ابي افضل الاماكن الصيد في الجبيل المردومه

[صياد خليجي]

الصراحه ياشباب انا اروح البحر وعابد البحر عباد وانا ولا مره في عمري طلعت اسبيطيه او شي يعني يزيد عن نص كيلو وانا ما خليت مكان الا ورحته الجبيل : راس ابو علي المردومه راس تنوره الدمام القطيف
والقطيف كل يوم اروح من الساعه ثلاث ونص وما ارجع الا بثلث او اربع قرفانات اصغار
انا زهقت يا جماعه ابي شي كبير وانا صار لي اروح البحر من يوم عمري تسع سنوات الا الحين ما صدنا شي كبير صار لي خمس سنوات وانا اروح القطيف والجبيل ولا اصيد شي كبير كل قرقفان اصغار ابي اعرف شنو الحل يا جماعة الخير ابيكم ادورون لي مكان عدل في الجبيل وفي تركيه وفي القطيف جزاكم الله خير مع الوصف الدقيق لأني توني جاهل ضغير ما افهم بسرعه عمري 13 سنه فقط ابي ردكم بسره تكفون مستعجل ابي اروح اصيد شعم صبيطي شعري شي يعني يفرح القلب

[السهران1]

انا ما املك لك الا الدعاء ( الله يفرح قلبك بامسرات وبالمراكز العليا ويمتعك بوالديك ويبلغهم فيك )
ان شاء الله الاخوان هنا ما راح يقصرون معك

اخوك السهران

[شاهين2007]

تبي شي كبير روح سوق السمك :p

شوف اخوي
عندك شاطي النخيل مقابل الحويلات في الجبيل الصناعيه
عندك مرسى البوعينيين
وعندك مخيمات سابك

جربهم واعي لي
بس اذا ماصدت شي لا تدعي علي:D

[صياد خليجي]

يعني تسخر عليي يا اخ شاهين الله يسامحك بس انا ترى اتكلم معاكم جد

[مهوس صيد]

حتى انا نفس الشي بس كم مره عند الفن تايم اطلع سبيطي ولخمه وقروش وكم مره عند السوق النسائي طلعت شعوم كبير

[شاهين2007]

صياد نمزح معاك حبيبي
جرب الاماكن اللي قلت لك عليها
واذا ماصدت شي قولي ولك رحله بحريه على حسابي لداخل البحر تصيد اللي تبي وهذا وعد

[صياد خليجي]

اخ شاهين انا الصراحه مو من الجبيل انا من القطيف يعني ما ادل اماكن هناك يا ليت توصف لي الاماكن الا فيها الصيد ابي ردك بسرعه ضروري

[محب صيد السمك]

يا أخي الكريم أتمنى لك التوفيق وأن تصيد السمك اللي تتمناه ولكن عندي ملاحظة كبيرة على ما كتبته في موضوع بأنك (عابد البحر عباد) وهذه الكلمة التي كتبتها خطرها عظيم على دينك فاستغفر الله على هذا وكلنا لا نعبد إلا الله عز وجل ......

[صياد خليجي]

وش دعوه 100 واحدشاف المشاركه واربعه بس الا رادين عليها

وين الصيادين المكشاتين وينهم خلهم يفيدونا بأخبارهم

[صياد خليجي]

يا اخ محب صيد السمك انا قلت عابد البحر عباده يعني مو عابدنه كصلاه او صوم ان قلت عابد البحر عباده تشبيه كالعباده بأني مهتم با لذاهاب الا البحر مثال انت لمن تقول انا عابد المسجد عباده يعني انت مهتم بالذهاب الا المسجد كما تهتم بذهاب الا بيت الله الحرام ونحو ذالك
مثال ثاني : انت تصلي و تتعبد على السجاد الخاص بك في منزلك عندما تتعبد على السجاد وتركع وتسجد عليه فهل انت عابد لهذه السجاد فهمت يا اخ محب صيد السمك (ولا تظنوا ان بعظ الظن اثم )

[وحش الفريق]

انا من القطيف اخوك عندك اوشيان الفجر قبل لا تطلع الشمس بشوي في صيد
امشوا وقرقفان بس الزمارير يزهق بس بتصيد شي طيب انشا الله
وعندك للسان الصغير وهدا انا صايدنه من اهناك من قبل كم يوم وعمري 15

http://bp0.blogger.com/_noowUi4YFrs/RrtkH2_MHlI/AAAAAAAAAWE/UQoMBp__Z58/s320/%D8%AD%D8%A7%D8%B3%D9%88%D9%85+copy.jpg (http://bp0.blogger.com/_noowUi4YFrs/RrtkH2_MHlI/AAAAAAAAAWE/UQoMBp__Z58/s320/%D8%AD%D8%A7%D8%B3%D9%88%D9%85+copy.jpg)

