وامسا علينا الليل والحر شبعان 00000 واصحابنا من مخلب الطير دسمين

[يوسف الخليفة1]

بديت باسم الحي خلاق الاكوان=جعل حياة الناس من بين دارين
دارن جعل وقته من العمر نقصان=والدار الاخرى بين شوك ورياحين
اما حياتن فيها قصرن وريحان=والا عذابن فيه نار وثعابين
في تالي الدلجه على جيب نيسان=مشيت من دارن شمال القشيعين
ومن عند خشم ابان والنور ما بان=واطلب عسى مقسوم ربي لنا زين
معي زهابي مع شغاميم صبيان=من فوق جيبن يشبه لعوم دلفين
سريت انا من بين سلمى ورمان=نويت انا لولاح من دون عرقين
عقب الظهر ممشانا والمزن هتان=نجايعن بين الشعف والمطامين
ومن الوناسه بين عشبن وغدران=الكيلو فيها كنه حساب شبرين
نزلنا في دوحن يجي دون عرنان=رتعنا في ظله وصرنا ونيسين
غنا الحمام بعالي الغصن فرحان=جاوب صدا صوته رفاع الضلاعين
توحي مداه بشوحة الضلع رنان=والقلب من حسه لواه البطينين
والطير حطه بين جذعن وذريان=قبل الشفق يظهر مع الغرب ويحين
عطه العلف جربوع مع نصف سمان=والا الخضاري من هكا الفرخ ثلثين
واشعل لنا نارن تثنا به لسان=والحق لها عرنن ترانا مبيتين
وارفع ذبيحتنا عن الذيب سرحان=واركب لنا بريقن يجي قد سطلين
وانا معك يا صاحب العز ذيبان=ترا الذي يعناك يالذيب يعنين
والفجر زان الكيف مع صوت الاذان=والشاهي بسود الهوادي مراكين
مشينا بيمن برد من بين حصيان=يم جبلات مزبنات الشياهين
ولقينا جرة خرب حذرن وجفلان=تذرا بالعوشق لما خلفه يبين
بارضن ليانه رشقت فيها الامزان=فيها الرتج ومفلقعات العراجين
ودلا يكوبر خاسي الحال كوبان=سطه ولطه بين كف وجناحين
تهاوا يمه كامل الريش بقشان=تله مع الحنجور بين الوريدين
جعلنا ربعه لاشقر الريش جوعان=والباقي طعمه للربوع الكريمين
وامسا علينا الليل والحر شبعان=واصحابنا من مخلب الطير دسمين
رجعنا بعد ايام والكل شفقان=تسمع مع البيدا هدير الشكامين
ايام راحت بين ذكرا وقيفان=ولا لنا غير الشعر والسباحين
يا ما حلا وقتن على ذيك الازمان=يوم الحباري بين ساقن وفرقين
واليوم دركال الشياول بشعبان=والطلحه بظله عظام وجوالين
ما بالخلا غير الصباري وخيفان=والعرفجه دونه جرار وكراتين
والصيد قل وما بها غير ضبان=ونزايل الاطيار وقت الحميمين
والعشب ما غير اخضرن عند مرحان=اما شعير او هيبان وكراعين
حتى قليلن من يجازي بالاحسان=الا نشاما بالخلايق قليلين
هذي هي الدنيا معيشه ونسيان=والجيل ما يلحق مع العمر قرنين
وصلاة ربي عد ما يولد انسان=على النبي عداد حب الرمامين







( يوسف الخليفة )

[alsarm]

صح لسانك وبيض الله وجهك

[نديم المجره]

واليوم دركـال الشيـاول بشعبـان 00 والطلحـه بظلـه عظـام وجواليـن
ما بالخلا غير الصبـاري وخيفـان 00 والعرفجه دونـه جـرار وكراتيـن



لله درك يابوعبدالله

تصدق اني اقراء القصيده وكأنني ارى المنظر امامي

وهذا يدل على روعة التصوير بالحروف
سلمت ابداعك استاذي الكريم
تحياتي

[يوسف الخليفة1]

صح لسانك وبيض الله وجهك


مرحبا بك أخي alsarm وصح بدنك وأنار الله محياك وأدخلك الجنة وغفر ذنبك وحياك ربي

[عبدالرحمن الخالدي]

صح لسانك يا أبوعبدالله وعلاشانك وسلم بنانك .

