دوخني ماطور الهوى فزعه لا عدمتكم

[فلاح]

السلام عليكم ورحمة الله وبركاته

سؤال وش احسن ماطور هوى للجيب
وين القى ماطور الهوى الترهيم حق هودرليك البيوك القديم
وكم يتراوح سعره تقريبا00000

[شاهد عيان]

هلا بأخوي فلاح

بالنسبة لمواطير الهواء أنا جربت حقات البيوك القديم ووضعت بدل الواحد إثنين شبكتها ببعض لكن ما أستفدت !!

صحيح إنه قوي بضغط الهواء لكن ماينفخ بسرعه وبطيء ...

ثم جربت أبو لي أصفر نوع SACA الصراحة ممتاز وينفخ بسرعة ، لكن عليه حرارة تتزايد بعد نفخ أربع كفرات ... إلا إذا وضعت مروحة كمبيوتر عليه لتبريده ...

بالنسبة لمواطير البيوك إذا ودك ممتاز خذ واحد جديد من محلات قطع الغيار وأنصحك لا تأخذ مستعمل لأنه يصير متهالك والربلة الموجودة بالداخل متقطعه ولاينفخ ..

تحياتي ...

[القماري]

كمل (أبو صينية أو بدون صينية) أفضل المعروض وبسعر معقول 350 ريال وينفخ الكفر بـ 3 دقائق ويصلح للكفرات الكبيرة (مجرب)
وللمزيد تفضل الرابط
http://www.mekshat.com/vb/showthread.php?s=&threadid=5256&highlight=%E3%C7%D8%E6%D1+%C7%E1%E5%E6%C7%C1

[سيرفر]

شوفو ياخوان من باب التجربه العمليه والعلميه ان افضل مطور هو ابو صينيه سوا سكا او ابو جمل علمين انه يعبي 70 لتر في الدقيقه مثل الى يبيعه الهدف بضبط ولايهمك كلام احد من التجربهلى عند الهدف 1000ريال بالف ريال وهذا رخيص جدآ بنسبه له ماهو 350 لا اقل 265 من تلقيه عند عند الزهراني حق الجمله في الغرابي وتراني اقوال من باب التجربه احسن من البيوك واحسن من الاسترالي لي في الرمايه والهدف واحسن من الايطالي لي في الريل وانا سيارتي gxr احط الكفر20 وعبيه35 في 10 دقائق وتلقيه ساخآ
والحرارة طبيعيه لان بستم التعبئه حق المطور لاتوجد في oil ولي ذالك يحتر

وانصح في ابو صينيه سكا او ابو جمل نصيحت مجرب :cool:

[سيرفر]

ترا 10 دقائق الكفرات كلها;)

[فلاح]

السلام عليكم ورحمة الله وبركاته



اخواني الاعزاء


شاهد عيـــــــــان

القمــــــــــــاري

سيــرفـــــــــر



لا عــد متكـــــــم

ومشكورين على المعلومات القيمه



اخوكم
00000فـــــــــــــــــــلاح

[كاتم اللهب]

الاخ / فلاح


السلام عليكم ورحمة الله


هل جربت ماطور سيارات الفورد اعتقد انه افضل واسرع من مواطير البيوك القديمة

حاليا لدي ماطورين فورد مركبه مع بعض تعبئتها سريعة والحرارة ترتفع قليلا اذا كنت تعبي سيارة كبيره كالجمس مثلا
لكن التحمل والقوة اعتقد انها افضل من اللي تباع لان هذه المواطير تتحمل الضغط العالي










تقديري.........................

