاخذوقت وهو يجرس في
اذانيك وهذ اللي عندي والله اعلم واحكم
وتحيااااااااااااااااااتي لكم جميعا

[القنصل,,,]

متابع ......................

[فهد 003]

اخذو العلم من احوكم فهد
الكوره الحديديه هذي فايدتها في وضع الدله على النار
اذا بدت القهوه في الطبخ تبدا الكورة تظهر الصوت
يعني يطلع صوت حركة الكورة عند غليان او طبخ القهوة

اجتهادي :>

[خالد اليوسف]

أسعد الله مساء الجميع بالخيرات
في عام 1424 كنت في بغداد
ورحت لمحل مهدي صالح اللي يسوي الدلال البغدادية
وشريت من عنده كم دله وسألته شخصيا عن هالصوت
قال هذا ياطويل العمر ايام ابوي الله يرحمه كان يشتغل
بالمحل جانا واحد من اهل نجد من بيت السلطان وكان
دائما يجي يشتري من عندنا دلال ومره من المرات اللي
جاء فيها قال للوالد نبي شي يونسنا وحنا على البعارين
اذا رحنا لنجد وقام ابوي وحط لهم هالصوت صار هالصوت
مع الحركه يعطي اصوات حلوه وهم يقومون يهيجنون
هذا ماقاله لي مهدي صالح صاحب المحل ..
طبعا يوم اشوفه كان عمره حوالي الستين
وكان مايقدر يثني اياديه من كثر استخدام المطرقة
وعندي بعض الصور للمحل والدلال احاول انزلها في اقرب وقت ان شاءالله ..
اتمنى اني وصلت المعلومه الصحيحه من المصدر ..
ودمتم بالف ود ..

[حائل.]

عطنا الاجابه افدنا

[نـجم الـشمال]

تقصد ام جرس
ولو قلناعشان يعرفون عدد الضيوف
تركب؟

[مركب الجمس]

عذراً يالسكب غير صحيح ابداً

من فن صب القهوه انه يصب الفنجال للضيف بدون ماتطل صوت الكوره الداخليه

و اذا طلعت فالقهوه مخلصه

[لاهوب الشمال]

ماراح اختلف عن بعض كلام الاخوان

الكوره اتوقع انها للانذار ان الدله خلصت

لانه كم هو معروف قديما والى وقتنا الحالي عند الاكثريه انه عيب تفتح غطاء الدله امام الضيوف الا للتبهيره الثانيه

فاعتقد انها للدلاله على ان القهوة خلصت

[سليمان 10]

علشان الي يصب القهوه مايغفل ولايملى الفنجال 000

[هاوي بر و صيد]

جزاكم الله خير الجميع
وبانتظار سكب
للحكم والاجابه
مدري ان سكب ما يعرف الاجابه بعد......... وش رايكم ؟؟؟؟؟

[ابو سمر]

عندي عدد من الدلال بس ما فيهن الكورة اللي يقول أخوي السكب ، يمكن في نوعية أخرى من الدلال ولم توضع إلا لهدف وبانتظار الأخ السكب ليسكب لنا الإجابة ..

[ع ع]

:confused:

[بن منير]

ماراح اختلف عن بعض كلام الاخوان



الكوره اتوقع انها للانذار ان الدله خلصت


لانه كم هو معروف قديما والى وقتنا الحالي عند الاكثريه انه عيب تفتح غطاء الدله امام الضيوف الا للتبهيره الثانيه


فاعتقد انها للدلاله على ان القهوة خلصت


وانا معك في هالراي

[كر و فر]

السلام عليكم اخوي

انا مسجل خصيصا عشان احل اللغز وان شاء الله الحل صح




والسبب ياطويل العمر عشان يعرفون ان ماهرب فيها شي

يعني

يهزون الدله اذا طلع صوت دروى انها فاضيه (لان اول كانوا يهربون فيها بلاوي)

واذا ما طلع صوت ففيها بلاى

بس اغلب اللي تجي السوق الحين ماهي بالبغداديه الاصليه اللي عليها الحكي

لاكن انا عندي وحده ويالله لك الحمد اهزها وتقرقع يعني مافيها شي جوا ههههههههه

[فرحان بن عيد]

ما أتوقع أنها للتنبه بأن القهوه خلصت لأنه كما هو معروف راعي القهوه يعرف اذا خلصت القهوه أو لا وذلك من معرفته لوزن الدله ولا أضن أنها للتنبيه للي يصب القهوه علشان ما يملا الفنجال للأخر.