[سكب]

صح لسانك يا أبوعبدالله

ماشاء الله
يعجز الشخص عن مجارات قلمك فانت المبدع وحدك وأنت الفنان ترسم لنا لوحات الشعربكل
صدق

تحياتي الخاصه لك

[أبو فهد العيد]

ايـام راحـت بيـن ذكـرا وقيفـان *** ولا لنا غيـر الشعـر والسباحيـن



يا ما حلا وقتن على ذيـك الازمـان *** يوم الحباري بيـن ساقـن وفرقيـن



واليوم دركـال الشيـاول بشعبـان *** والطلحـه بظلـه عظـام وجواليـن



ما بالخلا غير الصبـاري وخيفـان *** والعرفجه دونـه جـرار وكراتيـن




صح لسانك يـابوعبدالله.عز الله قصيده قلبت المواجع..

[يوسف الخليفة1]

واليوم دركـال الشيـاول بشعبـان 00 والطلحـه بظلـه عظـام وجواليـن
ما بالخلا غير الصبـاري وخيفـان 00 والعرفجه دونـه جـرار وكراتيـن



لله درك يابوعبدالله


تصدق اني اقراء القصيده وكأنني ارى المنظر امامي

وهذا يدل على روعة التصوير بالحروف

سلمت ابداعك استاذي الكريم
تحياتي





أخي نديم المجرة مرحبا بك أيها الشاعر وشهادتك تعني الكثير ورفع الله قدرك وعلا شأنك والحمد لله فإذا أعجبتكم

الأبيات وتسليتم بها وأدخلت السرور على نفوسكم فهذا يكفينا وسلمك الله وشكرا لك أخي

[يوسف الخليفة1]

صح لسانك يا أبوعبدالله وعلاشانك وسلم بنانك .


مرحبا بك أخي مذكور وصح بدنك وسلمت وغنمت ولك مثل دعائك وحياك ربي

[يوسف الخليفة1]

صح لسانك يا أبوعبدالله




ماشاء الله
يعجز الشخص عن مجارات قلمك فانت المبدع وحدك وأنت الفنان ترسم لنا لوحات الشعربكل
صدق



تحياتي الخاصه لك



حلت البركة بوجود أخي سكب وصح بدنك وزادك الله علما ورفع الله مقدارك وعسى أن نكون عند حسن الظن


والله المستعان وإذا أدخلت الأبيات السرور على قلوبكم فهذا مطلوب والحمد لله ولك تقديري واحترامي

[بوخالد الكعبي]

صح لسانك يالغالي

[ابرق العزاف]

صح لسانك الف ابو عبدالله والله يحفظك

وفعلا البر اليوم موجع ولاعاد يونس

اخي بودي اسئلك وين ساق وفرقين اين تقع
صح لسانك الف وياهلا بك

[يوسف الخليفة1]

ايـام راحـت بيـن ذكـرا وقيفـان ***

ولا لنا غيـر الشعـر والسباحيـن




يا ما حلا وقتن على ذيـك الازمـان ***

يوم الحباري بيـن ساقـن وفرقيـن



واليوم دركـال الشيـاول بشعبـان ***


والطلحـه بظلـه عظـام وجواليـن



ما بالخلا غير الصبـاري وخيفـان ***


والعرفجه دونـه جـرار وكراتيـن





صح لسانك يـابوعبدالله.عز الله قصيده قلبت المواجع..




حياك الله أخي ولد حنيظل وصح بدنك ولا أراك الله مكروها وسلم الله قلبك ورزقك الله الخرب والدجاجة على

أول الموسم وأتم الله ريش طيرك وحفظك وحفظه لك وشكرا أخي

[ابوالجازي]

صح لسانك يابو عبد الله1
وفيت وكفيت
الله يعطيك العافيه

[سنافي نجد]

..



ومن الوناسه بين عشبن وغـدران
الكيلو فيها كنـه حسـاب شبريـن






انا اشهد .. صح لسانك يا ابوعبدالله .. والله انها عالجرح




..

