المساعد الشخصي الرقمي

مشاهدة النسخة كاملة : هل يعقل .. تيس بــ 150 ريال ؟؟


مهيلان
23/12/2003, 10:57 PM
السلام عليكم
مساكم الله بالخير
سمعت في الاونه الاخيره عن التيوس الباكستانيه المبرده
واخبرني اكثر من واحد عنها وعن لذه طعمها
وذكروا انها تستوردها الثلاجه العالميه بعتيقه والعود

ارجو من من جربها ان يفيدنا عن صحة ما ذكر



وهل ستصبح بديلا عن التيوس المحليه وعن لحم الحاشي




مع العلم ان سعر التيس كامل كما ذكر 150 ريال ؟؟؟؟؟ يا بلاش


افتونا ماجورين في هذه التيوس
ودمتم !!!!!!!!
صقر
23/12/2003, 11:19 PM
طيب بـ 150 ريال

كم وزنه ؟؟؟

علشان تقدر تحكم على السعر...
الحاتمي
24/12/2003, 07:50 AM
الاخ مهيلان
انا جاب لي الخبر قبل مايسمحون باستيرادها باسبوعين واحد من الشباب يشتغل بالجمارك
ويمكن باول دفعه وصلت رحت وشريت تيس من الثلاجات اللي بالروابي مقابل اسواق الخضار
اذكر شريته ب120 وزنه 9 كيلو
وتراه يجي مفرغ من الاحشاء وملفوف بقماش ابيض ويجي يومين بالاسبوع اذكر ان احد الايام الثلاثاء
وجربته بالطبخ ماجاز لي..لحمه قاسي شوي تعرف مراعي باكستان كلها جبال يعني يصير التيس حق ماراثون اللياقه 100% 100؟؟؟؟
اما بالشوي زين ماعليه
بس لايمكن مقارنته بالتيس البلدي او الحاشي
عموما بالهني والعافيه اذا شريته
الحااااااااااااااااااتمي
* رمش العين *
24/12/2003, 07:59 AM
اخوي مهيلان صباح الخير انا جربته اكثر من مره واخذه من ثلاجه بالنسيم مقابل اسواق احجاب من شرق على شارع الاربعين ويجيهم كل يوم يذبح باليل في باكستان ويجي العصر عندهم والحقيقه طعمه في الشوي جداً لذيذ وبالطبخ مهب شين ويبيلك تزود الهارات عليه شوي وتحمسه مع البصل والطماط في بداية الطبخ وقد اخذنا ب 120 ريال وب 200 ريال بس والله مادري وش الوزن
فـ(الجـوف)ـتى
25/12/2003, 01:24 PM
?
جاروود
26/12/2003, 01:55 AM
بسم الله الرحمن الرحيم
السعر بالكيلو 14 ريال في نفس المحل الي مقابل مقبرة العود بالنسبه لي ماجربته الى مره من زمان وهو حليو
الجمس الحمر
30/12/2003, 02:35 PM
انا جربته مضبي والله ياهو حلو
والطبخ زين


في عتيقة محل عالم اللحوم الكيلو 16 ريال
صفوان
07/01/2004, 12:51 PM
عليكم السلام ورحمة الله

الأخ/ مهيلان وللجميع..

اذا معزمين مرة مرة.. ليش ما تجربون ها المرة لحم سواكني السوداني!:good: وترا الكيلو مهو غالي 14 ريال فقط. ويجي كل يوم أيضاً من السودان طازة "حسب قولهم".
بس لا تأخذ إلا حجم صغير "كامل يكون 10 كيلو فقط وأحياناً أقل" يجي لحمته بيضا على كيفك.

جربته كم مرة.. ولقيته زوين "بس مهو حق ضيفان" لا تقلّط عليه أحد!:eek: فيه زفرة شوي، اذا بتزينها مثل ما قال أخونا "رمش العين" بيطلع رمش عين بجد:)

حبيت أداعبكم شوي.. سامحوني!:D

صفوان
وحيد سدير
07/01/2004, 09:30 PM
هذا التيس مجلوب من باكستان وعليك بالتيس العارضي لانه طازج ويأكل من عشب الأرض التي تعيش فيها والباكستاني له فترة مذبوح وليس له طعم ولا لذة ولانكهة وماتدري وش يصير صغير أو كبير لان أهم شي عند الموزعين الربح والتجارة لا كسب الزبون بالطعم والصحة .
مسداح مرداح
08/01/2004, 03:56 AM
السلام عليكم

الصراحه اول مره اسمع عن هذي التيوس

واتمنى اني اشتريه واذوق طعمه مدامكم مدحتوه

واذا صار طعمه مهوب زين ياويلكم مني

بتحاسبوني على التيس ... هه هه هه هه ...
عنبري تمير
08/01/2004, 04:49 AM
يمكن انه من الهردويل
بوعبدالعزيز
09/01/2004, 03:51 PM
هلا بك اخوي مهيلان وحياك الله
بالنسبه حق تيوس باكستان زينه بس حلاته الصغير بوثمانيه كيلو وحوله لا تاخذ الكبير ترى يجيك مصن لحمه وهو معروف سعره ورخيص مايتعدى 150 ريال هو وابن عمه التيس الهندي وكلهم سوى بس مافيه مقارنه بينهم وبين البلدي ابد البلدي كذا :good: :good: :good:
وسلامتك 0
الاجودي
10/01/2004, 07:25 PM
وعليكم السلام ورحمة الله

مساك الله بالرضا والعافيه

وازيدك من الشعر بيت

انا بالامارات اخذ تيوس ايرانيات

ولحمهن تقول لحم غزلان

اخذهن الواحد ب90 درهم

واذا غلين على 120

وش رايك الحين