اذا طلعت للبر تحصل لي هالمشكلة ........... وش حلها ؟

[ابو شكاع]

حياكم الله جميع

بالمختصر المفيد

اذا طلعت للبر وكان فيه هواء وبعدين استعملت الرواق اللي معروف عندي وعندكم

وهو الرواق اللي ارتفاعه 70 سم تقريبا واطواله تختلف

المهم

اذا استعملت الرواق على شكل u يعني ثلاث لوايح وبعدين جيت تشب النار من عند الجهه اللي مفتوحه

تبي تلاحظ ان الدخان يبي يعمسك عمس ........... يعني بيعمي عيونك وتقعد تناشق تقل ميتن لك احد.......... ويبي يتكدر خاطرك من هالكشتة وودك لو انك بالفراش نيم ازين لك

وش الحل ؟؟

كيف اتفادى دخان النار ؟؟



ومشكورين

[المترو]

هلا بك اخوي
سبق وطرق احد الاخوان الموضوع وجاب الحل وهو يوضع الرواق على شكل مثلث او شكل 8 وتنحل المشكله انا جربته وفعلا طلع الكلام صحيح

وسلامتكم الرحال2003

[بركان]

اخوي ابو شكاع

مافيه الا حل واحد من ثلاثه
اما طف النار والا شل الرواق والا ركب مروحة شفط !!!

[عاشق الشروكي]

اخي العزيز أبو شكاع حياك الله
وكلام الاخ العزيز الرحال 2003 صحيح ولكم التحيه والاحترام

[ابو ســــاره]

كلامك صحيح النار راح تعميك بس الحل وانا اخوك انك تلعب بالهواء زي ما لعب عليك قل وشلوووووووون

تحط الذراية حول النار وتخليها تروح الهوى عنك لين تقبس النار صح وتشيل عنها الذراية

[ابو شكاع]

الرحال2003


حياك ربي

ممكن يكون حل جميل .................. ولكن ممكن تكون الجلسة ضيقه وما تاخذ راحتك

وبالنسبة للموضوع انا ما دريت انه فيه موضوع عن نفس هالموضوع <<<< فشرها كويش :)

تسلم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
بركان


ههههههههههههههههههههههههههههه

فكرة مروحة الشفط زينه

بس ما ادري عن المحول هل هو 110 او 220 :)

تسلم

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

عاشق الشروكي


تسلم ولا هنت ياخوي وهلابك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

ابو ســــاره


فكرة طيبة

وجايه في بالي

تسلم ولاهنت ياخيي

[عبد الله الفايز]

حياك الله
ياخي الهوا ماشي بدربه وتبي ترده فأنت الغلطان ........... ماعليك نمزح معك
إذا تبي ترتاح البس فروه ولا تحط رواق وخل للهوا طريق
الرواق للي ماوده يشب ضو.... زين
والا طبيعي منطقة الذرا والعاير يتجمع فيه الغثا كله الدليل طول الله عمرك امش بسيارتك بمنطقة غبار والى وقفت شف قفا سيارتك
الحاصل تبي الدخان يروح عنك خل للهوا طريق يعني شب الظو بمنطقة يمره الهوا واقعد انت بالذرا
شكرا لاتزعل علي

[ابو شكاع]

عبد الله الفايز

هلابك

الزعل وانا اخوك مرفوع

وهو مثل الفيل ما كل شي يحركة ههههههههه

من حيث هرجك فهو منطقي وجميل

لكن مهوب حل !

وتسلم لغاليك ومغليك

[الحاتمي]

وتقعد تناشق تقل ميتن لك احد.......... ويبي يتكدر خاطرك من هالكشتة وودك لو انك بالفراش نيم ازين لك

ابو شكاع الغالي
اذا طلعت للبر لاتاخذ معك((ح))؟؟؟
عشان ماتناشق;)
قوطي النيدو زين يطرد الخان فوق
واللي ازين تانكي الماء اللي بالصخانه حقت الماء الصغيره بس يبي لك تلحم لع ثلاث رجلين
وتخرق جدران التانكي عشان تطلح حرارة النار
والله يعينك تراه يلهم حطب بس تنسى الدخان ولو تحط حطب ينقط ماء رطب يبي يولع ولا يجيك الدخان يبي يصير كانه شكمان تريله طاير فوق.....
والسلام
الحااااااااااااااتمي

