يا شباب ابغى عزبة

[مسوي راعي بر]

السلام عليكم ورحمة الله وبركاته

وين القى العزب الزينه والسعرها معقول طبعن كامله ولو حصل تعطونا اغراض العزبه من قدور وووووووو

[تالي الاولين*]

.


والله وانا اخوك ماعتقد تلقى عزبه كاملة وتشفي سبدك الى

الى تجمعها انت حسب حاجتك ... يعني اشتر الشنطة اول شي

ابد في التجميع اول شي الاساسيات ... وبتاخذلك ثلاث او اربع

طلعات بعزبتك ... قبل تطلع تعتقد انها كاملة ولا تكتشف نقص

فيها الى في طلعتك وكل كشتة تكمل فيها و تصير عندك كامله

مكمله ...



.

[الشاقي]

مثل ماقال لك تالي الأولين وانا بأعطيك بعض اللوازم اللي تفيدك
قدر-صحن-بريق شاهي -بريق قهوة-دله-سكاكين وملعقة كبيرة وصغيرة-ذراية -غاز-غضارة لغسل الرز والبيالات ولبعض الحاجة-بيالات وفناجيل - ليفة دلة-وعلب تحط فيهن السكر ...الخ
عموماً علشان ما تنسى شي اتبع اللآت:
حط ببالك مثلاً:
(السكين) كل واحد منا ممكن ياخذ سكين ومن الممكن انه ينسى الملعقة لكن انت من يوم يجي على بالك السكين اعرف انه يتبعها اشياء واجد مثل ( مجفاة وملعقة صغيرة ومقص معلبات(مقص صلصة)و مبرد وساطور كان الطلعة فيها ذبيحة والا مايحتاج لأنه ثقيل
مثل ثاني :
بتاخذ الدلة ... اييييه الدلة يتبعها الآت:
بريق تبهير-ليفة - تمر-فناجيل - قهوة - هيل-زعفران-
وهكذا........ الين تصير طير بر هههههههههه
امزح .. اتوقع ان دمك خفيف والدليل اسمك وعلشان كذا مزحت معك

[مسوي راعي بر]

تسلمون يا شباب عاد تصدقون اني ناسي اني كاتب موضوع :D طيب وين القى الرخيص لان السنة هذي سميتها سنة الطفره او الحديدة