اول مشاركه ونبي فزعة الصقاره

[صايد وفايد]

السلام عليكم ورحمة الله وبركاته
عندي مزرعه وشفت فيها طير هاد على حمامه( قوقسيه) وصادها وبعد ذبحها شافني وطار مدامعه سود ولا هو كبير في حجمه كنت اعتقد انه شبوط لاكن فيه قريب لي يقول هذي شيهانه جبليه
ابي رايكم هل اشبكها وكم تسوى ولا على قوله اخوانا السوريين مامحرزه
رايكم لاهنتم

[الطبشي]

وعليكم السلام ... اشبكها شبوط ولا شاهين ولا حقبي..... وصوره واعرضه ويفيدونك الشباب ان شاء الله .....

[صايد وفايد]

ماقصرت اخي الطبشي

وين يبيعون الشبكه وافضل وقت لوضع الحمامه له تراني جاد




وجزاك الله خير

[البحري ولبري]

مساك الله بلخير............ اخوي وين موقعك ............ وروح محلات الطيور تلاقي الشبكه وشيل شوي من دواغر الحمامه وحط الثقل بسبب وربطه بلشبكه من تحت رجل الحمامه وحطها في صباح .......... واذا صتها شهانه تراني شرايها واذا انت من اهل الدمام فزعنالك...........

[@قرناص@]

هلا هلا..

الشبكه تحصلها بمحلات الرحلات قله ابي شبكة حمام وهو يعطيك وبعدين في موضوع كيف تسوي الشبكه

وتركبها للحمامه.. وانشاء الله تشبكه

اخوي وين مكان المزرعه لاهنت..

[باتريوت596]

اشبكها وربي يوفقك

[صايد وفايد]

البحري والبري
لاهنت
الموقع اخاف اقولك الا والشباب اهل مكشات محضرين وانا ما استعديت لهم
واذا صدتها لك الافضليه في الشراء
=======================================
قرناص
ماقصرت جزاك الله خير
وسوف ابحث عن الموضوع وكيفيه الشبكه
ومكان المزرعه قريب بس بعد صيدتها
=======================================
باتريوت الله يوفقك

[صايد وفايد]

البحري والبري
لاهنت
الموقع اخاف اقولك الا والشباب اهل مكشات محضرين وانا ما استعديت لهم
واذا صدتها لك الافضليه في الشراء
=======================================
قرناص
ماقصرت جزاك الله خير
وسوف ابحث عن الموضوع وكيفيه الشبكه
ومكان المزرعه قريب بس بعد صيدتها

[عا سبيل بر]

البحري والبري
لاهنت
الموقع اخاف اقولك الا والشباب اهل مكشات محضرين وانا ما استعديت لهم
واذا صدتها لك الافضليه في الشراء
=======================================


ههههههههههههههههههههههههههههههههههه

الله لا يلومك :D

والله يرزقك بشبكتها

وتقبل مروري،،،

[القطاوي 2008]

اشبكها وربي يوفقك

[رامى السيد]

الطيور تتشابه بالوصف اعطى صورة وخاصه الى بيهم مدامع كتير

[F J]

ليتيني مكانك

وبعدين اشبكها وش خسران حتى لو طلعت شبوط مو جبلية


يله لا تتأخر لا يسبقونك

[ابرق العزاف]

زي ماقالك الطبشي صورها واعرضها ونفيدك
ام قلنا فكها والا فلنا السوق

[افزعواله]

يالربع الرجال والله ماهو سهل ولوهو مايعرف ماضن كان اخفى المكان مير الولع قد علمه

[جارح العين]

دورلك احد من اخوياك ولا اقاربك يعرفون يطرحون ويساعدك واذا مافي اعضاء مكشات مايقصرون
والله يرزقك بالنادر انشاء الله

[قرناس ارامكو]

اشبكها وربي يوفقك

[أبو فهد العيد]

الله يرزقك بشبكتها,, وان كانك ماعرفت تشبكها.. تراني فاظي:d :d :d

[صايد وفايد]

يالربع الرجال والله ماهو سهل ولوهو مايعرف ماضن كان اخفى المكان مير الولع قد علمه

منكم ياذيابة مكشات تعلمت
ولولا مخافة ربي كان جبت اسم مزرعه في مكان بعيد وخليت الي على باله ذكي ينحمس في هاالشموس
صدقني من دون حلف ولا في حياتي دورت صقور ويدلك اول ماشفته طرحها نزلت من السياره وجيته وكنت اعتقد انه اذا راح وقت هجرة الصقور ماعاد يبقى في المملكه شي لاكن بعدين عرفت ان فيه انواع تستوطن بعض الاماكن
والحق يقال منكم يااهل مكشات استفدت الكثير الله لا يحرمكم الاجر

[صايد وفايد]

اشكركم على الردود الطيبه
من بكره وانا قاعد له وباذن الله ارد لكم خبره
هذه نهايه متابعة مكشات وياخوفي مثل ماكنت اضحك على الي يدوجون في البران ويدورون الصيد والطيور اصير مثلهم
لاكن تبون الصدق احس باعراض مكشاتيه هههه