انشدك عن ساسٍ................<<اللغز محلول>>..........(((صاحب الحل:ابو عبد الله1)))

[بن بتال]

بسم الله الرحمن الرحيم



بالخير يا رجال



استلموا...



انشدك عن ساسٍ ولا هوب مولود
يردف يمــــــين ولا يردف شمالي



في عزوتــــه يكرم رجال وشهود
نطوله ولانــتـــخى مــــا يــــطالي




وسلامتكم ..

[cute]

صح لسانك
رمعتي هي ذراع التعمير اللي بالسلاح

[بن بتال]

بسم الله الرحمن الرحيم


بيض الله وجهك وصح ابدانك

ومالك لوى يا بعدي

[aaali2]

صح لسانك برمع مدري يمكن ساس البيت اللي هو الكعبه المشرفه.

[بن بتال]

صح لسانك برمع مدري يمكن ساس البيت اللي هو الكعبه المشرفه.


صح ابدانك يا بعدي

مالك لوى يا جعل عمرك طويل

[أبو ذيب 77]

صح السانك...وخذ الرمعه((المركى)).

[بن بتال]

بسم الله الرحمن الرحيم


صح السانك...وخذ الرمعه((المركى)).


بالخير وصح ابدانك


ومالك لوا يا بعدي

اقرب رمعه الاولى طال عمرك

[أبو ذيب 77]

طيب موهوب ((نادوس السلاح))خاصتن حق الخرازه عشانه يضرب من يمين.

[بن بتال]

بسم الله الرحمن الرحيم


طيب موهوب ((نادوس السلاح))خاصتن حق الخرازه عشانه يضرب من يمين.




مالك لوا يا بعدي

وعشان اقربك يا بعدي ماله شغل بالسلاح بس فيه شي حول السلاح

[الخيال2006]

صح لسانك بن بتال

وش رايك منظار البارود او دربيا البارود

وشكرا لك,,,

[بن بتال]

بسم الله الرحمن الرحيم



صح لسانك بن بتال



وش رايك منظار البارود او دربيا البارود



وشكرا لك,,,



صح ابدانك يا مشرفنا

مالك لوا يا بعدي .

هذا لغزٍ ٍ طال عمرك على ما قالوا وسموه من النوع اللي يمكن يكون فيه شي ولا هوب فيه ويمكن يقولك موب فيه هو فيه .يسمون هالالغاز عندنا في الدواسر..((لعااب))

موفقين جميعًا

[سلطان العوني]

ممكن يكون الوجار حق النار

[بن بتال]

ممكن يكون الوجار حق النار
مالك لوا يا بعدي

[ابرق العزاف]

شكرا

مخزن الفشق بالبندقيه اللى اذا خلص الفشق اردف ويسمونه بعد (يخبر)
وببعض البنادق موجود وببعضها غير موجود 00 وهو يردف باليمين
لانه لايستطيع احد استعمال البندق الا باليد اليمنى لان اصبعها يمين 000 شكرا لك

[أبو ذيب 77]

خذ هالرمعه يالغالي((اصبع التعشيق حق الرشاش)).

[يوسف الخليفة1]

صح لسان بن بتال وما رأيك بالخنجر أو السيف

[الخيال2006]

بسم الله الرحمن الرحيم




صح ابدانك يا مشرفنا

مالك لوا يا بعدي .

هذا لغزٍ ٍ طال عمرك على ما قالوا وسموه من النوع اللي يمكن يكون فيه شي ولا هوب فيه ويمكن يقولك موب فيه هو فيه .يسمون هالالغاز عندنا في الدواسر..((لعااب))

موفقين جميعًا



والف نعم والله بعيال زايد

طيب وش رايك بفنجال القهوة

[بن بتال]

شكرا

مخزن الفشق بالبندقيه اللى اذا خلص الفشق اردف ويسمونه بعد (يخبر)
وببعض البنادق موجود وببعضها غير موجود 00 وهو يردف باليمين
لانه لايستطيع احد استعمال البندق الا باليد اليمنى لان اصبعها يمين 000 شكرا لك


العفو

ومالك لوا يا بعدي

[بن بتال]

خذ هالرمعه يالغالي((اصبع التعشيق حق الرشاش)).


مالك لوا يا بعدي
تسلم

[بن بتال]

صح لسان بن بتال وما رأيك بالخنجر أو السيف




صح ابدانك ابو عبدالله
ومالك لوا يا بعدي ..عطنا الثانيه

[بن بتال]

والف نعم والله بعيال زايد



طيب وش رايك بفنجال القهوة




ما عليك زود يالغالي ولك سبعه انعام

مالك لوا يالفارس ..ارمع الثالثه طال عمرك

[يوسف الخليفة1]

ما رأيك في عصى كبار السن

[بن بتال]

بسم الله الرحمن الرحيم



ما رأيك في عصى كبار السن



مالك لوا يا بو عبدالله

وبعطيك تقريب ..ركز في اللغز وتراه مو شرط يكون نفس اللي تفهمه من البيت الاول :) يمكن فيه شي يكون حجّه لشي آخر :)

[يوسف الخليفة1]

أخي لعل رمعة اللغز هي ( الماء )

[بن بتال]

أخي لعل رمعة اللغز هي ( الماء )



مالك لوا يا بعدي :)

وازيدك

نسميه من اسامينا

[يوسف الخليفة1]

ليكون تقصد الطير أو الصقر

[مكرم الصحابة]

السلام عليكم يا بن بتال
يكون الهلال بميلانه ؟

[بن بتال]

ليكون تقصد الطير أو الصقر



بيض الله وجهك يا بو عبدالله رمعه الذيب طال عمرك :)

واللي كنت اقول عنه لامنا قلنا لعاب ..ان الطير ما يولد الطير يفقس :)


بيض الله وجيهكم ..

[أبو ذيب 77]

ووجهك يابن بتال.... ونحتري اللغز الآخر.

[سلطان العوني]

ممكن تكون الخشبه حقت السلاح

[مكرم الصحابة]

بن بتال ياخوي ما رديت على رمعتي ؟

[بن بتال]

السلام عليكم يا بن بتال
يكون الهلال بميلانه ؟



العذر والسموحه يا بعدي ..بس مالي بخص في سياسه المنتدى
احسب الواحد لامنه جاب الصحيح توقف الردود ..والعذر والسمح يا بعدي

مالك لوا طال عمرك ..


على ما تفضل ابو عبدالله .
الإجابه هي الصقر