[مدمن الأسماك]

عشان تصيد سمك كبير جرب طعم المنشوس او سلس او ميد او مصارين بمردومة او شاطىء النخيل وعندك شاطىء القطيف مليان سبيطى يا حبيبى ليه تروح بعديد خلى طعمك مصارين وترديعة يعنى الميدار تحت وبين الميدار والثقل متر ونص او مترين وحالوى ترمى بعيد ويكون خيطك 40 او 45 واختار بداية السقى ونزوله وابشر بالسبيطى او الهامور او الباركودا الكبار ومتنساش تقولى ايش سويت ومعظم السبيطات اللى فى توقيعى انا صايدها من القطيف وشاطىء القطيف كله فيه سبيطى

[maxamer]

اولا اخي العزبز
الصيد هالايام تعبان شوي والصيد ارزاق
ثانيا
اذا تريد تصيد الكبير لازم تتبع خطوات الكبير مثل الترديعة طويلة المجدار كبير وقت الصيد مثلا السبيطي اذا تبيه لازم تروح له والماية نازلة مو مرتفعة يعني وقت السقي مكانه الرمل وليس عند الصخور
ثالثا
انا من القطيف واحتمال نروح ليلة الجمعة الجبيل اذا لك نية راسلني على الخاص بدل ما اوصف لك

[accentkool]

اذا تبي الكبير سو الشغلات الخاصة فية
يعني لازم يكون طعمك سمك(ميد-سلس-منشوس-مصران-زمرور)
لازم بعد يكون ميدارك كبير(8-9-10)
والخيط عطة مقاس(50-60)
وحركة الربطة لازم تكزن رداع(ميدار تحت والثقل فوق)
والعصا القصبة لازم تكون قوية وتستحمل اوزان(جي ام سي -براكودا)
والله يرزقك بالصيد الكبير

[alqamr]

اخوي صياد الخليج ان شاء الله نحسن الظن ولكن الافضل الابتعاد عن هذي العبارات المرعبه لانه بصراحة لم استعوب ماكتبت في البداية ا سال الله العظيم يغفرلنا جميعا
ويرزق من واسعه فضله ويرزقك سبيطي يطيب الخاطر :)


)
والعصا القصبة لازم تكون قوية وتستحمل اوزان(جي ام سي -براكودا)

اخوي اكسنت كووول بنسبة لي قصبه البركودا هل تم تجربتها على الاوزان الثقيله فوق 10 كيلو ؟؟؟
انا امتلك الحمدالله قصبتين وبصراحه معجب بها ولكن لم تجربها اختبار حقيقي

[White_Shark]

السلام عليكم ورحمة الله وبركاته

أخوي صياد خليجي , مثل ماقالوا لك الإخوان إن أردت أن تصطاد السمك الكبير عليك أن تحسب حساب أربعة أشياء :

1- التوفيق من الله .
2- حاول الصيد في أوقات المد العالي , يعني بدايات الشهر وأنصاف الشهر وأواخر الشهر بالنسبة للمناطق الضحلة .
3- استخدام العدة المناسبة ( الخيط والميدار والثقالة والطعم والترديعة المناسبة ) .
4- الصبر والتعلم من الأخطاء .

ملاحظة : بخصوص ماذكر من عبارة ( وعابد البحر عباد ) لا أرى فيها أي مشكلة أو حرج وهي كناية عن تعلق هذا الشاب بالبحر إن كنا نؤمن بأن الأعمال بالنيات , ألا نقول نحن ( من علمني حرفاً صرت له عبداً ) فهذا لايعني بأن على الطالب عبادة استاذه الذي علمه الحروف ولكن لتبيين الأهمية في الأمر .. فكونوا سلسين في تعاملكم مع الآخرين ولا تأخذوا الكلمات على ظاهرها .

تحياتي للجميع .

[معاند سيف]

ماعتقد ان مشكلتك مقاس ميدار او نوعيه طعم. 5 سنين خبره كافيه انك تكون نوخذه. اعتقد المشكله في المكان والتوقيت.;)
في الدمام والخبر: نهايه شهر سبتمبر الكنعد افضل وقت للكنعد, يبين السبيطي والهامور علي السيف. لكن افضل وقت للسبيطي والهامور شهر 11+12 بالارساليات.:good2:
العزيزيه + راس تنوره: شهر 1+2 بالعصا.(عليك بالمنجوس الحي):good2:

حالياً فيه هامور و سبيطي و قدود بالدمام والخبر. لكن يبي لك صبر. :(