[ابو شكاع]

((اذا طلعت للبر لاتاخذ معك((ح))؟؟؟))

تقصد حليب خخخخخخخخخخخخخخخخخخ

عادي وانا اخوك

قل حبحررررررررررر

تصدق عاد ............... لي ختات لباقي مدن القصيم العزيز على قلبي والاحظ ان شباب عنيزة وبريده يهتمون اكثر مننا بالحبحر

خصوصا شباب عنيزة لاني مخالطهم اكثر

لكن يا طحت لك بحبحر صحححححح

لقيته في بندة

من حرارتة راسمين فوقه بيز ككككككككككككككككككككك

تسلم وانا اخوك على هالنصايح

لكن وشلون تبين اشيل تانكي سخانة لم البر ؟؟؟

بعدين يبي لي اشري سخانه 30 لتر بـ 120 ريال تقريبا همن اجدعه وآخذ التانكي حقه

مهيب خساير ؟؟

ههههههههههههههههههههه

تسلم

هلابك

[صقر]

والاحظ ان شباب عنيزة وبريده يهتمون اكثر مننا


لكن يا طحت لك بحبحر صحححححح

لقيته في بندة

من حرارتة راسمين فوقه بيز ككككككككككككككككككككك

هالحين صار من اللي يهتم بالحبحر اكثر؟؟ :confused:

[الحاتمي]

ابو شكاع الغالي
ليش الخساير تروح تشتري سخانه جديده؟
دور لك اي سخانه خربانه وخذ التانكي
وياكثر السخانات الخربانه عندكم بالرس شف اذا كانت الرس على خبري تشليح دغيليب اللي ورى المعارض
اوعلى طريق دخنه او طريق القصر..
او شف لك اقرب سباك يبي يعطيك التانكي....
على فكره وش نوع الحبحر اللي تقول يكوي:D
عشان اتحاشاه ومايغشني احد فيه
الحاااااااااااااااتمي

[ابو شكاع]

كذا تمام يابو احمد

انا كنت ابي اللي يتابع ينتبه لسياق الكلام <<<<<< بلاك انك بحلت وتقول سياق كلام هههههههههههههه

هذا يابو احمد الله يسلمك ما يخالف كلامي ابد

لاني انا مااكل الحبحر باستمرار

يعني بالشهور تمسك معي وآكله

وهلابك

ـــــــــــــــــــــــــــــــــــــ
هلا وغلا بالحاتمي

ولو

اثرك خبير بالديرة ههههههههههههههههه

عموما الحبحر ذا هندي ويجيك علبه سخيف يعني دقاق بلغة اكلوني البراغيث

بعدين وش لون يغشونك ؟؟....................... الدعوا حبحر مهيب لحمة حاشي :)

وهلابك مرتن ثانية يالغالي

[الحاتمي]

ابو شكاع الغالي
بشر عساك لقيت تانكي سخانه:D
اعلمك وش لون انغشيت بالحبحر...
جلسنا على صحن كبسه ان وشباب من الرس وكانو ماشاء الله عليهم ياكلون الحبحركانهم ياكلون فصفص:D
وانا ملبد خايف من هالنووي اللي يتناقلونه بين حوايفهم..
المهم غفلت عنهم وحطولي شوي
وبعده الله لايوريك...لا انت عادي عندك رساوي:D . الله لايوريكم شباب فورت وارتفعت الحراره يالله نزلت بعد مافكيت غطا الاديتر...
وبعده اكتشفت ان اهل الرس كبستهم حبحر وشوي رز:D
عكس الناس رز وشوي حبحر.
وتقبل تحياتي
الحااااااااااااااااتمي

[النجم الملتهب]

أقول بس كيف حالكم
اذا جاك الدخان رح مع الجهه الثانيه وهكذا:good:

[ابو شكاع]

((خايف من هالنووي اللي يتناقلونه بين حوايفهم))

اوصصصص لا يجي هانز بليكس هو وفريق التفتيش هههههههههههههههه

عاد والمين عليناااااااااااااااااا

((وبعده اكتشفت ان اهل الرس كبستهم حبحر وشوي رز ))

