سبوق والا لوحق

[معديان]

السلام عليكم ورحمه الله وبركات فيه سؤال محيرن يالربع ابغا اعرف الفرق لا قالو لك الصقاقير هذا الطير لحووووق وهذا سبوق ارجو الافاده ياخوان وشكرا

[ابو صقر992]

هلا اخوي معديان انشالله الشباب مهب مقصرين معك تمنياتي لك بالتوفيق00

[معديان]

شكرا ابوصقر على المداخله الله يعطيك العافيه

[أبو طلال-نقوه]

السلام عليكم,
أخوي على ما أعتقد أن لحوووق أن الطير يصمل في الصيده ولا يطرح عنها (لا يخليها تروح عليه), أما السبوووق فهو الطير الذي تكون صنعته طيبه و شكله سريع في الطيارن مثل منكبه متقدمه و عريضه , ثناديه قدام.... وغير من المواصقات.
هذا إلي عندي وإن شاء الله يفيدك.

[بعيد الشوح]

السبوق اللى تروح عليه في 5 حباري 1 والحاق اللى مايروح عنه شي والحاق اسبق من السبوق لنه دايم يردفون به على الصيده واسف على الاطاله وتقبل مروري

[الطبشي]

السبوق اللى تروح عليه في 5 حباري 1 والحاق اللى مايروح عنه شي والحاق اسبق من السبوق لنه دايم يردفون به على الصيده واسف على الاطاله وتقبل مروري
كلام سليم ......

[عاشق1]

[quوالحاق اسبق من السبوق لنه دايم يردفون به على الصيده Ote][/quote]
اخالفك الرأي ( اللحاق لحاق والسبوق سبوق )

[همام5]

اللحاق الي يلحق عقب طيور والسبوق العجل في الصيد يعني في الفره الاوله والمقصد من اللحاق الصامل ويزين الي يجمعها

[طيرالحمــــاد]

اللحاق الي يلحق عقب طيور والسبوق العجل في الصيد يعني في الفره الاوله والمقصد من اللحاق الصامل ويزين الي يجمعها
انا معك ياهمام

[طلق الصيد]

كلامك صحيح ياهمام (ياهمام@@من)من دون اقصور في الباقين،،، ننتظر اراء الاخوان اهل الخبره،،،،، ويعطيكم العافيه

[معديان]

اشكركم على مداخلتكم جميعا يعطكم الف عافيه

[عا سبيل بر]

وما زلنا في حيره نبي كلام مقنع

ولا يهون كل من علق على الموضوع

[المزروعي]

السبوق أطيب من اللحاق !!! السبوق صيده ما يتأخر معاها يعني صيدته ما تاخذ معاه وقت بسرعه يصيدها . بينما اللحاق لو أنه يصيدها لكن في المسافه الطويله يعني ممكن نقول عنه( تبال ) وهذي ميزه مش طيبه في الطير خاصه إللي يقنص في مكان وعر أو ممنوع !!!!

[شبراق]

السبوق / الطير الي ياصل صيدته بسرعه ويصيده ويمكن يروح عليه شي اذا كان مهب صامل !!
اما الصامل والسبوق هذي ميزه .

اما الحاق الي يالحق الصيده بعد طير او عدة طيور بحيث تكون الصيده بعيده ويطلبه ويالحقة ويصيدة وطبعاً لازم يكون الطير الحاق سبوق ولا شلون ياصل صيدته ؟

هذا حسب معرفتي

[فداع]

ههههههههههههههههههه فرق بين الحاق والتلاب الحاق مافوقه طيربسبق يعني فارط سبق يقولك سبوق فوق منه طير وفيه سبقه زين فوقه طيرين والتلاب الي يطردنهاره كله ومسافه بينه وبين الصيده ويرقا فوق الصيده ويحول على الصيده بثقله نزول والله اعلم

[صقار البحرين]

السبوق الطير اللي يسابق صيدته ويعني ماياخذ عليها روقه على طول واللي رمعت جناحه قويه يلم بسرعه هذا السبوق ....
اللحاق اللي يلحق الحباري اللي على مايقولن الصقاقير ماهي في الديره اما مرتفه وعلى غط الشوف ويطلبها ويصيدها وعزمه قوي وصاملفي الطرد هذا اللحاق........
وسلامتكم

[راعي مختار1]

مرحبااخوي .اللحوق هو الطير الي يطرد صيدته ويصيدها بعد مسافه
والسبوق.هو اللي يخلصك بسرعه يعني مايعطي فرصه للصيده ترتفع او تبعد .تقبل مروري

[معديان]

الله يعطيكم العافيه كلن بسمه وما قصرتو يالربع

[قشاع الرمث]

السلام عليكم ورحمة الله وبركاته

السبوق الصامل ما عقبه طير ..