مقارنة القارمن بين دار موجه والسياري

[aziz000]

السلام عليكم
قدر الله واشتريت قارمن نوفي 710 من دار موجه ( وهذا خطاي ) طبعا الجهاز محمل عليه خريطة الشرق الاوسط فقط حاولت ان ابحث عن خرايط الصحراء واخيرا دلوني على محل السياري ورحتلهم وقابلني اكا السنافي قلتله تكفا انا شريت جهازي من دار موجه ابيك تنزلي خرايط الصحراء ولاكن الطيب طردني من المحل اقصد باسلوب موظف الاستقبال الناجح!!!!! المكشر اقوله تكفا يالطيب ابي خرائط الصحراء يقولي ما اقدرو يردد علي جملته (انا عبدا مامور) طيب وش السبب يردلي (انا عبدا مامور) لا وماعندهم غير هالجهاز طيب ابي خريطة اسيا و اوربا ما عندنا شي اجل ليش فاتحين!
عموما يعني ضربتي المشوار من شمال الرياض لمحلهم
راحت عبث
بس انصح الي يبي يشتري نوفي 710 ان يشتري من عندهم(يحملون على جهازهم خرائط الصحراء) و لان دار موجه ولا فكرو بالزبون

[ibm-111]

الله يكون بعونك اخوي عزيز
ترى كنت بسوي مثلك ابشتري النوفي من عند الموجه وقالي الموظف اني اقدر اروح لسياري واركب الخريطه
ماقتنعت في البدايه وقلت اشوف وزين اني ماشتريته من عندهم بس تكفى ياخوي ابي رقمهم سمعت
انهم يوصلون لاي مكان في المملكه وعلى فكره وش اسم المحل بالضبط واكون لك من الشاكرين

[العمدة ابو صالح]

يا أخوان فيه له موزعين في الرياض مثل العامه الي في مخرج 12 على الدائري الشرقي وسعره مثل السياري

[gsb]

بع جهازك وشتر من عند السياري

[aziz000]

السلام عليكم
تفضل هذا جوالهم 0554415515 ابوعبدالعزيز

ودي ابيعه بس خايف اوهق الي يشتريه

اهم شي تتاكد من الموزع هذا انه يكون بالجهاز خرائط الشرق الاوسط والصحراء

تحياتي للجميع

[ابوسعدبدر]

c276 بس من قارمن .

[باثفايندر03]

محله في مخرج 28

الدايري الغربي
وانت متجه من 29الى 28 رح للخدمه بيجيك بنك البلاد تعده وعقبها بيجيك محل : خرائط الصحراء

[ibm-111]

مشكورين والله يعطيكم العافيه على التجاوب.....

[رغوه]

عليك بجهاز 276 وبس

[rescuer]

لوسمحت اخوي عزيز هم يحملون خرايطهم ولو جهازك من دار موجه ب500 ريال

[aziz000]

اخي الفاضل rescuer

والله انا حاولت مع موظفهم حتى ايست منه قلتله تكفا انا جايكم من بعيد ومعي جهازي دار موجه نزلي عليه خرايط الصحراء باي سعر قالي ما اقدر اساله طيب ليه يقول لاتسالني انا (عبدا مامور) صدقني هذا الي حصل !!!!!!

شكرا لك وللجميع على المشاركه

[aziz000]

اخوي rescuer ما تشوف ان السعر فيه استغلال وهذا يحد اصحاب الاجهزه على كسر حماية الخرائط

تحياتي

[ابو شقط]

السلام عليكم جميعا : يااخوان وش نهاية التلاعب بالمواطنين واهانتهم بسبب ان هناك عداء وتنافس غير شريف بين ( دار موجه والسياري ) الله لايحدنا الا لوجهه الكريم : اسمحولي على اسلوبي هذا ولكن الذي دعاني للكتابه هو : اني شريت جهاز النوفي 710 من دار موجه وهو الوكيل الوحيد في المملكة لجارمن والذي المفروض ان يكون لديه خرائط للصحراء وينزلها للاجهزة بحكم انه الوكيل ، وفي الطرف الاخر يقف السياري والذي لديه خرائط الصحراء ويرفض تنزيلها الا لمن يشتري الجهاز من عنده ، طيب ماذنب الذي اشترى من دار موجه وهو مايدري ويبغا الخرائط بحقها ويدفع قيمتها للسياري
..........
..........
.........

