ذكريات كاشخ

[كاشخ 24 ساعه]

اللوم يالمجمول فـي خاطـرك غيـر
لا صرت وافي كل شي(ن) حصل لي
اليـا بغيـت اروح خاوانـي الطيـر
طير السعد في صيدتـه مـا يزلـي
اشقر وسومـه يانديمـى تـرا غيـر
في عينـه اليمنـى تواصيـف خلـي
والعنق كنه لا انتهض سالـم الزيـر
يكفـح جناحـه صامـل مـا يكلـي
احب انا ياناس اشتـاق لـه واسيـر
شـوق المكبـر لا نظرتـه يصلـي
واحـب وقـت راح كنـه تصاويـر
في روضـه يلعـب بهـا المسفهلـي
وفوح الدلال وشبـه النـار بعصيـر
وريح الخزامـي كـل وقـت يهلـي






وسلامتكم

[ذيب طي]

صــــح لـــــسانـــكـ - والله يخلي لك طيرك

[INTERNET KING]

جميلة جداً والله يعطيك العافية

[أبو فهد العيد]

صح لسانك .وبيض الله وجهك

[جرير]

صح لسانك والله يحفظك انت وطيرك
في عينه اليمنى تواصيف خلي ....اجل عينه اليسري ماش؟
امزح
جمل الله حالك
.


اللوم يالمجمول في خاطرك غير=لا صرت وافي كل شي(ن) حصل لي
اليا بغيت اروح خاواني الطير=طير السعد في صيدته ما يزلي
اشقر وسومه يانديمى ترا غير=في عينه اليمنى تواصيف خلي
والعنق كنه لا انتهض سالم الزير=يكفح جناحه صامل ما يكلي
احب انا ياناس اشتاق له واسير=شوق المكبر لا نظرته يصلي
واحب وقت راح كنه تصاوير=في روضه يلعب بها المسفهلي
وفوح الدلال وشبه النار بعصير=وريح الخزامي كي وقت يهلي

[كاشخ 24 ساعه]

صــــح لـــــسانـــكـ - والله يخلي لك طيرك





ذيب طي

صح بدنك ولاهنت يالغالي على المرور

[كاشخ 24 ساعه]

جميلة جداً والله يعطيك العافية




الاجمل مرورك طال عمرك

[كاشخ 24 ساعه]

صح لسانك .وبيض الله وجهك



صح بدنك يالغالي

وشاكر لك على المرور

[كاشخ 24 ساعه]

صح لسانك والله يحفظك انت وطيرك

في عينه اليمنى تواصيف خلي ....اجل عينه اليسري ماش؟
امزح
جمل الله حالك




جرير


مرورك شرف طال عمرك

والعين اليمنى اراها وانا اهده من على يدي اليسار وعندما يرفع الجنحان تكون هناك فتره لا تتعدا الثواني هى اجمل مافي الهدد

العين تصغر شوي ويزداد التركيز ويتراجع الرأس مع انتهاض الصدر وارتفاع الجناح وكأنه يقول جاك يامهنى ما تمنى

لذلك اركز دائما على العين اليمنى التى ارى فيها اصرار وفي نفس الوقت دعاء يذكرني دائما بوليف الروح اللى اذا هد يصيد بس من يصيد............طبعا انا

[جرير]

قايل لك امـــــــــــــــــــــــززززززززحححححح
والله عارف قصدك وكل علومك
الله يهنيك باللي يصيدلك وباللي يصيدك
لك تحياتي
وعساك كاشخ دوم علي عز ومعزه