[الراااسي]

الاخ فلاح تحياتى
بالنسبه لماطور الهواء انا ارى احسن ما طور هواء حق البيوك او الفورد اضن كلهن ممتازه .
فانا مجرب حق البيوك مديل 84 صراحه ممتاز وقوى ويتحمل الشغل وسعره صراحه احسن من ممتاز تلقاه بالتشليح وانت وشطارتك بس ما يزيد عن 120 ريال اذا غالبينك انا اشتريت 2 واحد بيوك وواحد فوردالاثنين ب 150 ريال فنصيحتى خذ اثنين يا حق بيوك يا فورد خل واحد مرهم بالسياره والثانى احتياط .
وبينى وبينك يقوم بالطلب واحسن من ها الموجودات بالسوق اللى يبى مروحه تبريد وما ادراك ما التبريد
وزد عليها اسعارها المبالغ فيها.,

وربى يدلك على الصالح
اخوك الراااسى

[الفحل 2003]

السلام عليكم ورحمه الله وبركاته

فيه كمبرسر حق المرسيدس (النقليات الكبيرة) وهو حق الفرامل يركبونه في الزلفي عند مهندس فلبيني ويرهم له قاعدة ومكرة ويركب له سير ويصير مثل الكمبرسر حق المكيف بالضبط والفرق أنه ما يشتغل الا اذا شغلت مفتاح التشغيل اللي بالكبوت ويوصل له لي كبير لسحب الهواء النقي من القربة (حقت الهواء) ويوصل به لي ثاني مع ساعة لقياس ضغط الكفرات ويكون اللي فية مكبس ، هذا انا شفته مع واحد مركبه على جيب لاندكروزر موديل 93 وتراه عملي وممتاز ويتفخ الكفرات بسرعة مذهلة لانه يعتمد على سرعة المكينة وقوتها .
هذا ما لدي واتمنى أن اكون قدمت شيئا ولكن اتمنى معرفة أين يوجد هذا المهندس الفلبيني اللي في الزلفي وبكم يرهم كل شي .

والسلام عليكم
اخوكم الفحل 2003

[سماء وماء]

السلام عليكم ورحمة الله وبركاته
حبيت اشارك معكم ...............
بس الموضوع ياجماعه يبي بحث جدي ترونا بلشنا بهالمواطير اكلت الفلوس ولاعاشت وقت يعني ماطور البيوك كلها سنتين ويقلش,,, يفرد هذا إن كان جديد وإلا المستعمل سنه وتخب عليه .
وبعدين ماطور ابو لي اصفر واسود تره كلها ماتنفع بالاستخدام المتواصل يعني يبي له دلع بيني وبينكم.
احسن ماسمعت هو تركيب الكمبرسر بمكره داخل المكينه, بس فيه ملاحظه يضعف عزم المكينه. وسمعت بعد توصليه للبوجي بلي الهواء العادي هذي مناسبه للي ماهو عجل عزالله لويبي ينفخ كفر شيول تر يفعله , وسعر التوصليه ماهو غالي 50 ريال.............


والحقيقه انا متوقف ماشريت شي جديد . خربت مواطير البيوك ولحقهن ابو لي اصفر ,,,,,,,,,طقيت انا منهن
وشكر للجميع........
نبي ان نشاء الله نسمع اخبار مواطير زينه وتتحمل......... وسلالالالالالالام

[إلياس المطلق]

هل من إقتراح جديد ,,,,,

[NissaN 1990]

الناس كلهم يمدحون حق البيوك وأنا شريت أثنين كلفتني مع الترهيم 300 ريال على غير فايده ولا أشتغلت.... ولا أستفدت منها حاطها ورا المرتبه

[الساهر2003]

اخوي لا تتعب نفسك بعد ابو جمل الكبيرلا تدور لاني مجرب حق الهيدروليك اضعف من ابو جمل وغير مرتب ركب ابو جمل وانسى التعب وبشرط تتفخ سيارة وحده ثم تريحه واذا برد مدة 10 دقايق اتفخ سيارة ثانية اذا بتحافظ عليه

[الفتكي]