[فهد الهلالي]

ابو عبد الله اسعد الله اوقاتك وامدك الله بالصحه والعافيه
اولا ياخي الكريم لااعرف كيف اوصف لك مشاعري حينما قرات هذه القصيده التي اخرجتها لنا على فلم سينمائي نراه بالقراه فانت وصفت لنا الرحله من البدايه حتى النهايه حيث تكلمت عن واقعنا هذا الوقت حيث ان الصحاري اصبحت كسله مهملات اعزكم الله خاصة في الاماكن الجميله
ولكن سعدت في وصفك للطير والهدد حينما قلت(تهاو يمه كامل الريش بقشان 0000 تله مع الحنجور بين الوريدين)
على العموم صح السنك يابوعبدالله مليون ولايكفون
ارجو قبول تحيتي ودمت

[مقدور]

ما بالخلا غير الصباري وخيفان=والعرفجه دونه جرار وكراتين
والصيد قل وما بها غير ضبان=ونزايل الاطيار وقت الحميمين
والعشب ما غير اخضرن عند مرحان=اما شعير او هيبان وكراعين
حتى قليلن من يجازي بالاحسان=الا نشاما بالخلايق قليلين

الله الله صح لسانك مليون شاعرنا ابو عبدالله

ودائما مثل العادة متالق وصور شعريه في غايه الروعه

ماننحرم من هالابداع يارب

[يوسف الخليفة1]

صح لسانك يالغالي


الأخ بو خالد الكعبي صح بدنك أخي العزيز وغفر الله ذنبك وشكرا لك

[يوسف الخليفة1]

صح لسانك الف ابو عبدالله والله يحفظك

وفعلا البر اليوم موجع ولاعاد يونس

اخي بودي اسئلك وين ساق وفرقين اين تقع
صح لسانك الف وياهلا بك


حياك الله أخي ابرق العزاف وصح بدنك وبارك الله فيك وساق جبل في القصيم وبالتحديد شمال مدينة الرس كان


مسرحا طيبا للحباري والأرانب والآن فرشت أرضه رشاشات المزارع وفرقين جبل جنوب غرب القصيم تقريبا


وأقرب المدن له مدينة الرس ليس ببعيد عن جبل سواج الشهير وتشاهد له رأسان في قمته وهذا سبب التسمية


وهناك جبل آخر يسميه البعض فرقين وسبحان الله قريب جدا من شكل هذا الجبل يقع بجوار جبل عاج عند قرية


بلغة غرب القصيم لعلي وفقت في إجابة سؤالك وحياك الله أخي العزيز

[يوسف الخليفة1]

صح لسانك يابو عبد الله1

وفيت وكفيت

الله يعطيك العافيه



مرحبا بأخي العزيز أبو الجازي وصح بدنك وأنت معافى وحفظك الله ورعاك وشكرا لك وحياك ربي

[دغيم1]

السلام عليكم ورحمة الله وبركاته
الله يعطيك العافية أخي الغالي
أبا عبد الله
صح لسانك على القصيدة الرائعة والجميلة
ساقف عند الجزئية التي تعنيني
فأنا وللأسف ليس لي خبرة في الطير
وإن كنت احبه وأعتبره رمزا وفخر
كم من مكان جميل بات اليوم مسرحا خاليا
من مقومات الرحلة ،
وبقيت الذكريات نرويها للأجيال .
تقبل تحياتي

http://www.mekshat.com/pix/upload02/images73/mk46848_dscn3791.jpg
.

[يوسف الخليفة1]

..




ومن الوناسه بين عشبن وغـدران
الكيلو فيها كنـه حسـاب شبريـن






انا اشهد .. صح لسانك يا ابوعبدالله .. والله انها عالجرح





..