تم تحرير المشاركة من قبل السمح

[aziz000]

اخوي ابو شقط حنا وقعنا بهذا الخطا بس نرفع حتى لايقع غيرنا بخطانا
تحياتي

[aziz000]

اخواني الان ينزلون خرائط الصحراء ب 300 ريال انضر الرابط
http://www.mekshat.com/vb/showthread.php?t=144249

[أبوسليم]

السلام عليكم
السياري حدثلي الخريطة العام المضي عل 276 وحذف المدن وقال لازم شريحة ثانية للمدن
اللى عنده خبر يفيدنا بارك الله فيكم
وافهم من كلام الإخوان انه صارله محل خاص على الدائري الغربي
كان اول في المرسلات

[عبدالله الدوسري]

هذا الكلام صحيح
صار له محل خاص على الدائري الغربي
وانت على الدائري الغربي بالتجاه الجنوب بعد كوبري المدينة المنورة
وانت على الخدمة بيجيك الصناعية ثم مكاتب ومن ضمنها مكتب المهنا للعقارات هو المحل الي بعده فتحه وحده المحل وجهه شرق
وتقريبًا هذا هو الموقع في هذه المنطقة (http://www.wikimapia.org/#lat=24.5702307&lon=46.6141319&z=15&l=10&m=a)

يعني في المنطقة هذي:
N: 24° 34.211'
E: 46° 36.826

[buhmail]

السلام عليكم

اخوني عندي قارمن Etrex Vista شاريه من امريكى وللاسف جاني مع مشكلة زر التشغيل لا يعمل الا مرة واحده فقط ثم ما عد يشتغل الا بعد اعادة تركيب البطارية او سلك الشاحن وديته الى دار موجة وقالو ما يتصلح وعرضو علي التبديل بالمثل بنفس سعر الشراء وهو 800 ريال

هل يوجد من يستطيع ان يصلح الجهاز افيدوني مشكورين

أخوكم بو عبدالعزيز
Email aab5109@hotmail.com

[aziz000]

للرقع 0000000

[الرحال الحزين]

اخي العزيز خرائط الصحراء موجوده النت بلاش
سو بحث عنها ونزلها وفك الظغط عنها
وفتح ذاكره بطاقة الجارمن بتلاقي ملف اسمه جارمن
الصق الالخرطه فيه تطلع لك خريطه الصحراء

[shal10]

اخوي الرحال

الجماعة لاشك تعبوا في اخراجها
ولا ينبغي بخسهم حقهم بل تشجيعهم على هذا العمل الجبار

ومبلغ 300 ريال ارى أنه مناسب لكن التمس من الاخوة أن يتكرموا باضافة التحديث وجعله مجاني

لاشك أن كسب العملاء مطلب وينبغي الا يغفله التاجر الفطن

فالشركات تدفع الملايين على الاعلانات بهدف جذب الزبون

[الرحال الحزين]

السلام عليكم
قدر الله واشتريت قارمن نوفي 710 من دار موجه ( وهذا خطاي ) طبعا الجهاز محمل عليه خريطة الشرق الاوسط فقط حاولت ان ابحث عن خرايط الصحراء واخيرا دلوني على محل السياري ورحتلهم وقابلني اكا السنافي قلتله تكفا انا شريت جهازي من دار موجه ابيك تنزلي خرايط الصحراء ولاكن الطيب طردني من المحل اقصد باسلوب موظف الاستقبال الناجح!!!!! المكشر اقوله تكفا يالطيب ابي خرائط الصحراء يقولي ما اقدرو يردد علي جملته (انا عبدا مامور) طيب وش السبب يردلي (انا عبدا مامور) لا وماعندهم غير هالجهاز طيب ابي خريطة اسيا و اوربا ما عندنا شي اجل ليش فاتحين!
عموما يعني ضربتي المشوار من شمال الرياض لمحلهم
راحت عبث
بس انصح الي يبي يشتري نوفي 710 ان يشتري من عندهم(يحملون على جهازهم خرائط الصحراء) و لان دار موجه ولا فكرو بالزبون

