المساعد الشخصي الرقمي

مشاهدة النسخة كاملة : ما هي طريقة صيد السلاحف؟؟؟؟


البحار الأول
27/06/2008, 08:45 PM
السلام عليكم و رحمة الله و بركاته


طلعنا أنا و صاحبي أبو حامد البحر متحمسين كالعادة شغلنا الماطور و طرحنا في مجلب تستنى الرزق
فجأة...
حسيت ان الخيط معاي ثقيل...قلت لصاحبي الظاهر الخيوط تلعبست في بعض...قالي ما اعتقد لان خيطي برى الموية....المهم اني جالس اسحب ... واسحب.... قلت الظاهر انه شعب و لا حجرة... لين قربته عند اللنش...اذا بهذيك السلحفاة اللي تصرد و سط المويه....
قلت لصاحبي
ياابو حامد سلحفاة...
رفع ابو حامد الفد و صرنا و راها ..أنا أسحب و هي تسحب حوالي 20 دقيقة على هذا الحال...
أنا أحلف لغير تطلع...و هي تطلع راسها تقولي و الله ما راح اطلع...
و بعد ثلث ساعة سحبت فيها لين قربتها عند اللنش بمسافة 5 متر... إلا الخيط انقطع...:no2:
مافيش سبه على لساني الا سبيت فيها هذيك السلحفاة:mad:

ومن ذاك اليوم ودي أطلع سلحفاة بأي طريقة
فما هي طريقة صيدها و ما هو الطعم اللي تاكله؟؟؟؟؟

علما اني كنت اصيد بحبار و رقطة
jwan
27/06/2008, 09:07 PM
اول شئ هذا نصيب
وثاني شئ ايش هو السبب الي دفعك لصيد السلحفاة؟
البحار الأول
27/06/2008, 09:59 PM
عن نفسي بس ودي أصيد واحدة... و أردها في البحر.... المهم أصيدها
روحي شماليه
27/06/2008, 10:22 PM
يبغالك ذيخ طيب عشان تصيدها :p :D

المهم الله يرزقك بس وش تبيبها السلحفاه ؟؟

تقبل مروري
m3zoog
28/06/2008, 03:28 AM
لا تصيدها خليها في البحر احسلها واحسلك

اذا تبغا سلحفاه روح مكان حيوانات يبيعوها بخمسطعش

خذلك وحده وسيب حقت البحر في حالها
صاحب الجردي
28/06/2008, 05:37 AM
لا تصيدها خليها في البحر احسلها واحسلك

اذا تبغا سلحفاه روح مكان حيوانات يبيعوها بخمسطعش

خذلك وحده وسيب حقت البحر في حالها

:good::good::good::good::good: بخمسطش زي ماقال خوينا وتاخذ وحده بإذن حمرا كمان وتكبر عندك زي ماتبغى.......أخواني عندهم وحده لها 17 سنه!


حقت البحر مالك ومالها... حيوان ضعيف أماكن حضن البيض له صارت محدوده البشر مسيطرين عليها وما منه لا اذى ولا فائدة مانعرف غير الاسيوين والفلبينيين ياكلونها.......
مخاوي قناص
28/06/2008, 08:27 AM
سبحان الله والله اذكر اني كنت على الشاطي في اليل واذا
بحفره خرجت منها سلاحف صغيره
ويتطاردون الى البحر وقمت بجمعها ولاهي فوق 30 سلحفه واطلقت سراحها وارسلتها للبحر بعد ما تسلينا بها
شوي
الله يوفقك وتصيدها وتطرح الي ابراسك ياغالي وابشر اذا تبيني اعلمك اماكن تواجدها على الشاطي راسلني على الخاص
عاشق البحر5
28/06/2008, 09:30 AM
بصراحه اخواني السلفحاء دائم تطلع معايا على الشوارات لاكن افلتها على طوول