بأنتضار الأجابه من الأخوان.

[سيف وقلم]

على الطاري الي عنده دله للبيع ما تقرقع نبيها لزوم الـ...... نبي شيء معتق :D:D

[مشعل الفيصل]

هذى سلمكم الله

اذا فاحت القهوه طلع صفير

يعني اذا حطيت الدله على جال النار وفاحت القهوه من شدة النار تطلع صوت مثل الصفير

وراعي الدله ينتبه لها ويبعدها عن النار

[sbider2002]

ياسلامي على استاذنا الكبير المكتشف المخترع المدرسة سرهيد

ياويل موضوع يخش فيه سرهيد من غير تعدي على اخواني الكرام الافاضل في منتدانا بس سرهيد غير .

بصراحة سؤال سرهيد في مكانه وموقعة ليش بس الدلال البغدادية يعني مايجاب غير البغدادية ؟؟؟

والي يقول من شان الجمارك ماعندة خبر كافي ومستنتج العلم من راسة ويسمح لي في كلامي هذا لاني مابي اقول لحد انه مايعرف الحل ولاكن وضعت لسبب والسبب هذا حلوه الشباب وهو على شان التنبية فقط واللي يقول كذا يسمح لي تقبلوا تعليقي بروح رياضية والله يبارك لكم في حلالكم واولادكم وعيدكم مبارك مقدما تحياتي

[الطرس ممدوح]

والله العالم علشان اذا جاء الضيف يدري ان القهوه توها مصلح

[خالد اليوسف]

أسعد الله مساء الجميع بالخيرات
في عام 1424 كنت في بغداد
ورحت لمحل مهدي صالح اللي يسوي الدلال البغدادية
وشريت من عنده كم دله وسألته شخصيا عن هالصوت
قال هذا ياطويل العمر ايام ابوي الله يرحمه كان يشتغل
بالمحل جانا واحد من اهل نجد من بيت السلطان وكان
دائما يجي يشتري من عندنا دلال ومره من المرات اللي
جاء فيها قال للوالد نبي شي يونسنا وحنا على البعارين
اذا رحنا لنجد وقام ابوي وحط لهم هالصوت صار هالصوت
مع الحركه يعطي اصوات حلوه وهم يقومون يهيجنون
هذا ماقاله لي مهدي صالح صاحب المحل ..
طبعا يوم اشوفه كان عمره حوالي الستين
وكان مايقدر يثني اياديه من كثر استخدام المطرقة
وعندي بعض الصور للمحل والدلال احاول انزلها في اقرب وقت ان شاءالله ..
اتمنى اني وصلت المعلومه الصحيحه من المصدر ..
ودمتم بالف ود ..


اذا الموضوع فيه تحدي عندي تلفون راعي المحل في بغداد ..

[ابو تـركـي]

الله يعطيكم العافية
بس يا ليت تعطوننا الجواب الاكيد والمقنع

[ابوناصر123]

دليل على ان الدله نظيفه

[نـجم الـشمال]

وين الاجابة ياصاحب الموضوع
والا كتبته ونسيته
......

[ولدعرعير]

متابع بصمت
انتظر الإجابة الصحيحة

[محمد القصر]

أسعد الله مساء الجميع بالخيرات
في عام 1424 كنت في بغداد
ورحت لمحل مهدي صالح اللي يسوي الدلال البغدادية
وشريت من عنده كم دله وسألته شخصيا عن هالصوت
قال هذا ياطويل العمر ايام ابوي الله يرحمه كان يشتغل
بالمحل جانا واحد من اهل نجد من بيت السلطان وكان
دائما يجي يشتري من عندنا دلال ومره من المرات اللي
جاء فيها قال للوالد نبي شي يونسنا وحنا على البعارين
اذا رحنا لنجد وقام ابوي وحط لهم هالصوت صار هالصوت
مع الحركه يعطي اصوات حلوه وهم يقومون يهيجنون
هذا ماقاله لي مهدي صالح صاحب المحل ..
طبعا يوم اشوفه كان عمره حوالي الستين
وكان مايقدر يثني اياديه من كثر استخدام المطرقة
وعندي بعض الصور للمحل والدلال احاول انزلها في اقرب وقت ان شاءالله ..
اتمنى اني وصلت المعلومه الصحيحه من المصدر ..
ودمتم بالف ود ..

