وش رايكم بــ هالموقف

[shmalat]

بسم الله الرحمن الرحيم
السلام عليكم ورحمة الله وبركاته
ياشباب صار لي موقف مدري وش اسميه محرج ولا مضحك والا حتى مرعب
السالفه انا كنا طالعين للبر على اساس ان حنا بنتغدى في البر والغدا مهناش كم حميمه لانا 3 اشخاص وقلنا خلنا نعزم واحد ونعزمه ويقوم ابو الشباب ويعزم ناس وهالناس يعزمون ناس وها الناس يعزمون ناس الخ وكل منهم ما يدري عن الثاني ويقلون شخصين ثلاثه ما يضر والله يوم درينا الا وهاك الجول من السيارات تقل سيل ويقلطون والله ياشباب تقول في عرس ونستغرب والله واقوم انا وربعي ناخذ غدينا ونسفطهم هاك السفطه الي يحبها قليبك من دون ما يدرون ونتغدا في البيت.
س1 وش رايك في هالموقف
س2 وهل الي انا سويته بالسفطه صح والا خطا

[راعي سبحة]

وعليكم السلام
أنا من رأيي
الموقف عااادي لأنك مب أنت عازم هالناس والغلطان هو اللي عازمينه

[بن عاقول]

أتفق مع الرأي السابق

[جمعان 22]

صاحبكم اللي عزمتوه مقرود ..... وشله يعزم خلق الله على حلال غيره ....مدري عن نيته لكن هو اللي بيحصل له الموقف المحرج جدا

وبما ان اللي عزمهم عزموا ناس و .. و الخ ....الظاهر ان المسألة منتشرة وتحتاج علاج

والعلاج هو ما فعلته وانت وربعك ..... خذ عشاك وخله يدبر حاله مع اللي عزمهم علشان مرة ثانية ما يعيدها ههههههههههه

[shmalat]

راعي سبحه
بن عاقول
جمعان22
نورتم موضوعي الله ينور دربكم ان شاء الله
بس تبون الصراحه انا متحسف على هالحركه احس انها مهيب حركة رجال لاكن سويتها تغاضيا للفشيله

[جارح العين]

لو اني منك اجلس بنص الجمعه واتغدا انا وربعي واخليهم يناظروون ههههههه
بس الي عملوه عيب عليهم
ومشكور عالطرح

[shmalat]

جارح نورت يا هلا بك
هههههه بس ما ضنيت انهم بيخلوني انا غداي
والي شجعني على هالحركه هو انهم صغار من16 الى 19

[القطاوي 2008]

والله اتغدى وما علية من احد