أماكن صيد حول جزيرة جنا

[@القصمنجي@]

السلام عليكم ورحمة الله وبركاته

مساكم الله بالخير يالربع

أنا ناوي أطلع انشالله جزيرة جنا هالسبوع
وأبيكم تفيدوني بأماكن صيد حولها الله لا يهينكم
الصيد راح يكون سنوركل وخيوط

ولكم جزيل الشكر مقدما

[شاهين2007]

الجبيل فيها جزيرتين بهالاسم
اي وحده تعني؟ اللي قريبه من السيف والا اللي 40 كيلو شرق الجبيل؟

[@القصمنجي@]

أنا رايح انشالله للجزيره اللي عن جريد 15 كيلو تقريبا اللي حول راس ابو علي
(جزيرة الخوالد)

لا والله يا خوي الظاهر انه انا اللي مضيع المهم اننا الي بنروحلها هي ديرة الخوالد
فاللي يعرف حولها مناطق صيد يفيدنا الله لا يهينه

وألف شكر أخوي شاهين على مرورك

[شاهين2007]

اخوي
حدانا مضيع:D
لان اللي اعرفه ان جزيرة الخوالد على السيف بينها وبن البر اقل من كيلو
ولا هي بحول جريد او ابو علي مثل ماهو باين بالصوره ..
اضغط على الصوره لتكبيرها...

http://up5.m5zn.com/photos/00032/lhjaqfupxd1k_th.jpg (http://up5.m5zn.com/photos/00032/lhjaqfupxd1k.jpg)

[spearo]

مرحبا بك اخوي

اذا كنت رايح لجنا البعيدة

-للحداق افضل شي جنوب البوية الي تحتها الرك وهم شمال الجزيرة

-للسنوركل اي مكان حول الشعب وافضلها جنوب الجزيرة


ومايحتاج اوصيكم بالمحافضة على الشعب وعدم رمي الانكر بل ربطة بالشمندورات الي حول الشعب

وبالسلامة انشاء الله.

[@القصمنجي@]

والله يالربع أبشركم رحنا واستانسنا ولله الحمد وكانت الرحله رااااااااااااايقه مره جو وخوة طيبه وصيد بس للأسف ما كان فيه تصوير والجزيره كلها صيد والأجمل أن المياه الضحله حول الجزيره مساحتها كبيييييييييره يعني للسنوركل أووووووووووووووكي أنا العاده أروح لجريد بس طلعت هذي أحسن بووووووواجد وأنصح زيارتها وأكد على المحافظ عليها لأنها بالأخير لنا كلنا وجميع المناطق الجميله بالبر والبحر

[المرعي]

عفوا سؤال ... كيف اقدر اوصل للجزيرة هذي وهل يحتاج لها تصاريح او اي شي ؟ ياريت بالتفصيل الممل ... :)

[المقنع666]

الله يوفقنا وياكم