خذيت منه دلال لاني مغرم بدلال مهدي صالح وليت القاء له طقم

...... ليتك تعرض الصور لو على الخاص ومشكور

[يوسف العوامره]

السلام عليكم ورحمة الله وبركاته..........

عيدكم مبارك وكل عام وانتم بخير

الحل عندي وهو الله يطول باعماركم على طاعته اللي اخترع الدلة وحط الكورة فيها عشان الصوت حب انه
يعلم الناس ليش حط الكوره لانه كان يدري انه راح يذبح الناس الفضول وكان متوقع ان سرهيد يبي يحجر لنا هههههه لكن الرجل مات ومات الحل معه والله يرحمة..

تقبلوا تحياتي
يوسف الظفيــــــــــري

[نـجم الـشمال]

الموضوع له ثلاث سنوات والرجال ناسيه
اصحى ياصااااااااااااااااااااااااااااااااااحي

[سكب]

كل عام وانتم بخير

الموضوع مطروح للنقاش من قبل الجميع
ان شاء الله نشوف الحل الاكيد
الرجاء متابعة الردود السابقة

[(عاشق الهضب)]

الموضوع له ثلاث سنوات والرجال ناسيه


اصحى ياصااااااااااااااااااااااااااااااااااحي


ياولد ايش الكلام كيف من ثلاث سنوات والى الحين مانتهت القضيه ههههه
شي عجيب لازم ترفع القضيه لجامعة الدول العربيه لفك الحصار قصدي لفك اللغز
وشكرا

[الصويتي]

......!!!!!!!!!

ما لقيتو الحل .؟؟؟؟؟؟؟؟؟؟؟

[sedrh]

سلام على الجميع (كل باسمه الحاضر و الغايب) و رحمة الله و بركاته

انا سمعت ان سبب الكوره اللي في غطى الدله حتى يتبين ان الدله مافيها شي مهرب ( مثلا الذهب )
و الله اعلم

[أبلج]

السلام عليكم ورحمة الله

الحكمة من هذا الصوت في الدلة البغدادية حسب ما قاله لي تاجر عراقي يبيع الدلال البغدادية ويتعامل مع مهدي صالح المشهور في صناعة الدلال البغدادية أنه لتنبيه الأعمى على أن المقهوي قد صب له الفنجال فيمد يده ويأخذه لكي لا يقع في إحراج
والله أعلم

[الكهرمان]

السبب في وجود كرة في الدلة البغدادية انها كانت تاتينا من بغداد وكان بعض الاشخاص هداهم الله يستخدمها في التهريب فوضعت الكرة لي التأكد من خلوا الدلة

[الكهرمان]

مثل ما تفضل اخونا sedrh لانها لاتوجد الا في الدلال البغدادية فقط

[ذيب الظلمى]

صفه او علامه لدله البغداديه

[البدوي الفاهم]

السلام عليكم
يعطيكم العاافية على المناااقشة الممتعة والمفيدة
اماا بنسبة للصوت الي في غطى الدلة
هوو حصى صغيرة تحط كا زينة فقط ووطرب عند صب القهواء فقط فقط
واي واحد يقدر يفتح الغطى ويشوفهااا

تحيااتي لكم

[(عاشق الهضب)]

عن اذنك ياصاحب التوقيع ....اعجبني المنظر هذا بس ودي اعرف نوع الدله اللي على المله هي بغداديه ولا لا ابي تفاعل
وسلامتكم
http://smnh2w.bay.livefilestore.com/y1pYc8kqjmxMxPj87N02I3WZa2dxhGbRuAXMHBmddVpoveKfm-6x0hKaIptO1bcIQek_swtjEVbbVs/49.jpg

[راعي الطبرجل]

يالله ثلاث سنين والله عمر هههههههههههه

هي زي ماقالوا الشباب علامه تجاريه علشان تعرف انه بغدادية

[ابوامال1]

السلام عليكم ورحمة الله



الحكمة من هذا الصوت في الدلة البغدادية حسب ما قاله لي تاجر عراقي يبيع الدلال البغدادية ويتعامل مع مهدي صالح المشهور في صناعة الدلال البغدادية أنه لتنبيه الأعمى على أن المقهوي قد صب له الفنجال فيمد يده ويأخذه لكي لا يقع في إحراج

والله أعلم

انا اؤيد ههذا الجوواب

[خالد السلطان]

بغدادية

بغدادية ، جمعه بغداديات .

