حر جرناس هوا أشهب !

[المزروعي]

هذا طير وصلني من سنتين جرناس هوا بكر اشهب إيراني طلبني إياه واحد من الربع . بالنسبه لي هذا من الالوان القليله إللي أشوفها والطير تحتار في لونه !! مره تقول أشعل و مره تقول أشهب أو مره تقول تبني أو تبري . أترككم مع الصو و للأسف الصوره مش واضحه !



http://www.mekshat.com/pix/upload02/images73/mk57508_123.jpg

[راعي ام عشر]

يهببببببببببببببببببببببببببببببببل قوه

[قلب ذيب]

والله ياابومحمد أعتقد ان الطير ثنو وليس بكر ! وعلى العموم قرانس الهوى
اللي تعيش في مناطق أستوائيه يغلب عليها غبره او ضبابية الريش .

[المزروعي]

راعي أم عشر . تسلم
قلب ذيب . مرحبا يا بوماجد الطير جرناس بكر فيه ريش فرخ في مناكبه !! الطير مش مغلطاني في العمر . الطير كان عندي لمدة ثلاث أيام و بعدها راح لواحد من الربع .

[طرح السعودية]

ماشاء الله عليه هالطير
مشكور يالمزروعي على صور الطيور الطيبة اللي كل يوم متحفنا بوحدة

[محمد الفهيد]

ماشالله تبارك الرحمن
وصدق ريشه مميزه ليت الصوره واضحه


الله يعطيك العافيه

[لعّاب المنايا]

ماشاء الله علومك دايم زينه يالمزروعي وطير طيب ما شاء الله

إلا وش صار على الطير وش علومه ودنا نآخذ علومه يابو محمد

[المري]

مرحبا ابو محمد وحياك الله

ماشاء الله على الطير على مااعتقد الطير أشعل (( قوبعي))

وعسى الله يحفظك ويرعاك

اخوك - المري

[فيصل الدشاش]

ولله بقولك مشاء الله وبركاته

انا صراحتن مالي خبره بصقور بس ولله

الصور ماهيب واضضح بس الطير مشاء الله عليه كيبررر طول وعرض

ولله يطرح فيه البركه ..


وفماااااااان الله تحياتي فيصل الدشاش

[همام5]

عز الله طيب والله يعطيك العافيه

[غليص]

مساك الله بالخير يا بومحمد مشالله عليك الطير مسكت ومرت علينا طيور في ريشة الطير مجلوبه من سوريا في أواخر الثمانينات وينقاله بريشته هذي( تبري ) وانا أخوك بس أشهب ! ومع ذلك الربع أعلم مني والسموحه .

عزيز وغالي باخلاقك يا المزروعي

[صقار البحرين]

الله يمسيك بالخير يابومحمد
عزله انه طير طيب وانت اطيب وانت كريم وهو يستاهل الطير الطيب وتقبل مروري

[حمر جرودي]

مشكور أخـــــــ المزروعي ـــــــــــــي


الله لايحرمنا منك ومن صورك ومن معلوماتك

الله يعطيك الصحة والعافية

[قرناس ارامكو]

ماشاء الله علومك دايم زينه يالمزروعي وطير طيب ما شاء الله

[أبو رداد]

ماشاء الله تبارك الله
الحر الي يقرنس وريشته هاللون
طير خطير ..
ماعندك صوره للطير وهو مفرع يابو محمد ؟؟؟

[ذراع الذيب]

الله يعطيك العافيه..على الصوره الزينه..ومشكوررر...

