غيمة الوسمي وهمال السحايـب

[نقا هشال]

غيمة الوسمي وهمال السحايـب=وشبة النار وعريبيـن الجـدودي
مع طلوع الفجر الأول والهبايـب=باردة والخير في كل الحـدودي
والسماء برق ورعد والفكرطايب=والرياض الخضر بعروق النفودي
والدلال الصفر فيها الهيل ذايـب=كنها عقد الذهب بيـن الـورودي
والخزاما والنفل فيهـا العجايـب=وأم سالم صوتها يرقى سنـودي
السحايب والربيع أغلـى حبايـب=حبها في خافق العاشـق يـزودي
قلتها ويقولهـا رجـال النوايـب=عاشقين الطيب والبيرق سعـودي
فكرهم بالمرجله والطيب صايـب=للعلـوم الطيبـه تبـذل جهـودي
كل مؤمن من ولي العرش هايب=خوفة المولى غنيمـة بالأسـودي
يمة تمطـر ونسنـاس الهبايـب=تشفي العلـة وبسلـم للكبـودي


قصيده اعجبتني للشاعر/جعفر بن هادي بن شري

[ابو عمر اللاحم]

رائعه اخوي نقا هشال الله يعطيك العافيه وصح لسانك ولسان قايلها .

تقبل تحيات اخوك نهار،،،

[بركان]

صح لسانك ولسانه
وتسلم يمناك
اختيار جميل.

[نقا هشال]

هلا وغلا باالطيبين مروركم اسعدني

وصحة ابدانكم

[ريف النشاما]

بارك الله فيك
على هذا النقل يانقاهشال

تحيايت لك على هذه القصيده دمت سالمن

[ابو عايد]

رائعه اخوي نقا هشال الله يعطيك العافيه وصح لسانك ولسان قايلها .

تقبل تحيات اخوك نهار،،،

وتقبل تحياتي // العاشق الولهان

[صوح الجبل]

ياسلام .... ياسلام .... فعلاً .... قصيده .... روعه .... تسلم .... يالغالي .... نقا هشال .... لك تحياتي واشواقي الحاره

[المرقاب]

جزاك الله خير على هالقصيدة الطيبة, والله يغيث البلاد والعباد.

[علي التميمي]

قصيده رائعه يابن العم ...