الأخ العزيز سنافي نجد صح بدنك ولا أراك الله ما تكره وأدخلك الجنة وحياك ربي

[يوسف الخليفة1]

ابو عبد الله اسعد الله اوقاتك وامدك الله بالصحه والعافيه
اولا ياخي الكريم لااعرف كيف اوصف لك مشاعري حينما قرات هذه القصيده التي اخرجتها لنا على فلم سينمائي نراه بالقراه فانت وصفت لنا الرحله من البدايه حتى النهايه حيث تكلمت عن واقعنا هذا الوقت حيث ان الصحاري اصبحت كسله مهملات اعزكم الله خاصة في الاماكن الجميله
ولكن سعدت في وصفك للطير والهدد حينما قلت(تهاو يمه كامل الريش بقشان 0000 تله مع الحنجور بين الوريدين)
على العموم صح السنك يابوعبدالله مليون ولايكفون
ارجو قبول تحيتي ودمت


أسفرت وأنارت بوجود شيخنا الغالي الشيخ مسكين لو سجلت حضور بدون أي كلمة يا شيخنا لكفانا منك ولسعدنا

به والحمد لله أنك مسرور بالقصيدة فهذا مكسب لنا فصح بدنك وتحيتك ليست مقبولة فقط بل فوق أكفنا نداري عليها

[يوسف الخليفة1]

الله الله صح لسانك مليون شاعرنا ابو عبدالله

ودائما مثل العادة متالق وصور شعريه في غايه الروعه

ماننحرم من هالابداع يارب


سلامة الأحباب ورفع العتاب وبهجت الأنفس من المشارك هل أنت فعلا مقدور أين أنت أخي قلقنا عليك في

الحقيقة نفتقد الطيبين أمثالكم ولا يهون من يقرأ فيا أهلا وسهلا بك أخي مقدور وصح بدنك ورفع الله قدرك وبشرنا

عن أحوالك أخي عسى أن تكون بخير وحياك ربي وسلمك الله

[ذيب طي]

صح لسانك ياشاعرنا الغالي -عز الله انك صورت لنا الرحلة وماقصرت- وحرم الله وجهك من النار ومن يقرا...

[يوسف الخليفة1]

السلام عليكم ورحمة الله وبركاته

الله يعطيك العافية أخي الغالي
أبا عبد الله
صح لسانك على القصيدة الرائعة والجميلة
ساقف عند الجزئية التي تعنيني
فأنا وللأسف ليس لي خبرة في الطير
وإن كنت احبه وأعتبره رمزا وفخر
كم من مكان جميل بات اليوم مسرحا خاليا
من مقومات الرحلة ،
وبقيت الذكريات نرويها للأجيال .
تقبل تحياتي


http://www.mekshat.com/pix/upload02/images73/mk46848_dscn3791.jpg

.



وعليكم السلام ورحمة الله وبركاته أخي دغيم 1 أنت إما أنك تتحفنا بأسلوبك الجميل أو أنك تبهرنا بصورك

الجميلة ارفق علينا قليلا فصح بدنك وأنار الله محياك وأسعدك الله في الدنيا والآخرة وشكرا جزيلا وحياك ربي

[جو الشيخ]

صح لسانك وبيض الله وجهك

[المان العرب]

الله درك والله انك تغرف من بحر يابو عبدالله ماشاء الله عليك صح السانك ياشاعر مكشات

[يوسف الخليفة1]

صح لسانك ياشاعرنا الغالي -عز الله انك صورت لنا الرحلة وماقصرت- وحرم الله وجهك من النار ومن يقرا...


مرحبا بذئبنا الفاضل ذيب طي وصح بدنك وجعل الله حياتك أنس ومسرات وأدخلك الجنة وأجارك من النار

[يوسف الخليفة1]

صح لسانك وبيض الله وجهك


الأخ جو الشيخ صح بدنك وأنار الله محياك وشكرا لك

[يوسف الخليفة1]

الله درك والله انك تغرف من بحر يابو عبدالله ماشاء الله عليك صح السانك ياشاعر مكشات


أهلا وسهلا ومرحبا بأخي العزيز المان العرب وأبحرت في نعيم الجنة وصح بدنك ورفع الله قدرك وشكرا جزيلا

[الخيال2006]

الله اكبر


صح لسانك ابو عبد الله1 على هالرائعه


قصيده صغتها بتمكن بارك الله فيك


امتعتنا بكلماتك المنتقاه والجزله

[يوسف الخليفة1]

الله اكبر



صح لسانك ابو عبد الله1 على هالرائعه


قصيده صغتها بتمكن بارك الله فيك



امتعتنا بكلماتك المنتقاه والجزله



شكرا لك أخي الخيال على حسن أخلاقك وطيب ردك ومتعك الله بالصحة والعافية وصح بدنك وحياك ربي