[الطبشي]

مشاء الله عليه طير طيب 000 ويستاهله خويك 000

[hawwamT]

ماشاء الله على هالطير والله يعطيك العافية...
الحقيقة المسميات اللي تطلق على ريشة الطير تختلف اختلاف كبير وكلها صحيحة فاللخبطة دائم تجي في الريشة المزيونة حيل...فأصبح عندنا المسميات التالية:
حمر
حمر تكاشف
حمر يرد في شعال
أشعل
أشعل يرد في شقار
أشقر
أشقر يرد في بياض
أبيض

وأما بعض الالوان اللي مايطلق عليها اسم غير مايليق بها
حناوي ( وهذا رأيته وفعلا ريشته مثل الحناء )
خياشي ( لونه مثل الخيش ) وأيضا شفته بنفسي وشراه أيامها الامير نايف

[سنجااار]

دائمأً تتحفنا بالجديد يابومحمد وبصور الطيور الي تخرع
بيض الله وجهك على الطرح الطيب يالطيب

[صارووم]

ماشاء الله .. تبارك الله .
الكرم لصار من أهله مايستغرب .. وانت كريم والرجال ان شاء الله يستاهل
الله يعوض عليك ويرزقك أطيب منه
ومشكووور وماقصرت

[المزروعي]

طرح السعودية . الشكر لك
محمد الفهيد . الله يعافيك
لعاب المنايا . الله يبارك فيك . الطير قنص فيه و سومر في المقيض
المري يا مرحبا يا بومعيض . صدقت أكثر الناس قالوا هذا قوبعي
فيصل الدشاش . تسلم على المرور
همام5 . الله يعافيك
غليص . مساك الله بالنور وما عليك زود يا الطيب . صدقت واحد من الربع سوري من الرحيبه قالي هذي من طيور الاولين كانوا يشبكونها في سوريا و يقول أنقطعت هذي النوعيه من زمان .
صقار البحرين . الله يمسيك بالنور . ما عليك زود و مرورك شرفنا
حمر جرودي . الشكر لك و الله لا يحرمنا من مرورك
قرناس ارامكو . زانت علومك الله لا يهينك
أبو رداد . يا مرحبا يا بورداد للأسف الطير ما ابطى عندي حتى أصوره !!
ذراع الذيب . الله يعافيك
الطبشي . تستاهل الخير
hawwamT . الله يعافيك و معلوماتك صحيحه
سنجااار . وجهك أبيض و ما عليك زود
صارووم . ما عليك زود الله لا يهينك

[وقاااااد]

اول مره اشوف مثل ريشه هالطير محرقتها الشمس احراق
ياليت تعطينا اعلوم الطير اتوقع بتجي فعوله غير شكل
مشكور يابو محمد على الصوره النادره

[نبع الدموع]

يعطيك الف عافية يابو محمد و عز الله ان الريشة كايفة
اول مرة اشوف مثلها سبحان الخالق.

لا هنت

[المزروعي]

وقاااااد . الطير يمدح فيه راعيه لكن سومر عنده في المقيض !
نبع الدموع . الله يعافيك ويسلمك

[مغــادر]

السلام عليكم ورحمة الله وبركاته
بيض الله وجهك على الصوره الطيبه,,,

[طيرالحمــــاد]

ماشاء الله .. تبارك الله
أنت تفعلها وهوأن شاءالله يستاهل

[المزروعي]

مغادر . وعليك السلام ورحمة الله وبركاته . وجهك أبيض الله لا يهينك
طير الحماد . تسلم على المرور و ما عليك زود الله يبارك فيك

[شبراق]

مشاءالله تبارك الرحمن
صراحه الصوره مهب واضحه

طيب بعد ماقرنس وش صار ماتدري عنه ولا عندك صوره له ؟

[قلب شاهين]

يعطيك العافية على الصورة والطير ماعليه كلام توب ،،

بيض الله وجهك وبارك الله فيك ،،

تحياتي / قلب شاهين ،،

[بوخالد الكعبي]

ماشاءالله تبارك الرحمن عليه
يذكرني بالطير اللى خذته من باكستان من لاهور عند كواخين هناك

وهو طير تبري خذته سنه 1998 م

وبعت في قطر على 20 الف ريال اى والله

الله يوفق اللى خذه ان شاءالله

تسلم يالمزروعي

[المان العرب]

مرحبا ابو محمد وحياك الله

ماشاء الله على الطير على مااعتقد الطير أشعل (( قوبعي))

وعسى الله يحفظك ويرعاك

اخوك - المري
كلامك صحيح :good: :good: :good: :good:

[ابو شيخة]

ماشاء الله عليه الطير تسلم تسلم