ويقال : دلة بغداد ، ودلال بغداد .

قال محمد الصعب :

راعي دلال جداد بيض محاديب *** دلال بغداد زهت في وجاره


وقال تركي بن حميد :

ومن صنع بغداد دلال نظايف *** مهاريسها بالليل يسهر دنينها

وقال عبد الله بن دويرج :

يقل اللي قرت عينه مقزيها عن اللذات *** قزت بين البريق وبين عفرا شغل بغداد


وقال منيع بن سليمان بن منيع الشمري :

لا ضاق صدري جبت هدف المناقير *** من شغل بغداد شرينا زهابه


بغدادية : دلة لقهوة البن تصنع في بغداد ، ودلة بغداد من أقدم الدلال المستعملة للقهوة وأجودها ، وقد طرأ عليها عبر السنين الكثيرة تطورات مختلفة وتعددت أشكالها .
وهي مصنوعة من النحاس الأحمر ومطلية بالقصدير الأبيض كلها ، فهي بيضاء .
غير أنه من التطور الذي جرى في صناعتها وتغيير شكلها أصبح بعض ما يصنع منها له غطاء أصفر ، فتتكون الدلة من لونين جسمها كلها أبيض وغطاؤها أصفر .
وقد صنعت دلال تشبه الدلة البغدادية القديمة في شكلها وفي لونها وفي جودتها في بلاد الجوف ، وكذلك صنعت حديثاً في منطقة حائل .
ومن جيد ما قيل في البغدادية :

قال عطا بن خزيم من أهل الخبرا :

لقم ببغدادية تصنع الكيف *** عليه من هجرانها لا تخافي
معها ثلاث تقل بط مهاديف *** من صنع بغداد ألطاف نظاف

المرجع
كتاب الأطعمةوآنيتها ، سعد بن عبد الله بن جنيدل.

منقول

[تساهيل1]

واحد يقول عشان التهريب وواحد يفول اسال ظفيري وشمري
وواحد يقول لتنبيه الضيف
وواحد يقول عشان الاعمى ينتبه طيب الاعمى يوم تاخذ فنجانه
تجي تهز الدله قدامه ؟ هههه اذا صبيت له بتقول تقهو يبو فلان

هههههه واللي ضحكني اللي يقول ان الصانع يكتب اسمه على الكوره ويحطها حفظ للحقوق

كاإاإاإاإاي كاإاإاإي وش يحس فيه هذا بجد هههه

هذي فقط صفه او فكره طرت على الصانع واضافها
لا اكثر ولا اقل

[الطرس ممدوح]

والله اعلم ان الصوت يدل على ان القهوه بكر
وتقبل مروري

[صباح الشمري]

السلام عليكم ورحمه الله وبركاته
كيف حالكم اخواني المكشاتيين
الصوت هو لتنبيه الضيف لصب الفنجال

[تساهيل1]

السلام عليكم ورحمه الله وبركاته
كيف حالكم اخواني المكشاتيين
الصوت هو لتنبيه الضيف لصب الفنجال




يعني الضيف كان مغمض وهو يتقهوى ؟؟؟

هذا الشي مستبعد

[تربة الشمال]

على حسب معرفتي لتنبيه الظيف قبل مد الفنجال

[الضباوي]

السلام عليكم
من وجهة نظري
انه عشان يبين ان الي يصب القهوه محترف
يصبها ولا يطلع صوت الخرزه
وان كان هذا علامه للي مسوي الدله يحط اسمه فهم مبدعين

[(هزاع)]

هي اشاره لانتهاء القهوه الموجوده بالدله
لعدم احراج المقهوي والمتقهوي : فيخلف الظيف (بس)