انا اتخيل تدخل لم البقالة وتقول يالأخو ............ عندك حبحر ابو كاس ههههههههه


عاد تصدق

قبل فترة جلست اسولف انا اوخوي ...................... وهو اكبر اخواني

قال مستحيل اقلط على اكل ما به حبحر :confused:

عاد انا اول مره اعرف عنه هالمعلومة


ويقولون فيه معلومة ان الحبحر مفيد بأشياء كثيرة منها انه مضاد للسرطان الله يكفينا شره

داري انك منتب مصدقن ............................ رح انشد وشف وش يقولون لك :D

بتسسسسسسسسسسسلم يالحاتمي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
النجم الملتهب

اسمك ذكرن بيوسف الثنيان :D

الصراحة انك ما قصرت .............. وش لون تجي اني اروح مع الجهه الثانية ياخيي

يبي يلفحن الهواااااء

عموما تسسسسسسسسسسسسسسسسسسلم

[الحاتمي]

ابو شكاع الغالي
يقولون ان الدخان يلحق الزين;)
يعني لاتتعب روحك وتروح للجهه الثانيه
هذا اذا لقيت الجهه الثانيه مافيها احد.
ابعطيك حل مقارب لحل تغيير المكان؟؟
الحل(( غير الحطب او غيرمكان النارعشان تلقى لك مكان مناسب قبل يجلس فيه احد من ربعك ))؟؟؟

مشكور اخوي ابو شكاع على ايظاح فوائد الحبحر وجزاك الله خير
الحااااااااااااااااااااااتمي

[ALODHAIBY]

افضل شي جرب الرواق الاخضر الذي يوضع على المزارع وبه فتحات كالمنخل فهو يسمح بخروج الدخان ويمنع الهواء وهو مجرب بالفعل

[ابو شكاع]

هلابك الحاتمي

اذا الدخان يلحق الزين فالظاهر ان هكالدخان عنده واحد من اثنين

1- اما انه اعمى بصر وبصيرة

2- او انه هو بشرق والذوق بغرب

لاني الله يجيرك منب زين ..................... لكن الظاهر ان اهم شي الأخلاق اولا :)

بعدين تبين اروح للجهة الثانية وانا طاقن الرواق بهكالجهه .............. اجل وش فايدتة :)............... انا افكر ارجعه على المحل واللي يشجعن اكثر اني ما شريته الا العام :)

يعني لو يعطين به ثلاث ارباع السعر ابقول له ما يخالف

او تدري عاد حل ثاني

اببدأ استاجره منه كل طلعه ب3 ريال وش رايك :)

واليوم اللي ما يصير معي 3 ريال اعطيه بدالهن اما تفاح او برتكان باقي الطلعه

او اعطيه جوالي اخليه يكلم السودان لمدة دقيقة

ومن حيث تغيير الحطب بيني وبينك نشري ابو رخيص ويمكن له دور بالعمسة الطيبة

بس هو اللي يمشي الحال للطلعات الخفيفة

ومن حيث تغيير مكن النار ........ وين هوبه نحطه ما له الا قدام الرواق ...... او نحطه جنب الرواق ... ما نستفيد

تلقاك تبدأ تمد يدك من ورا الرواق ومعك الملاسة ووجهك لم الزكرت تسولف عليهم علشان تذوق المرقه هو ملحه زين او لا هههههههههههه

هلابك اخيي وتسسسسسسسسلم لانك شايلن همي وهم هالدخان ........

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

ALODHAIBY


تسسسسسسسسسسلم على هالشور .................. ما لي الا اجل الحاتمي يدبر لي هالرواق

مدري وراه احس انه راعي مزارع :)

وحايل دياري ***ديار الكرم والجود

مشكور ياراعي حايل

[نقا هشال]

اقول دخانها ولا هبوب شمالها

وبعدين الدخان زيم للعيون(:

انا اقول

ليش تسد ثلاث جهاد لاتسد الا الجهه اللي يجيك معها الهوا فقط وترتاح....

[ابو شكاع]

نقا هشال


هلابك اخيي

بيني وبينك اذا سديت جهه وحده ما تطلع بنتيجة ...............

اقصد اذا كان الجو بارد وهواء قوي ما ينفع الرواق بهالحالة

وتسلم على مرورك

ولاهنت