بسم الله الرحمن الرحيم
اخوي نيسان 1990 ياخي روح لشارع الريل فيه محل التويجري عنده مكائن بناشر وكذلك مكائن مخارط اسأله عن ماطور فيني ايطالي الصنع لون الجرم احمر بلاستيك سعره 1200 ريال وقوته 600 وات 12 فولت وحجمه معقول انا معي الان من عام 1424 هـ والى الان لم اجد منه اي مشاكل والله واعبي فيه مستعد اكثر من خمس سيارات ولا فيه اي مشكله فيه مروحه شد البلد واعبي فيه السيارات الكبيره وكذلك فيه بلف تأمين وانا لا استطيع عرض صوره حاولت كم مره ولم استطع والله ماراح تتحسف اذا شريته بالقيمه والله واعذرني على التقصير
the.5555@hotmail.com

[جهام القصيم]

غير ابو جمل لا تدور اهم شي تعبئة الكفرات حتى ضغط 20 فقط لان المواطير فزعة تعبي الهواء الي يوديك الى اقرب بنشر عندي ماطور ابو جمل له اكثر من 5 سنوات ممتاز

[ابو_هيا]

بالنسبه لي يا اخوي انا جربت ماطور الهواء اللي يجي مع اللاند كروزر والكامري (ماطور تويوتا)


والله انه خطير مرررررررة وممتاز وعملي
وله معي سنتين كارفه ولا يقول لا وسرعته في التعبأه حلوه


وقبله جربت اكثر من ماطور منها ابو جمل وكل المواطير اللي في السوق خرطي وتخرب علطول
خصوصا ابو جمل هذا ينفقع اللي حقه من اول تعبأه

ولكن إذا بغيت ماطور هواء اقوى من اللي عند البناشر ويتفخ كفراتك كلها بأقل من دقيقتين رهم لك ماطور هواء فريون حق مكيف السيارة فيه ناس جربوه ويمدحونه وعملي جدا بس مكلف شوي

[الكلاسك]

وين اذنك يا حبشي؟؟ بلا بيوك بلا فورد وش لك وش للخربطه شكله شين وبطيئ جدا في النفخ يظلم عليك الليل ما عبا كفراتك لا وبعد شكله يفشل يبي له اسلاك وليات وقظابات وشطرطونات و و وتروح للتشليح ويلعب عليك الزول ( عاد التشليح مليان زوله ) اشتر لك تايقر ولا ابو جمل رخيص وزين وعملي وشكله نظيف ومرتب ياخي خله يكد معك سنه ولا سنتين اشتر واحد ثاني واعتبرها خسارة اسهم :)

[icom1969]

شى جيد المهم انه يكون جيد

[عاشق الفرعه]

أبو جمل لا غنى عنها

[قطب 999]

السلام عليكم ورحمه الله وبركاته

فيه كمبرسر حق المرسيدس (النقليات الكبيرة) وهو حق الفرامل يركبونه في الزلفي عند مهندس فلبيني ويرهم له قاعدة ومكرة ويركب له سير ويصير مثل الكمبرسر حق المكيف بالضبط والفرق أنه ما يشتغل الا اذا شغلت مفتاح التشغيل اللي بالكبوت ويوصل له لي كبير لسحب الهواء النقي من القربة (حقت الهواء) ويوصل به لي ثاني مع ساعة لقياس ضغط الكفرات ويكون اللي فية مكبس ، هذا انا شفته مع واحد مركبه على جيب لاندكروزر موديل 93 وتراه عملي وممتاز ويتفخ الكفرات بسرعة مذهلة لانه يعتمد على سرعة المكينة وقوتها .
هذا ما لدي واتمنى أن اكون قدمت شيئا ولكن اتمنى معرفة أين يوجد هذا المهندس الفلبيني اللي في الزلفي وبكم يرهم كل شي .

والسلام عليكم
اخوكم الفحل 2003
هذا يصلح لمن يبي يفتح بنشري متحرك

غير ابو جمل الكبير الاصلي من الشراع وكيله لا تدور وفيه منه 24 فولت ما يمديك تلتفت الا الكفر 40 اسرع من لي البنشر

[راعي الفتك 9]

ساكا مسامير خماسي قوي ويتحمل