اخي العزيز كلامك في محله بس اقرا الكلام الي فوق وشوف الطريقه في التعامل
يعني معقول هذا الكلام
وبعدين الخرائط موجوده في النت يعني مكسوره وجاهزه ونحن لم نكسرها
بس في سوال يفرض نفسه ليش تم كسر الخرائط بسبب المعامله والاحتكار وعدم التجديد المجاني
وانا اقول لازم يكون تفاهم بين الطرفين حتى تتحقق المصلحه للجميع وتكون عادله بلا تغليب مصلحة شخص على اخر

[سيف نجد FJ]

يا شباب جبت لكم الحل من وجع الراس هذا كله

سمعت انه فيه شركه جديده بتدخل السوق للاجهزه الملاحيه هذي وفيها خاصيه ما ادري هي زينه ولا لا بس انه فيها برنامج يخليك ( حسب ما فهمت من واحد من العيال الي شغال فيها ) انك انت الي تسوي الخرايط

يعني تنزل الخريطه الي تبي من جوجل ارث وهو بنفسه يسوي لها كاليبريت <-- ما ادري هي صح كذا.

المهم قالي هو يسوي لها كاليبرايت وتشتغل معك على طول وين ما تروح وتنزل قد ما تبي ويخزن مسارات ومدري وشو

وش رايكم

وبعدين ترى السياري مهب وكيل ودار موجه هو الوكيل الحصري وله الحق في السوق السعودي و السياري يهرب الاجهزه من الامارات لانه نظاميا المفروض ما تدخل دام فيه وكيل حصري وهو دار موجه

[قرناس صلا]

للتوضح يا شباب

السياري هو صاحب الملكيه لخرائط الصحراء وليس دار موجه
وهو اللي رفع اسهم دار موجه وجهازهم 276c
والرجال الحين يسوق لنفسه فى محله بعد ما أخذ وكاله قارمن على الاجهزه الحديثه ,, واذا قابلت الموظف و ما عرف يتصرف معك ,, كلم ابو عبد العزيز السياري ,, الشباب حطوا رقمه فى احد الردود على هذا الموضوع . أكيد بيحل لك المشكله .

لان الرجال متعاون جدا حنا فى جده يرسل لنا اللي نبي .

يعني خلك فى مكانك يجيك جهاز وفيه خرائط الصحراء .. خدمه ما تلقاها عند دار موجه ولا غيره .

تقبل مروري وشكرا لك

[عبدالله الحصيّن]

انا اشهد ان معامله السياري طيبه وممتازه من واقع تجربه ..

[ابو محاله]

السلام عليكم يا الربع

الله لا يهينكم ابي وصف محل خرائط الصحراء بالضبط باسرع وقت

لاني رحت للجهة حقته بالسويدي لكن ضيعت ما عرفت المحل مزبوط

و لكم كل الشكر ...

[sameer_1798]

للتوضح يا شباب

السياري هو صاحب الملكيه لخرائط الصحراء وليس دار موجه
وهو اللي رفع اسهم دار موجه وجهازهم 276c
والرجال الحين يسوق لنفسه فى محله بعد ما أخذ وكاله قارمن على الاجهزه الحديثه ,, واذا قابلت الموظف و ما عرف يتصرف معك ,, كلم ابو عبد العزيز السياري ,, الشباب حطوا رقمه فى احد الردود على هذا الموضوع . أكيد بيحل لك المشكله .

لان الرجال متعاون جدا حنا فى جده يرسل لنا اللي نبي .

يعني خلك فى مكانك يجيك جهاز وفيه خرائط الصحراء .. خدمه ما تلقاها عند دار موجه ولا غيره .

تقبل مروري وشكرا لك
هذا الكلام الصحيح أبو عبدالعزيز أفضل ماقابلت ... ولانزكي على الله أحد , الأخوان اللي كسروا الخرائط .. مانقول غير حسبنا الله ونعم الوكيل فيهم ... وكل من ركب هذه الخرائط المكسورة لايتمتع بميزة التحديث المجاني لها .